O‘zLiDeP Янгиқўрғон туман Кенгаши ҳудуддаги Исковот қишлоғида яшовчи аҳоли вакиллари учун сайёр қабул ўтказди.

 Қабул давомида фуқароларнинг ўзини қийнаган муаммолар бўйича мурожаати тингланиб, уларни жойида ҳал этиш чоралари кўрилди. “Исковот-Салмон-Умаржон” фермер хўжалиги раҳбари У.Ариббоев ер майдонларини мақбуллаштиришдаги чалкашликлар сабаб, унинг ерлари бир неча фермер номига расмийлаштирилганидан шикоят қилди.

“Хусан ота-Шоҳруҳбек-Шаҳриёр” фермер хўжалиги раҳбари Зафаржон Топилов эса мақбуллаштиришда ўзига бириктирилган айрим ер эгаларининг қарздорлиги туфайли ўзи жаримага тортилганини айтиб, тизимда масъулиятни оширишга қаратилган механизм ишлаб чиқиш таклифини билдирди.

“Сайёр қабул давомида ўзимизни қизиқтирган барча саволларга жавоб олдим. Энг муҳими, фермер хўжалигимиз ер майдони ортиқча ҳисобланиши оқибатида солиқ тўловларидан асоссиз юзага келган қарздорлик масаласига ечим топилди. Бунинг учун партия вакиллари, депутатлардан миннатдорман”, – дейди “Хасанбой-Хусанбой-Хошимжон” фермер хўжалиги иш юритувчиси Х.Тўхтабоев.  

Сайёр қабулда фуқаролар томонидан йўлланган 20 дан зиёд мурожаатлар ҳар томонлама таҳлил қилиниб, уларнинг юзага келиш сабаблари ўрганилди. 10 га яқин мурожаатлар шу ернинг ўзида бартараф этилди. Муддат талаб этиладиган мурожаатлар тегишли назоратга олинди.

Юлдуз ЮЛДАШЕВА,

O‘zLiDeP  Наманган  вилоят

Кенгаши  матбуот  котиби