Президентимизнинг 2017 йил якунлари ва 2018 йилда амалга ошириладиган устувор вазифалар юзасидан ўтказилган видеослектор йиғилишидаги Парламентга Мурожаатини биз депутатлар мамнуният билан тингладик. Мурожаатда 2017 йилда амалга оширилган ишлар чуқур таҳлил этилди. Ютуқлар билан бирга йўл қўйилган камчиликлар аниқ ва рўйи рост таъкидлаб ўтилди. Жумладан, парламент ва маҳаллий Кенгашларнинг фаолияти ҳам танқидий баҳоланди. Давлат идоралари раҳбарларининг ҳисоботлари эшитилгани эътироф этилгани ҳолда бунда ҳам юзакичиликка, бир ёқламаликка йўл қўйилганлиги  кўрсатиб ўтилди.  Бу ҳисоботлардан оддий халқ, одамлар манфаатдор бўлишлари лозимлиги таъкидланди. Шунинг учун янги йилда парламент ва депутатлик назоратини янада кучайтириш, бунда изчилликка амал қилиш, натижадорликка эришиш зарурлиги вазифа қилиб белгиланди. Жамотчилик назоратини кучайтириш мақсадида ҳар бир корхона, ташкилотда жамоатчилик кенгашлари тузиладиган бўлди.

Президентимиз ташаббуслари билан 2018 йилни “Юртимизда фаол тадбиркорлик, инновацион ғоялар ва технологияларни қўллаб-қувватлаш йили” деб эълон қилинди. Бу бежиз эмас албатта, Чунки Юртбошимиз таъкидлаганларидек, янги иш ўринлари яратиш, рақобатбардош маҳсулотлар ишлаб чиқариш ва четга экспорт қилиш – буларнинг барчаси тадбиркорликни қўллаб-қувватлаш ва уларга эркинлик яратишга боғлиқ.

Янги йилнинг бундай номланиши Тадбиркорлар ва ишлбилармонлар ҳаракати – Ўзбекистон Либерал-деморатик партиясига, ундан сайланган депутатлар зиммасига ҳам катта масъулият юклайди. Биз келаётган янги йилда аввало, халқимизга, электоратимиз вакиллари бўлган тадбиркорларга янада яқиндан кўмакдош бўлиб, уларнинг ҳуқуқ ва манфаатларини ҳимоя қиламиз, айниқса, инновацион ғояларни ва технологияларни олиб келадиган тадбиркорларни қўллаб-қувватлаймиз.

Сайфиддин ХУСАИНОВ,

Халқ депутатлари Наманган вилоят Кенгашидаги

O‘zLiDeP депутатлик гуруҳи раиси ўринбосари

O‘zLiDePнинг Facebook’даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!