Депутатдан 1000 кўчат акцияси
17.03.2020, 17:17
Ўтган ҳафтада умумхалқ хайрия ҳашари муносабати билан Олий Мажлис Қонунчилик палатаси депутати, O‘zLiDeP фракцияси аъзоси Абдулла Рузметов Урганч туманида “Мингта кўчат” акциясини ўтказди.
Депутат ҳомийлигида Урганч туманидаги “Бободеҳқон”, “Боғдорчи”, “Кўҳна овул”, “Ҳамид Олимжон,” “Қипчоқ”, “Оқ олтин”, “Қайчили”, “Боқайли”, “Чандир”, “Қиёт”, “Шодлик”, “Мевазор” ҳамда “Бўстон” маҳаллаларидаги 100 нафарга яқин кам таъминланган хонадонларга 1000 дан ортиқ турли мевали дарахт кўчатлари, жумладан, 220 туп олма, 100 туп шафтоли, 150 туп нок, 150 туп қороли, 200 туп беҳи ҳамда 250 туп узум кўчатлари тарқатилди.
Мазкур ҳайрли ишга O‘zLiDeP Хоразм вилоят Кенгаши ҳамда Хоразм вилоят Фермер, деҳқон хўжаликлари ва томарқа ер эгалари Кенгаши ходимлари ҳам ўзларининг муносиб ҳиссаларини қўшдилар.
Таъкидлаш жоизки, депутат А.Рузметов ўз сайлов округидаги сайловчиларига берган ваъдасини оқлаш, ўзининг сайловолди дастурида кўрсатган мақсад ва вазифаларини сидқидилдан бажариш мақсадида маҳалла аҳли билан тез-тез учрашувлар, сайёр қабуллар ўтказиб, уларнинг қизиқиш ва таклифларини, муаммоларини ўрганиб келмоқда. Мазкур учрашувларда кўтарилган масалаларнинг кўпчилигига ўзининг депутатлик сўровлари орқали ижобий ечим топиб келмоқда. Бу эса сайловчиларнинг депутатга бўлган ишончи ва ҳурмати янада ошмоқда.
Дилшод Ғафуров
O‘zLiDeP Хоразм вилоят Кенгаши
Бизнес тузилмалар ва фермерлар
билан ишлаш бўлими мудири
Ўхшаш янгиликлар
-
Давлат дастуридан келиб чиқадиган партия ва фракция олдидаги вазифалар муҳокама қилинди
26.02.2024, 17:32
-
Депутат мактаб кутубхонасига 100 дан ортиқ бадиий асарлар ва адабиётлар туҳфа қилди
14.02.2024, 17:23
-
Муҳим ва устувор вазифалар белгилаб олинди
31.01.2024, 17:49
-
“Аёллар дафтари” билан манзилли ишлашнинг шаффоф механизми яратилади
30.01.2024, 12:28
-
Депутат жарқўрғонлик тадбиркорлар муаммосини ўрганди
30.01.2024, 10:11
Фикрингизни қолдиринг