Аввалги мақоламизда O'zLiDeP Ангор туман Кенгаши раиси, туман Кенгаши депутати Мухиддин Ярматовни карантин даврида ўз томорқасида карам етиштираётганлиги тўғрисида ёзган эдик, ана ўша карам пишиб, улар териб олинди.

- Мен бугун карам эмас томорқамдан биринчи хазинамни териб олдим, 4 сотихлик томорқага қадаган карам уруғларим бугун 1 тоннадан ошиқроқ ҳосил берди. Бу бизнинг биринчи хазинамиз, йил якунига қадар яна 3 ёки 4 марта томорқадан хазина териб олишни мўлжаллаяпмиз, - дейди Мухиддин Ярматов.

Дарвоқе, Сурхондарёнинг иқлим шароити иссиқ бўлганлиги сабабли, томорқадан йилига уч-тўрт марта ҳосил олса бўлади. Бунинг учун эса меҳнат ва озгига деҳқончиликнинг сирини билсангиз кифоя. Томорқанинг ҳақиқий хазинасини ана шунда кўрасиз.

УЙДА ҚОЛИБ, СИЗ ҲАМ ТОМОРҚАНГИЗДАН ХАЗИНАЛАРНИ ТЕРИБ ОЛИНГ!