“Ишбилармон аёл” кўрик-танловининг туман босқичи ғолиблари аниқланмоқда
09.10.2020, 16:47
Мамлакатимизда хотин-қизлар тадбиркорлигини ривожлантириш борасида қатор ислоҳотлар амалга оширилмоқда. Жумладан, O‘zLiDeP “Аёллар қаноти” лойиҳаларидан бири бўлган “Ишбилармон аёл” кўрик-танлови ҳам ўз тадбиркорлигига эга бўлган хотин-қизлар фаолиятини ривожланишига ва тадбиркорлик сари дадил қадам ташлаётган кўплаб опа-сингилларимизни кашф этилишига ҳисса қўшиб келмоқда. Анъанавий кўрик-танловга айланган “Ишбилармон аёл” кўрик-танловининг туман ва шаҳар босқичлари Тошкент вилоятида ҳам ўзига хос тарзда ўтказилмоқда.
Мазкур кўрик-танловнинг Ангрен шаҳар босқичи бўлиб ўтди. Пандемия жараёнини инобатга олиб, карантин қоидаларига амал қилган ҳолда ҳакамлар ҳайъати иштирокчиларнинг иш жойларига борган ҳолда иш жараёнлари билан яқиндан танишдилар.
“Ишбилармон аёл” кўрик-танловининг Ангрен шаҳар босқичида 1 - ўрин “HAPPY SMART KIDS” хусусий боғча раҳбари, БПТ раиси Шахноза Усканова муносиб деб топилди. Шаҳарда фаол ва пешқадам, ташаббускор бўлган Шахноза Усканова ўз ҳудудидаги 20 нафар хотин-қизларни иш билан таъминлаб қисқа фурсатларда катта ютуқларга эриша олди.
Иккинчи ўрин шаҳарда таниқли, ўз харидорларига эга бўлган ҳунарманд Г.Авабакировага насиб қилди. У партиямизнинг “Аёллар қаноти” томонидан ўтказиб келинаётган барча лойиҳаларида фаол иштирок этиб ён-атрофидаги хотин-қизларни ҳам партиямиз сафига жалб этиб келмоқда.
Учинчи ўрин тикувчи Н.Нозимовага насиб этди. Бугунги кунда карантин сабабли 10 яқин хотин-қизларни иш билан таъминлади. Фаолияти давомида маҳаллий бозорларни ўз маҳсулотлари билан бойитиш ниятида.
O‘zLiDeP Тошкент вилоят кенгаши
Матбуот хизмати
Ўхшаш янгиликлар
-
Маҳалладаги хотин-қизларнинг муаммо ва таклифлари ўрганилди
01.03.2024, 22:00
-
Гулчи опа маҳалла хотин-қизларига ўз тажрибасини оммалаштирди
24.02.2024, 12:19
-
Энг яхши лойиҳа соҳиблари тақдирланди
31.01.2024, 15:36
-
“Аёллар дафтари” билан манзилли ишлашнинг шаффоф механизми яратилади
30.01.2024, 12:28
-
“Энг яхши бизнес режа” танлови ғолиблари
25.01.2024, 16:27
Фикрингизни қолдиринг