O‘zLiDeP Қўқон шаҳар Кенгаши томонидан ҳудуддаги Темирйўлчилар маданият саройида “Биргаликда биз кучмиз” шиори остида тарғибот тадбири ўтказилди.

Унда сўз олган партия Фарғона вилоят Кенгаши раис ўринбосари З.Собирова сайлов кампанияси сиёсий партиялар учун энг масъулиятли жараён ва муҳим синов эканлигини таъкидлади. Шунингдек, партия дастурида белгиланган муҳим вазифалар ҳақида иштирокчиларга маълумотлар берди.  

“Партиямиз сайловолди дастурида “Ҳар бир оила – тадбиркор” деган олижаноб ғояни изчиллик билан ҳаётга татбиқ этиш, жамиятда фаол тадбиркорлик маданиятини шакллантириш, мактабдан бошлаб олий таълим муасассаларида ҳам тадбиркорлик дарсларини ўтиш, тўгараклар ташкил этишдек муҳим йўналишлар ўз ифодасини топган. Айниқса, Тадбиркорлар академиясини, соҳага қизиқаётган ёшлар учун эса консалтинг марказларини ташкил этиш ўрин олган”, – дейди З.Собирова.

Тарғибот тадбирида таниқли хонандалар томонидан куйланган куй-қўшиқлар барчани ўйинга чорлади.

Ш.ТЎХТАМАТОВ,

O‘zLiDeP Фарғона вилоят

Кенгаши матбуот котиби