Тадбиркорлар ва ишбилармонлар ҳаракати – Ўзбекистон Либерал-демократик партияси  Сирдарё вилоят Кенгаши томонидан “Ўзбекистонда сайлов қонунчилиги ва O‘zLiDeP сайловолди дастури мазмун-моҳияти” мавзусида давра суҳбати ўтказилди.

Гулистон шаҳридаги “Ўзагролизинг” АЖ вилоят филиалида ташкил этилган тадбирда партия вилоят Кенгаши масъул ходимлари Д.Тўрақулов ҳамда  Х.Ортиқбоевларнинг мавзуга оид маърузалари тингланди.

“Ўзбекистон Либерал-демократик партияси мамлакатимизда амалга оширилаётган ислоҳотларнинг бош мақсади инсон, унинг ҳаёти, эркинлиги, қадр-қиммати, ор-номуси, эҳтиёжлари ва манфаатларига қаратилганлигини эътироф этади. Чунки фақатгина шахсий мулкни ҳурмат қилиш, шахс ҳуқуқ ва эркинликларининг жамият ва давлат манфаатлар билан уйғунлиги тамойили жорий этилган очиқ ва кучли фуқаролик жамияти, конституциявий парламент демократияси, эркин бозор иқтисодиёти шароитидагина мамлакатимиз ва халқимиз равнақига эриша оламиз, – дейди O‘zLiDeP Сирдарё вилоят Кенгаши бўлим мудири Х.Ортиқбоев.

Тадбирда йиғилганларга партиянинг сайловолди дастури ҳақида кенгроқ маълумотлар берилди.                 

Дилором ЭСОНОВА,

O‘zLiDeP Сирдарё вилоят

Кенгаши матбуот котиби