O‘zLiDeP депутати кўмагида Зомин туманидаги Қангли қишлоғи аҳолиси тоза ичимлик суви билан таъминланди

01.06.2020, 15:15

O‘zLiDeP депутати кўмагида Зомин туманидаги Қангли қишлоғи аҳолиси тоза  ичимлик суви билан таъминланди

O‘zLiDeP Жиззах вилоят Кенгаши ва партиядан сайланган депутатлар президент қарор ва фармонлари, қонунлар, давлат дастурларининг амалда бажарилишини таъминлаш бўйича депутатлик ва жамоатчилик назорати олиб борилмоқда.

Ҳозирги кунда O‘zLiDePдан Халқ депутатлари Жиззах вилоят Кенгашига сайланган 27 нафар депутат фаолият юритмоқда. Улар жойларда депутатлик назоратини ўрнатиш, аҳолининг муаммоларини жойида ҳал этишга алоҳида эътибор қаратаётир.  

 Жорий йилнинг ўтган даври мобайнида депутатларимиз томонидан мутасадди ташкилотларга турли соҳаларга доир 50 дан ортиқ сўров юборилди. Эътиборли томони, ушбу сўровларда кўтарилган аксарият муаммолар ижобий ечим топган.

 Масалан, яқинда Халқ депутатлари Жиззах вилоят Кенгаши депутати Эркин Холматовга Зомин тумани “Қўштол” МФЙ Қангли қишлоғи аҳолиси ичимлик суви таъминотидан узилиб қолганлиги бўйича мурожаат келиб тушган эди.

Мурожаатда қайд этилишича, жорий йилнинг 29 апрел куни Зомин туманида кучли ёмғир ёғиб, сел келиши оқибатида “Қўштол” МФЙ Қангли қишлоғидаги уч юзга яқин хонадонларни тоза ичимлик суви билан таъминлаб турган 150 диаметрлик узунлиги 300 метр бўлган сув қувурларини сел олиб кетган. Ҳозирги кунда ушбу қишлоқ аҳолиси ичимлик суви таъминотидан узилиб қолганлиги сабабли сув қувури ўрнатиб берилиши зарурлиги баён қилинган.

Халқнинг ишончли вакили партия депутатлари ва Жиззах вилояти уй-жой коммунал хизмат кўрсатиш бошқармаси “Сувоқава” корхонаси билан биргаликда ушбу ҳудуддаги мазкур муаммони атрофлича ўрганди, имкон қадар тезроқ ҳал қилишга киришди. Партия фаоллари бўлган “Жиззах паластмасса” АЖ ва “Жиззах аккумулятор заводи” АЖ ҳомийлигида 15 млн. сўмлик 150 диаметрлик узунлиги 300 метр бўлган сув қувурлари олиб берилди. Айни пайтда муаммо тўлиқ ҳал қилиниб, қишлоқ аҳли тоза ичимлик суви билан таъминланган.

Таъкидлаш керак, бугун жойлардаги мавжуд муаммоларни партиявий воситалар орқали ҳал этиш, сайловчилар ва электорат вакиллари билдирган ишончни оқлаш ҳар бир депутатимизнинг кундалик вазифасига айланган.

Нилуфар Алиева,

O`zLiDeP Жиззах вилоят

Кенгаши фаоли

  • Кўрилди
    1715
  • Чоп этиш
  • Дўстлар билан улашиш
← Орқага қайтиш

Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+