Марғилон шаҳрида O‘zLiDeP Фарғона вилоят Кенгаши “Аёллар қаноти” томонидан хотин-қизлар ўртасида жиноятчиликни олдини олиш, турли ёд ғоялар таъсирига тушиб қолишларига қарши курашишга бағишланган "Қатъий ҳаётий қарашлар ва ўз позициясига эга бўлган инсонни тўғри йўлдан қайтариб бўлмас" шиори остида "Ўз болангни ўзинг асра!” мавзусида тадбир ташкил этилди.

Тадбирда таъкидланганидек бугунги кунда хотин-қизлар ўртасида зарарли иллатлар тарқалишининг олдини олиш, коллеж битирувчи қизларнинг бандлигига кўмаклашиш, четга чиқиб  кетаётган аёлларга ўз оилавий бизнесини йўлга қўйишга яқиндан кўмак бериш муҳим аҳамиятга эга.

Бу борада партия вилоят Кенгаши томонидан фаол жамоатчилик назоратини ташкил этиш масаласи, хотин-қизларнинг маънавий дунёсини бойитиш, замонавий аёл тафаккурини шакллантириш, хусусан, қишлоқларда яшаётган ёш қизларни тадбиркорликка қизиқтириш, фермер аёллар сафини кенгайтириш партиянинг устувор вазифаларига айланган.

Мавзулар юзасидан баҳс мунозараларда жойларда аёллар фаоллигини оширишга хизмат қилиши мумкин бўлган таклифлар билдирилди. Шу билан бир қаторда ҳудудларда хотин-қизларнинг фаолиятини қўллаб қувватлашнинг холати  чуқур таҳлил қилинди.

Айниқса, вилоятнинг ҳар бир таълим муассасаларида ёшларни мажбурий тиббий текширувдан ўтказиш йўли билан соғлом оила қуриш, қариндошлик никоҳи профилактикасини шакллантириш, шунингдек ушбу масалаларни ҳал қилишга қаратилган интернет сайти яратиб, уларда депутатлар, тиббиёт соҳасининг малакали мутахассислари, психологлар, тажрибали маҳалла оқсоқоллари ва маслаҳатчилари иштирокида мулоқотлар ташкил этиш энг мақбул йўл эканлиги қайд этилди.

O‘zLiDeP Фарғона вилоят Кенгаши

матбуот хизмати

O‘zLiDePнинг Facebook’даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!