Беларусь стратегик тадқиқотлар институти O‘zLiDePни мамлакатимиздаги  етакчи партиялардан бири деб ҳисоблаган ҳолда,  институтнинг  директор ўринбосари Т.А.Шендик, бўлим бошлиқлари А.С.Дударенок ва  Ю.М.Ярмолинскийлар O‘zLiDePга ташриф буюрди.

Учрашув доирасида ҳар икки томоннинг ҳам партия қурилиши,  партиялараро ҳамкорликни йўлга қўйиш  истиқболлари  хусусида фикр алмашилди. Шунингдек, меҳмонлар  сайлов компанияси, Ўзбекистонда шаффоф рақобат учун яратилган шароитлар O‘zLiDePнинг сайловолди фаолияти,  партиянинг  мақсад ва вазифалари  билан ҳам  таништирилди.

Ўз навбатида, Т.А.Шендик Беларусь стратегик тадқиқотлар институти Ўзбекистоннинг кўппартиявийлик тизимини ривожлантириш соҳасидаги тажрибасини қизиқиш билан ўрганишини билдирди. Айни пайтда,  мамлакатларимизнинг сиёсий партиялари ўртасидаги муносабатларни ривожлантириш Ўзбекистон ва Беларусь ўртасидаги мулоқот учун хизмат қилади.

Умуман олганда,  учрашув  ишончли ва  дўстона муҳитда бўлиб ўтди.