O`zLiDeP Сайхунобод туман Кенгаши “Ёшлар қаноти”нинг ҳисобот-сайлов конференцияси бўлиб ўтди.

Конференцияда партиянинг ёшлар билан ишлаш самарадорлигини янада ошириш, ёшларга қаратилган партиявий лойиҳаларни амалга оширишда уларнинг янада фаоллиги, белгиланган вазифалар ижросини таъминлаш, “Ёшлар қаноти”нинг ўтган даврда амалга оширган ишлари ҳамда келгусида режалаштирилган вазифаларига атрофлича назар ташланди.

Бугун партиямиз тузилмалари томонидан ўтган даврда қилинган ишларни сарҳисобини қилар эканмиз, барча вазифалар, ишлар кўлами аввало мамлакатимиз раҳбарининг 2020 йил 24 январда Олий Мажлисга мурожаатномаси асосида ташкил этилганлигини таъкидлаб ўтиш лозим.

2020 йил 1 сентябрь ҳолатига кўра “Ёшлар қаноти” таркибида 1056 нафар ёшлар бирлашган бўлиб, улар жами партия аъзоларининг 61 фоизини ташкил қилади. Шунингдек, туманда 77 та партия бошланғич ташкилотларининг 61 тасини, ёки қарийб 80 фоизига яқинини 35 ёшгача бўлган ёшлар етакчилик қилишмоқда.

Конференцияда ютуқлар билан бир қаторда йўл қўйилган хато ва камчиликлар ҳам очиқ ойдин таҳлил қилинди. Муаммолар, жамиятимиз ҳаётида содир бўлган долзарб мавзуларни тегишли мутасадди идоралар иштирокида кенг муҳокама қилиш орқали ўз ечимини топишга қаратилган бир қанча ишлар амалга оширилди.

Тадбир давомида “Ёшлар қаноти” Жамоатчилик Кенгашининг янги таркибдаги 15 нафар аъзолари тасдиқланди ҳамда кун тартибидаги масалалар юзасидан тегишли қарорлар қабул қилинди.

Конференциядан сўнг O'zLiDeP Сайхунобод туман Кенгаши томонидан  ёш тадбиркор Алишер Бурхонов хонадонига ташриф буюрилди. Мўъжазгина ҳовли – 1 сотих майдонда ташкил қилнган иссиқхонадан тадбиркорлар оиласи  булғор қалампирининг “Жипси” юпқапўчоқ навини етиштиришган экан. Шунингдек Алишер Бурхонов иссиқхонадаги 6 туп лимон кўчатининг ҳар биридан  200 килограммга яқин ҳосил олишга эришмоқда. Ундан ташқари эртаги помидор, бодринг кўчатларидан ҳам мўл ҳосил олаётган тадбиркорлар хонадони ҳалол меҳнат эвазига тўкис.

Тадбиркор хонадонидан ёшлар катта тассурот олиб чиқдилар.           

                                                                                Абдужаббор Эрназаров,

                                             O`zLiDeP Сайхунобод туман

Кенгаши Аппарат раҳбари