«Ҳар бир оила — тадбиркор» дастури доирасида кредитлар кимларга берилади?

12.06.2018, 15:15

«Ҳар бир оила — тадбиркор» дастури доирасида кредитлар кимларга берилади?

Аввал хабар берганимиздек Президент қарорига асосан юртимизда «Ҳар бир оила — тадбиркор» дастури амалга оширилади.

Адлия вазирлиги томонидан мазкур дастур доирасида кредитларни ажратиш тартиби тўғрисидаги низом рўйхатдан ўтказилди. Қуйида "Ҳуқуқий ахборот" канали томонидан «Ҳар бир оила — тадбиркор» дастури доирасида кредит ажратиш тартиби ҳақида тушунча берилади.

Қандай мақсадларда берилади?

Низомга мувофиқ дастур доирасида имтиёзли кредитлар қарз олувчиларга тадбиркорликни йўлга қўйиш ёки ривожлантириш мақсадлари учун ажратилади.

Қандай мақсадлар учун олиб бўлмайди?

Кредитлар:

  • илгари олинган кредитларни ёки ҳар қандай бошқа қарзларни қайтариш;
  • алкоголь ва тамаки маҳсулотлари ишлаб чиқариш;
  • савдо-воситачиликни амалга ошириш;
  • умумий овқатланиш ташкилотларининг айланма маблағларини шакллантириш;
  • ишлаб чиқариш мақсадлари учун ишлатилмайдиган шахсий мулкни сотиб олиш;
  • маъмурий харажатларни тўлаш, жумладан хизмат автомобиллари таъминоти;
  • мебель, уяли телефон сотиб олиш, шунингдек алоқа хизматларига тўлов мақсадлари учун ажратилмайди.

Кимларга берилади?

  • тадбиркорлик фаолияти билан шуғулланиш истагида бўлган жисмоний шахслар;
  • кичик тадбиркорлик субъектлари ҳисобланган якка тартибдаги тадбиркорлар, микрофирмалар, кичик корхоналар;
  • деҳқон ва фермер хўжаликлари;
  • оилавий тадбиркорлар.

Қанча миқдорда берилади?

энг кам иш ҳақининг 150 бараваридан – 1000 бараваригача миқдорда.

Фоизи

Кредитларнинг фоиз ставкаси йиллик 7 фоиз миқдорида белгиланади. Бунда кредит линияси 3 фоизни, банк маржаси 4 фоизни ташкил этади.

Муддати қанча?

Микрокредитлар 6 ойгача имтиёзли давр билан 3 йилдан кўп бўлмаган муддатга ажратилади.

Кредитлар амалга ошириладиган лойиҳанинг бизнес-режасига мувофиқ ўзини ўзи қоплаш жиҳатларидан келиб чиқиб 2 йилгача имтиёзли давр билан 5 йил муддатгача ажратилиши мумкин. Бунда берилаётган имтиёзли давр ва кредитни қайтариш муддати батафсил асослантирилиши керак.

Қандай ҳужжатлар тақдим этилади?

  1. Кредит олиш учун қарз олувчи — жисмоний шахслар кредит олиш учун банкка қуйидаги ҳужжатларни тақдим этади:
  • ариза;
  • паспорт нусхаси;
  • жисмоний шахсларга кредит қайтарилишининг таъминоти сифатида секторлар раҳбарлари ва маҳалла фуқаролар йиғини томонидан оилавий тадбиркорликни ривожлантириш учун бериладиган имтиёзли кредитлаш бўйича тавсиянома.

2. Кредит олиш учун қарз олувчи — кичик тадбиркорлик субъектлари кредит олиш учун банкка қуйидаги ҳужжатларни тақдим этади:

  • ариза;
  • бизнес-режа;
  • тегишли давлат солиқ инспекциясига охирги ҳисобот даври учун бухгалтерия баланси (1-сон шакл), 90 кундан ортиқ муддатдаги қарзларга доир солиштириш далолатномалари, молиявий натижалар тўғрисида ҳисобот (2-сон шакл), (янги ташкил этилган юридик шахслар ҳамда якка тартибдаги тадбиркорлар, юридик шахс ташкил этмаган ҳолда фаолият юритаётган деҳқон хўжаликлари бундан мустасно);
  • таъминот турларидан бири (учинчи шахс кафиллиги, суғурта полиси, мол-мулк, Тадбиркорлик фаолиятини ривожлантиришни қўллаб-қувватлаш давлат жамғармасининг кафиллиги).

Тижорат банклари қарз олувчи — кичик тадбиркорлик субъектларига юқорида назарда тутилган таъминот турларини талаб қилмасдан энг кам иш ҳақининг 150 бараваригача бўлган миқдорда бланкли (ишончли) микрокредит бериш ҳуқуқига эга.

Кўпроқ маблағ керакми?

Туман ва шаҳарларда самарадорлиги юқори ва барқарор иш ўринлари яратиш имконияти мавжуд лойиҳаларга дастур доирасидаги ресурслар ҳисобидан энг кам иш ҳақининг 1000 бараваридан ортиқ миқдорда йиллик 7 фоиз ставкада имтиёзли кредит ажратилиши мумкин.

Самарали лойиҳалар тегишли ҳудудий ишчи гуруҳлар томонидан танлаб олинади ва ушбу лойиҳанинг ҳақиқатда мазкур ҳудудни ижтимоий-иқтисодий ривожлантиришдаги аҳамияти қайд этилган ҳолда имтиёзли кредитлашга хулоса тайёрланади ва хулоса ишчи гуруҳларнинг барча аъзолари томонидан имзоланади.

Кредит неча кунда берилади?

Қарз олувчининг аризаси келиб тушган кундан бошлаб, тижорат банки томонидан уч иш кунидан ошмаган муддатда ушбу ариза бўйича асослантирилган қарор қабул қилинади.

Тижорат банки кредит беришни рад этган тақдирда, банк қарз олувчига ҳамда тавсифнома берган тегишли секторлар раҳбарларига ва маҳалла фуқаролар йиғинига бу ҳақда кейинги иш кунидан кечиктирмаган ҳолда ёзма шаклда асослантирилган маълумот тақдим этади.

Кредит нақд пул шаклида бериладими?

Кредитлар қарз олувчига алоҳида кредит ҳисобварағи очиш ва унинг тўлов топшириқномаларига мувофиқ, ушбу ҳисобварақдан нақд пулсиз шаклда пул ўтказиш йўли билан берилади.

Жисмоний шахсларга лойиҳанинг ўзига хос жиҳатлари товарни пул ўтказиш йўли билан сотиб олиш имконияти бўлмаган ҳолда микрокредитнинг бир қисми нақд пулда берилиши мумкин.

Кредит қандай қайтарилади?

Қарз олувчи кредит ҳамда унга ҳисобланган фоизларни нақд пулда, банк пластик карточкалари орқали ёки қарз олувчининг ҳисобварағидан пул ўтказиб бериш йўли билан тўлаши мумкин.

O‘zLiDePнинг Facebook ва Instagramдаги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!

  • Кўрилди
    8954
  • Чоп этиш
  • Дўстлар билан улашиш
← Орқага қайтиш

Билдирилган фикрлар

Равшан2019-06-11 18:47:00

Хамма хужжатлар таёр булгандан кейин менга центра банк кредитни тухтатди дейишди


Тўлқинбек 2019-06-09 10:20:52

Мен автомобил йўлида жойлашган уйимнинг олдига икки қавватли ошхона ва савдо дўкони очмоқчиман, иложи борми


Файзулло2019-06-06 18:04:20

Мен Хар Бир оила тадбиркор йуналиши буйича 200 млн кредит олмокчиман. Гаровга куйишга Мол мулким йук. Нима кидай. Тикув цехи очмокчиман. Ердам беринг. ±998914151206


Усмонали2019-06-04 03:51:51

мен ғилдиракли эксковатор олиб тадбиркорлик қилмоқчиман, бўладими? низомда. Қандай мақсадлар учун олиб бўлмайди? Кредитлар: илгари олинган кредитларни ёки ҳар қандай бошқа қарзларни қайтариш; алкоголь ва тамаки маҳсулотлари ишлаб чиқариш; савдо-воситачиликни амалга ошириш; умумий овқатланиш ташкилотларининг айланма маблағларини шакллантириш; ишлаб чиқариш мақсадлари учун ишлатилмайдиган шахсий мулкни сотиб олиш; маъмурий харажатларни тўлаш, жумладан хизмат автомобиллари таъминоти; мебель, уяли телефон сотиб олиш, шунингдек алоқа хизматларига тўлов мақсадлари учун ажратилмайди. деган. ғилдираклик экскавотор спецтехникага турига киради. юридик ёки жисмоний шахс бўлиб олмоқчиман. мени тел.+998903592750


Нозим2019-04-26 14:49:33

Мен тадбиркорман махсулотни феврал ойида етказганман кридит хисобидан тулаши керак Эди лекин хали дарак йук


Bexruz2019-04-25 20:20:22

Shuncha odam o‘z dardini yozib birontalaringa amaliy yordam berildimi yoki shu joyda qoldimi. Foydasi bormi bu yerga yozgan bilan yordam berishdimi


Гулбахор2019-04-12 21:56:58

Мен хам кредит оламан деб хамма хужжатларни йигганимда чет давлатдан ускуна техника оламан деб шартнома олиб келсам бу шартнома булмайди бизнинг руйхатда турган фирмалардан шартнома олиб кел дейишяпти. Уларнинг руйхатидаги фирмада оладиган техникам жудаям кимматку кандай йул тутсак булади


Хаёт2019-04-11 20:29:32

Мен томоркамда икки сотих иссикхона куриш учун махалладан тавсиянома олган эдим. Туман хокимиятидан иссикхона курувчи таъминотчиларни руйхатини олдим, лекин уларнинг нарх наволари мени кониктирмади жудаям киммат. Бир сотихи 8.5 млн.дан 10 млн.гача. Мен водийдаги иссикхона курувчилар билан гаплашдим, накд пулга сотиги 3.5 млн.дан 4.5 млн.гача, пул утказиш йули билан эса 5-5.5 млн.гача. Мен водийнинг иссикхона курувчи фирмалари билан шартнома килишга хакким борми йукми. Ёки туман хокимияти томонидан курсатилган таъминотчиларга иссикхона курдиришга мажбурманми.


Уктам2019-04-09 19:28:21

Хеч ололмаган шекилли юкоридаги фикр мулохазаларга караганда. Мен бугун харакат килиб курувдим аник ва лўна қилиб бермаймиз дейишди. Тавсиянома нега беришди унда хайронман.


Отабек2019-04-05 19:07:36

Бу хаммаси ёлгон шунчаки халкни овора килиб мазак килиб туришибди банкдагилар кулишади ха 8 фоизликми деп бекордан бекор россиядан колиб кетдим икки ой булди хар кун хар хил эртаклар айтишади бунакада Узбекистон хеч качон ривожланган мамлакатлар каторига кираолмайди хамма жойда порахурлик таниш билиш пуллар кимга ажратиляпти банкирларни танишларига


Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+