Бу курашдаги қуролимиз – юксак тафаккур, қатъий интизом, сабр-тоқат ва улкан масъулиятдир
04.04.2020, 12:03
Ҳозирги пандемия шароитида карантин ҳолатининг эълон қилиниши ўз-ўзидан иқтисодиётда рецессион фазани юзага келтирмоқда. Иқтисодиёт назарияси нуқтаи назаридан иқтисодиётнинг циклли ривожланиши пандемия ҳолатларини истисно қилса-да, ҳозирги иқтисодий шароит ўзининг циклик оқими бўйлаб ҳаракат қилмоқда, яъни бу цикл иқтисодиётнинг бум (юксалиш) давридан рецессия (тушкунлик) фазасига ўтиши билан боғланмоқда. Буни иқтисодиётни циклли ривожланиши нуқтаи назаридан ижобий баҳолаш мумкин. Агар иқтисодиёт рецессион (тушкунлик) даврида ёки депрессия (турғунлик) ёхуд жонланиш фазаларида бўлган даврларда шундай пандемик ҳолат юзага келганда эди, бу ҳолатда иқтисодиётни ночор ҳолатга олиб келиб қўйган бўларди. Шукурки, ҳозирги пандемик ҳолат Ўзбекистонимиз иқтисодиётининг юксалган (бум ёки пик) даврида юзага келди. Бу ҳолатда иқтисодиётга давлатнинг фаол аралашуви билан иқтисодиётни рецессион ҳолатдан олиб чиқиб кетиш ва жонланиш, кейинчалик юксалиш даврларига бориш имкониятлари мавжуд.
Жорий йилнинг 19 март куни пандемиянинг иқтисодиётимизга салбий таъсирини юмшатиш бўйича биринчи навбатдаги чора-тадбирлар тўғрисидаги фармон билан тадбиркорларимизга ва фуқароларимизга жуда катта имкониятлар яратиб берилган бўлса, 3 апрель куни ҳам пандемия келтириб чиқарган инқирозга қарши курашиш шароитида тадбиркорликни қўллаб-қувватлаш масалалари яна муҳокама марказида бўлди. Бу ҳолат давлатимизнинг бу вазиятдан чиқиш учун тинмай изланаётганидан ва иқтисодиётга фаол аралашаётганидан далолат беради.
Бу даврнинг тез ёки секин ўтиши давлатимизнинг юксак тафаккур билан олиб бораётган сиёсатига тадбиркорларимизнинг ва фуқароларимизнинг қатъий интизом, сабр-тоқат ва улкан масъулият билан вазиятни чуқур англаган ҳолда ёндашишига боғлиқ.
Президентимиз халқимизнинг ақл-заковати, метин иродаси ва қатъиятига ишониб турган бир паллада, келинг, биз ҳам бу ишончга муносиб бўлайлик! Вазиятнинг кузатувчиси ёки томошабини эмас, балки жараённинг фаол иштирокчисига айланайлик! Зеро, шу азиз Ватан Сиз-у, Бизники!
Зафар ХУДАЙБЕРДИЕВ,
Олий Мажлис Қонунчилик палатаси
депутати, O'zLiDeP фракцияси аъзоси
Ўхшаш янгиликлар
-
Давлат дастуридан келиб чиқадиган партия ва фракция олдидаги вазифалар муҳокама қилинди
26.02.2024, 17:32
-
Депутат мактаб кутубхонасига 100 дан ортиқ бадиий асарлар ва адабиётлар туҳфа қилди
14.02.2024, 17:23
-
Муҳим ва устувор вазифалар белгилаб олинди
31.01.2024, 17:49
-
“Аёллар дафтари” билан манзилли ишлашнинг шаффоф механизми яратилади
30.01.2024, 12:28
-
Депутат жарқўрғонлик тадбиркорлар муаммосини ўрганди
30.01.2024, 10:11
Фикрингизни қолдиринг