Сайёр қабулда айтилган муаммолар депутатлар назоратига олинди

10.11.2017, 17:53

Сайёр қабулда айтилган муаммолар депутатлар назоратига олинди

O‘zLiDeP Навоий вилоят ва Кармана туман Кенгаши тумандаги “Жалойир” маҳалла фуқаролар йиғинида сайёр қабул ташкил этди.

– Сайёр учрашувни ўтказишдан асосий мақсадимиз Президентимиз таъкидлаганларидек, давлат идораларининг халқимизга хизмат қилишини таъминлашдан иборат, – дейди O‘zLiDeP вилоят Кенгаши аппарат раҳбари Шаҳоббиддин Холбоев. – Бундан ташқари, халқ билан юзма-юз бўлиш муаммоларни ўз вақтида ҳал қилиш имконини яратмоқда.

 Сайёр қабулда “Юқори буғ” маҳалла фуқаролар йиғинида яшовчи С.Бозоров маҳалланинг 600 метр йўли таъмирланмай қолгани, қиш мавсуми йўлда юриш қийинчилик туғдираётганини айтиб, йўлни асфалть қилишда амалий ёрдам сўраб мурожаат қилди. “Арабхона” маҳалласида яшовчи Н.Холмирзаева эса кам таъминланган оилалар учун қурилаётган арзон уй-жойлардан олишда амалий ёрдам сўради. 

Бу мурожаатлар юзасидан халқ депутатлари Навоий вилояти Кенгашидаги O‘zLiDeP депутатлик гуруҳи аъзоси Д.Холов тегишли ташкилотга депутатлик сўрови юборишга ваъда берди.   

Шунингдек, сайёр қабулда пенсионер Б.Эргашев “Юқори буғ” маҳалласида яроқсиз аҳволга келиб қолган электр сим ёғочларни янгилашда амалий ёрдам сўраб мурожаат қилди.

Мазкур шикоятни халқ депутатлари туман Кенгашидаги партия депутатлик гуруҳи аъзоси Н.Маманова ўз назоратига олди.

Учрашув якунида халқ депутатлари вилоят, туман Кенгаши депутатларига сайёр қабулда айтилган муаммоларни назоратга олиш, депутатлик ваколатидан келиб чиқиб ҳал қилишга келишиб олинди.

O‘zLiDeP Навоий вилоят Кенгаши

Матбуот хизмати

O‘zLiDePнинг Facebook’даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг! 

Теглар
  • Кўрилди
    177
  • Чоп этиш
  • Дўстлар билан улашиш
← Орқага қайтиш