O'zLiDeP фаоли хусусий даволаш сиҳатгоҳи очди

17.01.2020, 17:30

O'zLiDeP фаоли хусусий даволаш  сиҳатгоҳи очди

Нуробод туманида “Nurli-zamin ESM” хусусий даволаш сиҳатгоҳи фаолият бошлади.

Мазкур муассасанинг очилиш маросими муносабати билан бўлиб ўтган тадбирда туман ҳокими Ф.Заиров иштирок этиб, бугунги кунда соғлиқни сақлаш тизимида хусусий секторнинг ролини ошириш, хусусий тиббиёт муассасалари фаолиятини ривожлантириш ва аҳолига сифатли тиббий хизмат кўрсатиш борасида амалга оширилаётган ишлар юксак самара бераётганини таъкидлади.

98 ўринга мўлжалланган даволаш сиҳатгоҳини қурилишига 5 млрд. сўмдан ортиқроқ маблағлар сарфланган. Сиҳатгоҳ сув билан даволаш, физиотерапия, парафен, массаж, лазерли ва спорт терапияси билан аҳолига тиббий хизмат кўрсатади.

Сиҳатгоҳ раҳбари, O'zLiDeP фаоли С.Қаршиевнинг сўзларига кўра, бугунги кунда муассасада 20 та янги иш ўринлари яратилган бўлиб, тиббий хизматлар соҳасининг ортиб бориши билан, ишчи ўринлари ҳам кенгаяди.

 Сайфиддин РАСУЛОВ,

 O'zLiDeP туман Кенгаши

ижрочи котиби

Интернетдан олинган сурат. 

  • Кўрилди
    740
  • Чоп этиш
  • Дўстлар билан улашиш
← Орқага қайтиш

Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+