O‘zLiDeP Хўжайли ва Чимбой туман кенгашлари “Аёллар қаноти” томонидан “Хотин-қизларни тадбиркорликка кенгроқ жалб этиш ва уларнинг муаммоларини ўрганиш масалалари” мавзусида давра суҳбатлари ташкил этилди.

Унда партиянинг туман кенгаши ходимлари, туман кенгаши депутатлари, туман Давлат солиқ инспекцияси, ОТБ “Агро банк”, “Халқ банк”, “Микрокредитбанк” туман филиали ходимлари, “Бир дарча” маркази, маҳалла фуқаролар йиғини, тадбиркор ва ва фермер аёллар, партия фаоллари ва ОАВ вакиллари иштирок этди. Тадбирда асосан давлатимиз раҳбарининг 2017 йилнинг 22 декабрь кунги Олий Мажлисга қилган Мурожаатномасининг аҳамияти, бу борада партия  олдида турган устувор вазифалар, айнан тадбиркорликни энди бошламоқчи бўлган қизларимизни ушбу соҳага йўналтиришда уларга амалий ёрдамлашиш, муаммоларини депутатлар орқали тегишли ташкилотлар билан ҳамкорликда бартараф этиш,  тадбиркор ва фермер аёллар билан ўзаро фикр алмашиш масалалари муҳокама этилди.

Айни пайтда жорий йилнинг “Фаол тадбиркорлик, инновацион ғоялар ва технологияларни қўллаб-қувватлаш” йили деб номланиши O‘zLiDeP партияси олдига ҳам катта масъулият юклайди,  – деди O‘zLiDeP Хўжайли туман кенгаши аппарат раҳбари А.Пазилов. - Қолаверса тадбиркорликни қўллаб-қувватлаш борасида илгари сурилган ёндашувлар, икки йилгача тадбиркорлик субъектларини текширмаслик, уларнинг фаолиятига эркинлик бериш, янги инновация киритиши, уларга янада қулай шароитлар яратиш муҳим аҳамият касб этади.      

Бугунги тадбирда маҳалла хотин-қизларининг фикр-мулоҳазалари, таклифлари ва муаммолари ўрганилди. “Наврўз” маҳалла фуқаролар йиғинида истиқомат қилаётган Г.Айтимбетова чорвачиликни ривожлантириш бўйича кредит олиш масаласи билан мурожаат қилди. Мазкур масала бўйича “Агро банк” туман филиали ходими тез орада ўз ечимини топишда кўмаклашишга ваъда берди.

Бундан ташқари “Анарбай бўзчи” фермер хўжалиги раҳбари Шарбан Худойбергенова ҳам ўз сўзида давлатимиз томонидан тадбиркорлик субъектларига қаратилаётган эътиборнинг катта эканлигини айниқса, Ўзбекистон Республикаси миқёсида биринчи марта қишлоқ хўжалиги соҳаси ходимлари куни байрамининг кенг нишонланишини алоҳида эътироф этди. Тадбиркорлик ёки фермерликка қизиқиши бор ёки шу соҳа билан шуғулланаман деган қизлар учун  ўзининг иш фаолияти, тажрибасидан келиб чиқиб, тегишли тавсия ва маслаҳатларини бериб ўтди. Қолаверса, уларга ҳам ҳуқуқий ва амалий ёрдам беришини таъкидлади.

Асем Сиримбетова

                       O‘zLiDeP Қорақалпоғистон Республикаси Кенгаши

масъул ходими

O‘zLiDePнинг Facebook’даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!