Ислоҳотлар бардавомлигида барчамиз масъулмиз

09.01.2018, 15:42

Ислоҳотлар бардавомлигида барчамиз масъулмиз

Куни кеча муҳтарам Президентимиз Шавкат Мирзиёевнинг Тошкент вилоятига ташрифи давомида ўтказилган  видеоселекторда депутат, тадбиркор  сифатида иштирок этиб, мамлакатимиз раҳбари томонидан олиб борилаётган одил ислоҳотлардан жуда ғурурландим. Вилоятдаги ҳар бир соҳага синчковлик билан қаратилаётган эътибор аҳолига ҳам манзур келмоқда. Буни уларнинг юз-кўзидан англаш қийин эмас.

Президентимиз ўз маърузаларида вилоятда оқсоқланиб қолган соғлиқни сақлаш ва халқ таълими тизимига алоҳида тўхталиб, мавжуд мауммоларни ҳал этиш йўлида олий маълумотли педагог ходимларни кўпайтириш мақсадида олий ўқув юртлари қошида сиртқи бўлимлар очилганлигини,  қабул ўринларининг кўпайтирилганлигини, чет элдан экспресс ўқитиш методикасини ўрганишга алоҳида эътибор қаратилаётганлиги таъкидлаб ўтдилар. Бу эса бизни жуда ҳам қувонтирди.

Шунингдек, мухтарам юртбошимиз бугунги кунда тадбиркорлик борасида олиб борилаётган кенг ислохатлар тўғрисида тўҳталар эканлар, тадбиркор сифатида шуни ҳис қилдимки, соҳа ривожи йўлида берилаётган имкониятлар бизга мустаҳкам қанот бўлиб, ўз фаолиятимизни янада ривожлантиришга замин бўлмоқда. Юртбошимизнинг “Ҳар бир тадбиркорнинг ортида мен турибман”, деган сўзлари мени ҳам рухлантирди.

Учрашувда Президентимизнинг маърузаларини тинглаб шундай хулосага келдим, ҳозирги шиддатли замонда, депутат сифатида жуда сустлигимиз кўриниб қолмоқда. Давлатимиз раҳбари олдимизга қўйган вазифаларни мукаммал даражада адо этиш учун фаол бўлишимиз, халқ билан янада яқинроқ мулоқотда бўлишимиз, уларни муаммо ва таклифларини ўрганишимиз, жамият ривожи ва аҳоли турмуш даражаларини янада яхшилаш борасида янги ғоялар, таклифлар билан чиқишимиз зарур.

Қолаверса, Тошкент вилоятини ижтимоий-иқтисодий ривожлантириш борасида қабул қилинаётган янги қарор, фармон ва фармойишларнинг ижросини таъминлашда олиб борилаётган ишлар юзасидан депутатлик назоратини янада кучайтиришимиз, бу борадаги масъулиятни ўз зиммамизга олишимиз зарур, деб ўйлайман.

Холбаева Гулноза,

Халқ депутатлари Олмалиқ шахар

Кенгашидаги партия гуруҳи аъзоси.

O‘zLiDePнинг Facebook’даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!

  • Кўрилди
    97
  • Чоп этиш
  • Дўстлар билан улашиш
← Орқага қайтиш