O‘zLiDeP Фарғона вилоят Кенгаши “Сарҳисоб: O‘zLiDeP – янги ғоялар ва ислоҳотлар ташаббускори” шиори остида байрам тадбири ўтказди.

Унда партиядан Олий Мажлис Қонунчилик палатаси, халқ депутатлари вилоят, туман ва шаҳар Кенгашларига сайланган  депутатлар, партия фаоллари ҳамда кенг жамоатчилик вакиллари иштирок этди.

Тадбирни O‘zLiDeP вилоят Кенгаши раиси Р.Камолов кириш сўзи билан очиб, партиядан Олий Мажлис Қонунчилик палатасига 6, халқ депутатлари вилоят Кенгашига 23, туман ва шаҳар Кенгашларига эса 202 нафар номзодимиз депутатликка сайланганини таъкидлади.

“Туманимиздан Олий Мажлис Қонунчилик палатаси депутатлигига 1, халқ депутатлари вилоят Кенгашига 2, туман Кенгашига эса 15 нафар номзодимиз депутатликка сайланди. Ишончим комилки, улар жонкуярлиги ва ташаббускорлиги билан сайловчилар кўнглидан чуқур жой олиб, халқ билдирган ишончни оқлайди”, – дейди O‘zLiDeP Олтиариқ туман Кенгаши раиси Ҳ.Раҳимов.

Тадбирда таниқли хонандалар томонидан куйланган куй-қушиқлар барчага хуш кайфият улашди.

Тадбир якунида бир гуруҳ партия фаоллари O‘zLiDeP вилоят Кенгаши томонидан эсдалик совғалари билан тақдирланди.

 Ш.ТЎХТАМАТОВ,

O‘zLiDeP Фарғона вилоят

Кенгаши матбуот котиби