OʻzLiDeP Бағдод туман Кенгаши раиси, туман кенгаши депутати Муҳаммаджон Деҳқонов ташаббус билан чиқиб, “Саховат ва кўмак” жамғармаси билан ҳамкорликда 200 та эҳтиёжманд хонадон соҳибларига 20 турдаги озиқ-овқат маҳсулотларини беғараз тарқатди.

 

Шунингдек, депутат М.Деҳқонов мамлакатимизда карантин тугагунига қадар Бағдод туманидаги 100 та оилани оталиққа олишини билдирди ва бу саъй-ҳаракат ҳам бугундан амалга оширилди.

 

Хайрия ишида “Унсин-ая Бағдод” чорвачилик фермер хўжалиги ҳам ўз ҳиссасини қўшди.

 

– Рамазон эзгулик, меҳр-оқибат, саховат уруғларини сочадиган, кишиларни яхши ва савоб амаллар билан янада бирлаштирадиган муборак ойдир, – дейди М.Деҳқонов. – Биз, депутат ва тадбиркорлар ҳамиша халқимиз хизматидамиз. Оғир кунларда бир биримизга елкадош бўлиб, ишсиз, кам таъминланган оилаларга ёрдам беришдек эзгу иш бўлмаса керак.