А.Хаитов хонадонма-хонадон юриб муаммоларни ўрганди

11.02.2020, 16:02

А.Хаитов хонадонма-хонадон юриб муаммоларни ўрганди

Халқ вакили, Олий Мажлис Қонунчилик палатасидаги O‘zLiDeP фракцияси раҳбари А.Хаитов халқ билан учрашиш ва мулоқот қилиш мақсадида Деҳқонободлик сайловчилар билан учрашди.

Юзма-юз мулоқотлар давомида фуқаролар томонидан асосан ишга қайта тиклаш, иссиқхона ташкил этиб тадбиркорлик фаолиятини бошлаши учун имтиёзли кредитлар ажратиш, электр энергиясидаги ва газ таъминотидаги муаммоларни бартараф этиш ва бошқа қатор масалалар кўтарилди. Эътиборлиси, муамоларнинг салмоқли қисми шу ернинг ўзида ҳал этилди.

“Бундан буён ҳар бир маҳалла, керак бўлса, уйма-уй кириб, халқ  билан мулоқот қиламиз. Одамларнинг дардини эшитамиз, яшаш шароитларини ўрганамиз, муаммоларини ҳал этиш чораларини кўрамиз. Ёлғон ваъдалар билан энди иш битмайди. Халқни рози қилишнинг йўли бу мулоқот ва муаммоларнинг ечимидир. Боиси аҳолини қийнаётган муаммолар халқ ичига чуқур кириб борилгандагина яхши билинади”, – дейди O‘zLiDeP фракцияси раҳбари А.Хаитов. 

Таъкидлаш керак, депутатларнинг энг оғир, энг чекка, энг олис ҳудудларга чиқиб, маҳаллама-маҳалла, қишлоқма-қишлоқ, кўчама-кўча юраётгани ўз самарасини бермоқда. Зеро, халқ билан бундай мулоқот нафақат мурожаатларни тинглаш, балки уларни жойида бартараф этишга қаратилган.

  • Кўрилди
    122
  • Чоп этиш
  • Дўстлар билан улашиш
← Орқага қайтиш

Билдирилган фикрлар

Abdinabi2020-02-13 12:06:08

Deputatlarni mana shunday yurganlari judayam zoʻr bundan ham koʻproq yursa chetka qishloqlarga ham kelib xalqni muommolarini oʻrganib ozroq boʻlsa ham yordam qilsa. Bizlar bir necha yildan buyon eliktr enirgiyasi muommosi bilan yugurib yuribmiz hech kim tinglamayapti. Qachongacha qiynalib zamondan ortda qolib yashaymiz bizlarni ham muommoni joyiga kelib oʻrganib iloji boricha joyiga hal qilib bersangizlar hurmatli Deputatlar


Бобоев Содиқжон Абдурахмонович2020-02-11 19:44:12

Албатта депутатларнинг энг оғир, энг чекка, энг олис ҳудудларга чиқиб, маҳаллама-маҳалла, қишлоқма-қишлоқ, кўчама-кўча юраётгани ўз самарасини беради.


Абат 2020-02-11 16:57:10

Ассалаума алейкум Ишларингизга ривож сизлардан Аллах рози болсин Когда в городу Нукусе будите посмотрите что там где там


Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+