Халқ депутатлари Бекобод шаҳар Кенгашидаги O'zLiDeP депутатлик гуруҳи аъзолари ташаббуси билан  партиянинг “Депутатлар ва тадбиркорлар мулоқоти” форуми лойиҳаси доирасида Давлат хизматлари марказида мулоқот ташкил этилди.

Мулоқот давомида тадбиркор Бекзод Алижонов нонвойчилик билан шуғулланаётганлиги, ҳозирги кунда онасининг бетоблиги сабаб ушбу фаолиятни вақтинча тўхтатиш истагидалигини, лекин солиққа доир айрим масалаларда тушунмовчиликларга дуч келганлигини билдириб мурожаат этди.  Бу масаласига шаҳар Солиқ инспекцияси мутахассиси Неъматжон Шамсиддинов ва партия депутати Ўғилой Мирзамуротовалар қонуний тушунтиришлар бериш ва шу билан бир қаторда ҳужжатлаштириш ишларида амалий ёрдам кўрсатадиган бўлишди.

Шунингдек, яна бир Тадбиркор Покиза Алимованинг тадбиркорлик субъекти жойлашган жойда оқава сув (конализация) қувурларининг аҳоли учун ҳам ноқулайликлар келтираётганлиги, носозлигини билдирди ва пандемия даврида нонвойчилик фаолияти билан шуғулланиб, тўловларни ўз вақтида бажаришига қарамасдан, газ таъминотидан қарздорлик борлиги, яъни устама (пения) ҳисобланганлиги юзасидан мурожаат этди.

Бу мурожаат юзасидан “Бекободшаҳаргаз” газ  таьминоти бўлими ходимининг сўзини тинглаган ҳолда партия депутатлик гуруҳи раҳбари Убайдулла Мирзаев “Бекободшаҳаргаз” газ  таьминоти бўлимига депутатлик сўрови орқали мурожаат этиб, ушбу масалага ижобий ечим топишини билдириб ўтди ва йиғилишнинг қарор қисмига киритди.

Мулоқот сўнгида, O'zLiDeP Тошкент вилояти Кенгаши томонидан Бекобод шаҳрида пандемия даврида олиб борган фидокорона меҳнатлари,  партия фаолиятидаги фаол иштироклари учун депутатлар ҳамда партиянинг фаол аъзоларига ташаккурномалар топширилди.

Форум доирасида айрим муаммолар жойида ҳал қилинган бўлса, қолганларни тегишли ҳамкор ташкилотларга депутатлик сўровномалар юбориш орқали кўриб чиқилишини ва назоратга олишга келишиб олинди.  

Ахрор Тўйчиев,

O'zLiDeP Тошкент вилоят Кенгаши

матбуот хизмати