Боғдорчилик, узумчилик ва полизчилик учун ер участкалари олиш тартиби

10.05.2018, 15:06

Боғдорчилик, узумчилик ва полизчилик учун ер участкалари олиш тартиби

Қонун ҳужжатларида фуқароларнинг Ўзбекистон ҳудудида боғдорчилик, узумчилик ва полизчилик юритиш учун ер участкалари олиш ҳуқуқи кафолатланган.

Хусусан, Ер кодексининг 56-моддасида шаҳарлар ва посёлкаларда, шунингдек қишлоқ аҳоли пунктларида яшовчи, деҳқон хўжалиги юритиш учун томорқа ер участкаларига эга бўлмаган фуқароларга корхоналар, муассасалар ва ташкилотларнинг илтимосномасига биноан жамоа боғдорчилиги ва узумчилиги юритиш учун мерос қилиб қолдириладиган умрбод эгалик қилишга ёки жамоа полизчилиги учун вақтинча фойдаланишга ер участкаси туман ҳокими томонидан берилиши назарда тутилган.

Жамоа боғдорчилиги, узумчилиги ва полизчилиги учун бериладиган ер участкалари кўчалар очиш, жамоат иморатлари ва иншоотлари қуриш зарурлиги ҳисобга олинган ҳолда боғдорчилик-узумчилик ширкатининг ҳар бир аъзосига 0,06 гектаргача ва полизчилик ширкатининг ҳар бир аъзосига 0,08 гектаргача ўлчамда белгиланади.

Боғдорчилик-узумчилик ширкатлари тўғрисидаги низомда жамоавий боғдорчилик ва узумчиликни юритиш учун фуқароларга ер участкаси корхоналар, ташкилотлар ва муассасаларнинг ёки фуқаролар гуруҳининг илтимосномасига биноан, қонун ҳужжатларида белгиланган тартибда туман ҳокими томонидан берилиши белгилаб қўйилган.

Туман ҳокимининг ер участкаси бериш тўғрисидаги қарорида ширкат ташкил этилганлиги кўрсатилади ва кейинчалик меросга қолдириладиган умрбод эгалик қилиш ҳуқуқини расмийлаштириш мақсадида ширкат аъзоларининг ширкат ҳар бир аъзосининг ер участкалари майдони кўрсатилган ҳолдаги рўйхати тасдиқланади.

Жамоавий боғдорчилик ва узумчиликни юритиш учун фуқароларга берилган ер участкасидан мева, резавор ва бошқа қишлоқ хўжалиги экинлари ўстириш учун фойдаланилади.

Жамоа боғдорчилиги, узумчилиги ва полизчилигини ташкил этиш учун фуқаролар боғдорчилик-узумчилик ёки полизчилик ширкатларига бирлашадилар. Ушбу ширкатлар унинг аъзолигига киришни хоҳловчилар камида 30 киши бўлганда ташкил этилиши мумкин.

Ширкатни ташкил этиш учун унга белгиланган тартибда берилган ер участкаси умумий фойдаланиладиган ерлардан ва ширкат аъзолари ерларидан иборат бўлади.

Шуни таъкидлаб ўтиш керакки, умумий фойдаланиладиган ерлар ширкатга доимий фойдаланиш ҳуқуқи билан берилади. Ширкат аъзоларига ер участкалари жамоавий боғдорчилик ва узумчиликни юритиш учун меросга қолдириладиган умрбод эгалик қилиш ҳуқуқи билан берилади.

O‘zLiDePнинг Facebook ва Instagramдаги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!

  • Кўрилди
    619
  • Чоп этиш
  • Дўстлар билан улашиш
← Орқага қайтиш

Билдирилган фикрлар

Денов туман Кенгаши Бпт раиси Ганиев Асрор2018-05-11 11:21:00

узумчилик соҳасидаги ўзгаришлар орқали бу соҳада янги ўзгаришлар бўлади деб умид қиламан.


Матлуба Жўраева Сурхондарё вилоят Кенгаши "Аёллар қаноти" бўлим мудири 2018-05-11 11:17:26

Жамоа боғдорчилиги, узумчилиги ва полизчилиги учун бериладиган ер участкалари боғдорчилик-узумчилик ширкатининг ҳар бир аъзосига 0,06 гектаргача ва полизчилик ширкатининг ҳар бир аъзосига 0,08 гектаргача берилиши орқали ушбу соҳа бўйича янги янги ишланишлар янги навлар яратилади ва боғдорчилик узумчилик соҳасида фермерларимиз сони кўпаяди.


O`zLiDeP Cурхондарё вилоят Кенгаши СТМ рахбари Гулмира Амирова2018-05-11 11:13:56

Боғдорчилик, узумчилик ва полизчилик учун ер участкалари олиш тартибига киритилагн янги ўзгартиришлар энди бу соха билан шугулланувчиларга катта имкониятларни яратиб берди. Айниқса ширкатларнинг тузишлиши умуман соха ривожланишига бу каби янгиликлар анча ёрдам беради.


Zebiniso Saparova Surxondaryo viloyati2018-05-11 10:55:25

Боғдорчилик, узумчилик ва полизчилик юритиш учун ер участкалари қонунда белгиланган тартибда берилиши ахолини томоркадан янада унумли фойдаланиш имконини беради.


Гавхарой Тухтасинова Бектемир тумани2018-05-10 21:18:54

Богдорчилик билан шугулланмокчи булган инсонлар кундан кунга купайиб бормокда. Бу эса бозорларда ракобатни ошишига, ва махсулотларни сифати кутарилишига олиб келмокда.Жаннатмакон юртимизда пишиб етилган бундай махсулотларни дунёнинг бошк давлатида топиш кийинг.


O‘zlidep Кумкургон туман парти фаоли Б.Менгкобилов2018-05-10 18:19:15

Жамоавий боғдорчилик ва узумчиликни юритиш учун фуқароларга берилган ер участкасидан мева, резавор ва бошқа қишлоқ хўжалиги экинлари ўстириш учун фойдаланилади. Бундай имкониятдан ахоли унумли фойдаланиши керак деб уйлайман.


Аптаров Аслиддин O‘zLiDeP Навоий вилоят Кенгаши ходими 2018-05-10 18:05:51

Боғдорчилик, узумчилик ва полизчилик юритиш учун ер участкалари қонунда белгиланган тартибда аҳолининг кам таминланган қисмига берилса қишлоқ хужалигининг ривожланишига хизмат қилади ҳамда турмуш даражаси яхшиланади.


Хикмат Ражабов O`zLiDeP Урганч туман Кенгаши депутати2018-05-10 18:01:40

Боғдорчилик-узумчилик ширкатлари тўғрисидаги низомда жамоавий боғдорчилик ва узумчиликни юритиш учун фуқароларга ер участкаси корхоналар, ташкилотлар ва муассасаларнинг ёки фуқаролар гуруҳининг илтимосномасига биноан, қонун ҳужжатларида белгиланган тартибда туман ҳокими томонидан берилиши белгилаб қўйилган.


Бектаева Райима, халқ депутатлари Навоий вилоят Кенгаши депутати2018-05-10 17:21:33

Боғдорчилик узумчилик, ва полизчилик қилиш учун ер олиш тартиби деҳқончилик билан шуғулланадиган кўплаб юртдошларимизни қувонтирди.Юртимизда узум етиштириш, полизчилик ва боғдорчилик ривожини янги замонавий босқичга олиб чиқади деб ўйлайман.


Халқ депутатлари Навоий вилоят Кенгашиидаги O'zLiDeP депутатлик гуруҳи ижрочи котиби, Шоира Эшбоева2018-05-10 17:16:58

Боғдорчилик, узумчилик ва полизчиликни ривожлантириш учун ер участкалари берилишидаги ушбу янгилик туфайли аҳоли орасида экин ерлардан оқилона фойдаланиш маданиятини ривожлантиришга хизмат қилади.


Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг. ЭСЛАТМА! ЖЎНАТИШ ТУГМАСИНИ БОСГАНИНГИЗДАН СЎНГ БИЛДИРГАН ФИКРИНГИЗ ШУ ЗАҲОТИ КЎРИНИШИ УЧУН САҲИФАНИ ҚАЙТА ЯНГИЛАНГ (ОБНОВИТЬ).

+