O‘zLiDePдан депутатликка кўрсатилган номзодлар пискентлик сайловчилар билан учрашди
27.11.2019, 11:56
Пискент тумани Мусиқа ва санъат мактабида “Янги Ўзбекистонни биргаликда қурамиз!” шиори остида тарғибот тадбири бўлиб ўтди.
Унда Олий Мажлис Қонунчилик палатаси депутатлигига номзод Виктор Пак, Халқ депутатлари вилоят кенгаши депутатлигига 44-Қориз сайлов округидан номзод этиб кўрсатилган Аъзам Худойқулов ҳамда туман Кенгашига кўрсатилган номзодлар, сайловчилар, жумладан биринчи марта овоз берувчи ёшлар, маҳалла фаоллари ҳамда кенг жамоатчилик вакиллари иштирок этди.
Тадбирда сўз олган Олий Мажлис Қонунчилик палатаси депутатлигига номзод Виктор Пак ҳамда партия лидерлари мамлакатимизда амалга оширилаётган ислоҳотларнинг бош мақсади инсон, унинг ҳаёти, эркинлиги, қадр-қиммати, ор-номуси, эҳтиёжи ва манфаатларига қаратилганини эътироф этган ҳолда ўз олдига қўйган аниқ мақсадларини санаб ўтдилар. Шунингдек, Сайлов кодексининг мазмун-моҳияти, сайловда қандай иштирок этиш, унда овоз бериш тартиби тўғрисида ҳам тушунчалар беришди.
– Тарғибот тадбирларини ўтказишдан асосий мақсад сайлов қонунчилигидаги янгиликларни кенг жамоатчиликка етказишдан иборат, – дейди Пискент тумани Кенгаши аппарат раҳбари З.Маҳмудова. – Айтиш лозим, Пискент туманида сайловларга тайёргарлик ишлари қизғин кечмоқда. Туманда 99 мингдан ортиқ аҳоли истиқомат қилса, шулардан сайлаш ҳуқуқига эга бўлган 62 мингдан зиёд фуқаро 22 декабрь куни бўладиган сайловларда ўз конституцион ҳуқуқларидан фойдаланиб, муносиб номзодларга овоз беришади.
Дарҳақиқат, бундай тарғибот-ташвиқот тадбирлари аҳолининг сиёсий-ҳуқуқий билимларини мустаҳкамлашга, сайлов қонунчилигига киритилган ўзгартиш ва қўшимчаларнинг мазмун-моҳиятини чуқурроқ англашига, сайлов жараёнида уларнинг фаоллигини таъминлашга хизмат қилади.
Тарғибот тадбирига эл севган санъаткорларнинг куй-қўшиқлари янада файз улашди.
O‘zLiDeP Тошкент вилояти Кенгаши
матбуот хизмати
Ўхшаш янгиликлар
-
Халқ билдирган ишончни оқласак, сайловчилар олдида юзимиз ёруғ бўлади
10.01.2020, 15:09
-
Олий Мажлис Қонунчилик палатаси депутатлигига сайланган О.Отахонова кўмагида шаҳрихонлик ёшлар ишли бўлди
09.01.2020, 17:42
-
Жамиятда изланувчан, фидойи бўлмаган депутат билан ҳеч қандай ютуққа эришиб бўлмайди
09.01.2020, 17:34
-
“Евроснар” МЧЖ раҳбари депутат бўлди
08.01.2020, 12:04
-
Халқ билдирган юксак ишончни оқлашга бор куч-ғайратимизни сафарбар этамиз
07.01.2020, 16:59
Фикрингизни қолдиринг