O'zLiDeP Қонликўл туман Кенгаши томонидан "Ёшлар қаноти"нинг ҳисобот Конференцияси бўлиб ўтди.

Конференцияда   партиянинг Қорақалпоғистон Республикаси Кенгаши аппарат раҳбари Ш.Отемисов ўз сўзида давлатимиз томонидан ёшларга қаратилаётган эътибор давлат сиёсати даражасига кўтарилгани, мамлакатимиз аҳолисининг ярмидан кўпини ёшлар ташкил этиши, ёшларимизнинг жамиятда муносиб ўрин эгаллаши учун катта эътибор қаратилаётганини таъкидлаб ўтди.

 Учрашувда  партия туман Кенгаши "Ёшлар қаноти" фалиятининг ўтган даврда олиб борган ишлари сарҳисоб қилинди. Шунингдек "Ёшлар қаноти"нинг ёшлар билан ишлаш самарадорлигини ошириш ва унинг фаолиятини такомиллаштириш бўйича чора-тадбирларни ўз ичига олган "Йўл харитаси"нинг аҳамияти тушунтирилди.

"Ёшлар қаноти" жамоатчилик кенгаши таркиби тасдиқланиб, кенгаш конференциясига делегатлар сайланди. Бундан ташқари туман партия "Ёшлар қаноти" фаолиятини янада жонлантириш, тегишли ҳамкор ташкилотлар билан биргаликда келажагимиз бўлган ёшларни ҳар томонлама қўллаб-қувватлаш, уларни кичик  бизнес ва тадбиркорликка жалб этиш, айниқса ишсиз уюшмаган ёшлар билан ишлаш, ҳозиргидек пандемия даврида партиянинг мақсад ва вазифаларини тарғибот этишда карантин қоидаларига амал қилган ҳолда тарғибот ишларини олиб бориш бўйича чора-тадбирлар белгилаб олинди.

Қолаверса, партиянинг мақсад ва вазифаларини тарғибот этишда самарали иш олиб борган фаол ёшларга Қорақалпоғистон Республикаси Кенгашининг  фахрий ёрлиқлари топширилди.  

O'zLiDeP Қорақалпоғистон Республикаси

Кенгаши матбуот хизмати