O‘zLiDeP Наманган вилоят Кенгаши томонидан ўтказилаётган тадбирларда асосий эътибор тадбиркорларни ҳар томонлама қўллаб-қувватлаш орқали, ишлаб чиқариш ва хизмат кўрсатиш соҳаларини янада ривожлантириш ва бунинг натижасида аҳоли турмуш фаровонлигини яхшилашга қаратиб келинмоқда.

Биргина жорий йилнинг ўтган даврида ўтказилган партиявий тадбирлар натижасида 40 дан ортиқ ишсиз аҳолини иш билан таъминлашга эришилди.

Бунга биргина мисол партия вилоят Кенгаши Бизнес тузилмалар ва фермерлар билан ишлаш бўлими томонидан Наманган шаҳридаги “Шохи сўзана” хусусий корхонасида ўтказилган тадбирда 5 нафар ёшларни иш билан банд этишга кўмаклашилди.

Кўрпа-тўшак тўшамаси ишлаб чиқариш цехини ўтган йили 5 нафар ишчи билан фаолиятимизни бошлаганмиз, - дейди “Шохи сўзана” хусусий корхонаси иш юритувчиси Жобирхон Бузруков. - Ўтган бир йил мобайнида бевосита корхона таъсисчиси, O‘zLiDeP депутатлик гуруҳи аъзоси Ж.Раззақовнинг саъйи ҳаракатлари ва партия вилоят Кенгаши амалий кўмагида корхонамизда эркаклар шимлари ва курткаларини ишлаб чиқаришни йўлга қўйдик. Январ ойидан бошлаб эса, эркаклар куйлакларини ҳам ишлаб чиқаришни бошладик, натижада бугунги кунга келиб ишчиларимиз сони 35 нафарга етди.

Жорий йилда O‘zLiDeP вилоят Кенгаши томонидан “Наманган вилоятини 2018 йилда ижтимоий-иқтисодий ривожлантириш Дастури”га киритилган лойиҳаларни қўллаб-қувватлаш ва лойиҳа ташаббускорларига ҳар томонлама амалий ёрдам бериш орқали уларни ишга туширишга кўмаклашиш ва натижада янги иш ўринлари яратилишини таъминлаш борасида тизимли ишлар амалга оширилиб, O‘zLiDeP Сайловолди дастурида белгиланган вазифалар ижроси таъминлашга эришилади. 

 ИБРОХИМ САТТАРОВ

O‘zLiDeP Наманган вилоят Кенгаши Бизнес тузилмалар

ва фермерлар билан ишлаш бўлими мудири

O‘zLiDePнинг Facebook’даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!