Фермерга Президент автомашина совға қилди
06.03.2018, 19:26
Жиззах вилоятининг Шароф Рашидов туманидаги “Мусурмон ота” фермер хўжалиги раиси Субинисо Бойматова самарали ва фидокорона меҳнати учун 8 март – Халқаро хотин-қизлар куни муносабати билан Президентимиз совғаси – “Nexia-3” автомашинаси билан тақдирланди.
Касби педагог бўлган Субинисо Бойматова кўп йиллар мактабда тарих-ҳуқуқ фанидан дарс берди. 1998 йилда фарзандларини ёнига олиб пахтачилик ва ғаллачиликка ихтисослашган фермер хўжалиги ташкил этди. Айни пайтда 93 гектар ерда деҳқончилик қилиб, ҳар йили давлатга ғалла, пахта сотиш шартнома режасини ошириб бажармоқда.
Опа эл-юртнинг манфаатини кўзлаб ишлайдиган фидойи инсонлардан. Айниқса, ижтимоий ҳимояга муҳтож оилаларга моддий ёрдам кўрсатишни ўзининг бурчи, деб билиши билан кўпчиликнинг ҳурматини қозонган.
– Менинг, жамоамнинг юрт фаровонлигига қўшаётган кичик улушини катта баҳолагани учун Президентимиздан беҳад миннатдорман, – дейди Субинисо опа. – Бу юксак ишонч ва эътиборни ғайрат билан меҳнат қилиб, элимиз дастурхонини тўкин қилишга янада кўпроқ ҳисса қўшиш билан оқлашга ҳаракат қиламиз.
Ўхшаш янгиликлар
-
Ўзбекистон Республикаси Президенти Шавкат Мирзиёевнинг Коррупцияга қарши курашиш соҳасида юксак халқаро мукофотни топшириш маросимидаги нутқи
20.12.2023, 15:38
-
Ўзбекистон Президенти иқлим соҳасидаги глобал кун тартиби доирасида қатор муҳим ташаббусларни илгари сурди
04.12.2023, 10:20
-
Ўзбекистон Президенти Туркий давлатлар ташкилоти саммитида муҳим ташаббусларни илгари сурди
06.11.2023, 10:27
-
Ўзбекистон – Франция: қатъий ишонч ва азалий дўстликка асосланган муносабатлар стратегик шериклик даражасида давом этади
03.11.2023, 15:38
-
“Яшил ипак йўли”ни барпо этиш йўлидаги муҳим ташаббуслар ва самарали мулоқотлар
20.10.2023, 10:02
Фикрингизни қолдиринг