Олий Мажлис Қонунчилик палатаси Спикери ўринбосари, O'zLiDeP фракцияси раҳбари Актам Хаитов Шеробод туманидаги “Сафар-Жўра-Баҳром” МЧЖ да бўлиб, у ердаги туника ва профилларга ишлов бериш жараёнини кузатди. Кохонада меҳнат қилаётган ишчилар билан суҳбатда бўлиб, уларга яратилган шароитлар билан қизиқди.

—  Бу ерда туника ва профилларга ишлов бериш билан шуғулланамиз, — дейди МЧЖ раҳбари Баҳром Сафаров. — Бундан ташқари, 125 ўринли янги боғча ҳам қурдик. Яқин кунларда ишга тушади. Унда яна 20 та иш ўрни яратилади.

Учрашув жараёнида янги Бошланғич партия ташкилоти очилди ва партия сафига янги аъзолар қабул қилинди. А.Хаитов ишчиларга партиямиз аъзолик гувоҳномаларини топширди.