Наманган вилоятнинг Янгиқўрғон туманида коронавирус пандемияси даврида аҳолининг кам таъминланган қисмини ижтимоий қўллаб-қувватлаш, камбағалликни камайтириш, борасидаги президент фармон ва қарорларининг бажарилиши юзасидан муайян ишлар амалга оширилди.

Жумладан, тумандаги жами 71 та маҳалла фуқаролар йиғинидаги мавжуд 57938 та оилаларни бирма-бир манзилли ўрганиб чиқилди.

Ўрганиш натижасида ҳар бир маҳаллада ўртача 20 тадан жами 1436 та кам таъминланган, эҳтиёжманд ва камбағал оилалар аниқланиб, ушбу оилалардаги 6347 нафар фуқароларни карантин даврида ҳар томонлама ижтимоий қўллаб-қувватлаш ҳамда камбағалликдан чиқариш мақсадида тумандаги 127 та салоҳиятли саховатпеша тадбиркорларга бириктирилди.

Ўтган давр мобайнида рўйхатга олинган 1436 та оилаларга тадбиркорлар томонидан 748,8 млн.сўмлик озиқ-овқат маҳсулотлари, 16 та оилага 817 минг.сўмлик дори-дармон, 210 та оилага 66,6 млн.сўмлик нақд пул етказиб берилган бўлса, 6 та оилани 485 минг.сўмлик коммунал тўловлари тўлаб берилди.

Бундан ташқари, эҳтиёжманд оилаларни камбағалликдан чиқариш мақсадида 14 та оилага кредит ҳисобидан 182,4 млн.сўмлик қорамол, 13 та оилага 107,3 млн.сўмлик қўй олиб берилди, 218 та оилага 59,1 млн.сўмлик бепул парранда тарқатилди, 76 та оилага эса кредит ҳисобидан 558,6 млн.сўмлик иссиқхона қуриб берилди. Қолаверса, 116 нафар фуқароларни доимий ишга, 295 нафарини мавсумий ишга жойлаштирилди.

Яна, ўтган 5 ой давомида “Бандлик дастурига асосан” 769 та янги иш ўринлари яратилди.

Жумладан, инвестициён лойиҳаларни ишга тушуриш ҳисобига 131 та, янги кичик корхона ва микрофирмалар ташкил этиш ҳисобига 211 та, якка тартибдаги тадбиркорликни ривожлантириш ҳисобига 427 та янги иш ўринлари яратилди.

 Юқорида амалга оширилган хайрли ишлар ҳисобига “Темир дафтар”га рўйхатга олинган 1436 та оилалардан 744 таси камбағалликдан чиқарилди. Қолган 692 та оилаларни ҳам йил якунига қадар “Темир дафтар”дан чиқаришга астойдил бел боғлаган.

Туман ҳудудида амалга оширилаётган ушбу ишлар O’zLiDeP ишчи гуруҳи томонидан ўрганилганда аҳолини қўллаб-қувватлашга йўналтирилган кўплаб тадбирлар амалга оширилгани аниқланди.

Тумандаги “Эскиобод файзли торморқа хизмати кооперативи” МЧЖ томонидан туманнинг фойдаланишдан чиқиб кетган 23, 9 гектар ер майдони ўзлаштирилиб, 32 нафар кам таъминланган ва 18 нафар ёшларга ер майдонлари 10 сотихдан тақсимлаб берилди. Шунингдек, бу ерда 3 сотих иссиқхона барпо қилиниб, у ҳам эҳтиёжмандларга бўлиб берилди.

- Биз ҳудуддаги эҳтиёжмандларга яна қўшимча равишда бўшаган ғалла майдонларидан 2 сотихдан ер тақсимлаб бериб, йил охирига қадар туманнинг Бунёдкор, Машъал, Ғалаба маҳаллалари ҳудудида кам таъминланганларни камбағаллик рўйхатидан чиқарамиз, -дейди Эскиобод файзли торморқа хизмати кооперативи” МЧЖ раиси, халқ депутатлари туман Кенгаши депутати Абдуллаҳай Ҳакимов. Партия фаоли раҳбарлик қилаётган мазкур МЧЖ Президентимизнинг пандемия таъсирларини камайтириш борасидаги фармон ва қарорлари ижроси таъминлашда етакчилик қилмоқда.

Юлдуз Юлдашева,

O'zLiDeP Наманган вилоят

Кенгаши матбуот хизмати