Хонқа ва Қўшкўпир туманларида ўтказилган O‘zLiDePнинг сайёр қабулларида 17 муаммо ўз ечимини топди

06.02.2018, 16:50

Хонқа ва Қўшкўпир туманларида ўтказилган O‘zLiDePнинг сайёр қабулларида 17 муаммо ўз ечимини топди

O‘zLiDeP Хоразм вилоят Кенгаши томонидан вилоятнинг барча шаҳар ва туманларида Халқ депутатлари маҳаллий Кенгашлари депутатлари билан ҳамкорликда сайёр қабуллар ўтказиб келинмоқда. Ана шундай учрашувларнинг навбатдагиси Хонқа ва Кўшкўпир туманларида бўлиб ўтди.

Аҳолининг дардини тинглаш, уларнинг муаммоларига ечим топиш, халқ манфаатларини ҳар томонлама ҳимоя қилишга қаратилган сайёр қабулда 40 дан ортиқ муаммолар атрофлича ўрганилди.

Қўшкўпир туманида O‘zLiDeP вилоят Кенгаши жисмоний ва юридик шахсларнинг мурожаатлари билан ишлаш бўлими мудири А.Матназаров,  O‘zLiDeP вилоят Кенгашининг депутатлар билан ишлаш сектори мудири Қ.Хамроев, Қўшкўпир туман солиқ инспекцияси, туман соғлиқни сақлаш бўлими, етакчи тижорат банклари ва Халқ депутатлари Қўшкўпир туман Кенгашидаги O‘zLiDeP депутатлик гуруҳи аъзолари Ф.Рўзметов, Ш.Болтаев, Г.Султановалар аҳоли томонидан билдирилган муаммоларни ўрганишди.

Хонқа туманида ҳам муаммоларнинг кўпчилиги тоза ичимлик суви танқислиги, транспорт, ер олиш масалалари, ишсизлик муаммоси ва мактабгача таълим муассасалари аҳолининг талабига жавоб бермаслиги ҳақида бўлди.

Хонқа туман “Азизбек-Отабек” стома сервис хусусий корхонаси раҳбари, Халқ депутатлари Хоразм вилоят Кенгашидаги O‘zLiDeP депутатлик гуруҳи аъзоси Н. Машарипова, Халқ депутатлари Хонқа туман  Кенгашидаги O‘zLiDeP депутатлик гуруҳи аъзоси Х.Сабировлар мазкур муаммолар депутатлик сўровлари юбориш орқали ҳал қилинишида амалий ёрдам беришга тайёр эканликларини айтишди.  

Сайёр қабуллар давомида 17 та мурожаат шу ернинг ўзида ижобий ҳал этилди.

Нилуфар ЖАББАРОВА,

O‘zLiDeP Хоразм вилоят Кенгаши

матбуот котиби

O‘zLiDePнинг Facebook’даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!

  • Кўрилди
    466
  • Чоп этиш
  • Дўстлар билан улашиш
← Орқага қайтиш

Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг. ЭСЛАТМА! ЖЎНАТИШ ТУГМАСИНИ БОСГАНИНГИЗДАН СЎНГ БИЛДИРГАН ФИКРИНГИЗ ШУ ЗАҲОТИ КЎРИНИШИ УЧУН САҲИФАНИ ҚАЙТА ЯНГИЛАНГ (ОБНОВИТЬ).

+