Боғот туманида халқ депутатлари туман кенгашидаги O‘zLiDeP депутатлик гуруҳи аъзолари ташаббуси билан “Хоким билан бир кун” лойиҳаси ташкил этилди.

Унда туман ҳокими, маҳаллий кенгаш депутатлари ва ёшлар билан биргаликда тумандаги "Хоразмтекс" саноат корхонасига, "Гулшан" маҳалласида ташкил қилинган иссиқхона, мева ва сабзавотларни қуритиш цехига, тумандаги мактаблар ва хусусий мактабгача таълим муассасаларига боришди.

Мазкур лойихадан кўзланган мақсад – ёшларнинг ижтимоий-иқтисодий фаоллигини ошириш, уларни тадбиркорлик фаолиятига кенг жалб қилиш, истиқболли лойиҳаларини рўёбга чиқариш, бизнес режалар ишлаб чиқишига кўмаклашиш ҳамда тажрибали тадбиркорлар фаолияти билан таништиришдан иборатдир.

“Бугунги кунимиз ажойиб ўтди. Кун давомида кўплаб тадбиркорлик субъектлари фаолияти билан танишдик. Айниқса туман ҳокими, депутатларнинг ёшларга катта ишонч билдираётгани бизни янада кўпроқ билим олишга, изланишга ундади”, – дейди Шерзод Қўчқаров.

Насиба ВАИСОВА,

O‘zLiDeP Хоразм вилоят

Кенгаши матбуот котиби