Бугунги синовли кунларда пандемия даврида кам таъминланган ва эҳтиёжманд оилаларга партия депутатлари ва фаоллари томонидан  саховат кўрсатиш ишлари ҳали хануз давом этмоқда.

Деҳқонобод туман Кенгашига Гумбулоқ ҳудудидан сайланган депутат Орзиқулжон Бойқувватов тумандаги “Бибиқорасоч” маҳалла фуқаролар йиғини ҳудудида яшовчи кексалар, ногиронлиги бор кишилар ва кўп болали оилалар ҳолидан хабар олди. Уларга 2 миллион сўмлик гўшт, тухум, шакар, гуруч, ёғ ва картошка маҳсулотларини ҳадя қилди. Деҳқонобод туман кенгашига сайланган 11 нафар депутат  пандемия туфайли даромадини йўқотган оилаларга, кекса ҳамда ногиронлиги бор кишиларга жами 18 миллион сўмликдан зиёд озиқ-овқат маҳсулотлари улашди.

Бу оғир кунлар ҳам ўтиб кетади, аммо қилинган саховатнинг қадри ҳеч қачон йўқолмайди.

O'zLiDeP Қашқадарё вилоят Кенгаши

 ахборот хизмати