Сайловчилар O‘zLiDeP номзодлари дастурини қўллаб-қувватлашди
18.12.2019, 14:59
Олий Мажлис Қонунчилик палатаси ва маҳаллий кенгашларга бўлиб ўтадиган сайлов куни тобора яқинлашмоқда. Бу муҳим сиёсий жараёнга O‘zLiDeP Сурхондарё вилоят Кенгаши ҳам қизғин тайёргарлик кўрмоқда. Айниқса, улар томонидан кўрсатилган номзодларнинг сайловолди учрашувлари борган сари янгича кўринишда ва кўтаринки кайфиятда ташкил этиляпти.
Ана шундай тадбирлардан бири Термиз шаҳридаги “Ёшлар маркази”да бўлиб ўтди.
Учрашувда Олий Мажлис Қонунчилик палатаси депутатлигига номзод Б.Мардаев, халқ депутатлари вилоят Кенгаши депутатлигига номзод М.Кадирова, халқ депутатлари Термиз шаҳар Кенгаши депутатлигига номзод З.Сапаровалар ўзининг сайловолди дастури юзасидан маъруза қилди.
“Сайловчилар айнан O‘zLiDeP томонидан қайси тадбиркор ёки ёшга амалий кўмак берилгани, сайловолди дастурида айтилган мақсадларни амалга ошириш кафолати бор ёки йўқлиги ҳақида савол беришди, — дейди депутатликка номзод Б.Мардаев. — Уларга жавобан ўнлаб тадбиркор ва ёшларга кредит олиш, ўз бизнесини йўлга қўйиш борасида амалий ёрдам берилганини мисоллар билан тушунтирдик. Платформамиздан ўрин олган мақсад ва вазифаларни амалга ошириш имконини халқ беришини, бунда сайловчиларнинг овози муҳим эканини билдирдик”.
Талабаларнинг сиёсий билимларини синаш мақсадида сайлов жараёнларига оид викторина ҳам ўтказилди. Викторинада фаоллик кўрсатганларга партиянинг эсдалик совғалари топширилди.
O‘zLiDeP Сурхондарё вилоят
Кенгаши матбуот хизмати
Ўхшаш янгиликлар
-
Халқ билдирган ишончни оқласак, сайловчилар олдида юзимиз ёруғ бўлади
10.01.2020, 15:09
-
Олий Мажлис Қонунчилик палатаси депутатлигига сайланган О.Отахонова кўмагида шаҳрихонлик ёшлар ишли бўлди
09.01.2020, 17:42
-
Жамиятда изланувчан, фидойи бўлмаган депутат билан ҳеч қандай ютуққа эришиб бўлмайди
09.01.2020, 17:34
-
“Евроснар” МЧЖ раҳбари депутат бўлди
08.01.2020, 12:04
-
Халқ билдирган юксак ишончни оқлашга бор куч-ғайратимизни сафарбар этамиз
07.01.2020, 16:59
Фикрингизни қолдиринг