Китоб – маънавият бешиги
20.01.2020, 17:26
O‘zLiDeP Самарқанд вилоят Кенгаши Пастдарғом туманидаги 1-умумий ўрта таълим мактабида “Китоб – маънавият бешиги” мавзусида давра суҳбати ташкил этди.
Мазкур тадбирдан кўзланган асосий мақсад – жамиятда китоб ва китобхонликнинг нуфузини ошириш, ёшларни ахборот-кутубхона муассасалари ва умумтаълим мактаблари ҳамда маҳалла кутубхоналарига жалб этиш, китоб мутолааси ва китобхонлик маданиятини кенг тарғиб қилишдан иборат.
“Китоб — энг яқин дўст. Ҳаётнинг оғир лаҳзаларида унга суянишингиз мумкин. У сизни ҳеч қачон сотмайди. Китоб қалбни ёритади, инсоннинг қаддини ростлайди, мустаҳкамлайди, ундаги эзгу ниятларни жонлантиради, ақлни ўткир, юракни енгил қилади.
Ҳар қандай давлатнинг келажаги — бу унинг маърифатли, ақлли ёшларидир. Бу олмос ҳақиқат. Шу сабабли билим олиш — ҳозирги авлоднинг Ватан келажаги олдидаги қарзи ҳисобланади”, – дейди O‘zLiDeP вилоят Кенгаши аёллар билан ишлаш бўлими мудири М.Чулиева.
Унинг қўшимча қилишича, “Дурдона” маърифий лойиҳаси доирасида ўтказилаётган бу каби тадбирлар ёш авлодни миллий ғурур ва ифтихор, Ватанга муҳаббат ва садоқат руҳида тарбиялаш, ёшларимизни бой маданий меросимизни қадрлашга, уни кўз қорачиғидек авайлаб-асрашга ўргатади.
O‘zLiDeP Самарқанд вилоят
Кенгаши матбуот хизмати
Ўхшаш янгиликлар
-
Ишбилармон аёллар сараланмоқда
21.04.2024, 13:38
-
O‘zLiDeP “Аёллар қаноти” лойиҳалари орқали ишсиз хотин-қизлар тадбиркор бўляпти
09.04.2024, 19:51
-
Қоратепалик Матлуба опа томорқасидан ҳар йили 30 миллион сўм даромад қилмоқда
09.04.2024, 19:43
-
Хотин-қизларнинг иқтисодий, ижтимоий ва сиёсий фаоллигини оширишга эътибор янада кучайган
31.03.2024, 10:50
-
Маҳалладаги хотин-қизларнинг муаммо ва таклифлари ўрганилди
01.03.2024, 22:00
Фикрингизни қолдиринг