Қишлоқ хўжалигида кечиктириб бўлмайдиган чора-тадбирлар белгиланди

31.07.2018, 18:58

Қишлоқ хўжалигида кечиктириб бўлмайдиган чора-тадбирлар белгиланди

Ўзбекистон Республикаси Президенти Шавкат Мирзиёев раислигида 31 июль куни ғўза ривожини жадаллаштириш, ғалла ўримидан бўшаган майдонларга такрорий экинлар экиш, аҳоли томорқаларидан самарали фойдаланиш ва қишлоқ хўжалиги маҳсулотларини экспорт қилиш масалаларига бағишланган видеоселектор йиғилиши ўтказилди. 

Жорий йил 4 июль куни бўлиб ўтган видеоселекторда 5 июлдан 5 сентябрга қадар “ҳосилга-ҳосил қўшиш долзарб икки ойлиги” эълон қилинган эди. Йиғилишда шу борада амалга оширилган ишлар атрофлича таҳлил қилинди. 

Ўтган вақтда ғўза ривожининг кечикиши бартараф этилмагани, ҳали ҳам 8-10 кунга, баъзи жойларда 12-15 кунга ортда қолиш кузатилаётгани таъкидланди. Айрим туманларда пахта ўз ҳолига ташлаб қўйилгани, муҳим агротехник тадбирлар вақтида бажарилмагани, ғўза чанқатиб қўйилиб, бу ҳосил йўқолишига олиб келаётгани танқид қилинди.

Қишлоқ хўжалигидаги вазифаларни бажаришда камчиликларга йўл қўйган туманлар раҳбарларига тегишли чоралар кўриш бўйича кўрсатма берилди. 

Пахта майдонларида агротехник тадбирларни ўз вақтида ва сифатли ўтказиш, ғўзани чанқатмай, қатор ораларига ишлов бериш, культиваторлардан самарали фойдаланиш зарурлиги қайд этилди. 

Яна бир муаммо бу йил ғўза зараркунандалари ва ҳашаротлари кўпайганидир. Олимларнинг аниқлашича, биргина кўсак қурти капалагининг қишдан чиқиш даражаси 76 фоизни ташкил этмоқда. Бу охирги йиллардаги энг юқори кўрсаткичдир.

“Ҳашаротларнинг қишдан чиқиш даражаси 50 фоиз бўлганда фавқулодда ҳолат деб баҳоланади. Бу йил эса ҳашарот 1,5 баробар кўп. Бундан барча раҳбарлар тегишли хулоса чиқариши, айниқса, фермерлар ўз ҳосили учун маъсулиятни кучайтириши шарт”, деди давлатимиз раҳбари.

Зараркунанда ва ҳашаротларга қарши курашиш ишларини тизимли ташкил қилиш, ғўзага илмий ёндашув асосида кимёвий ишлов бериш бўйича чора-тадбирлар белгиланди. 

Йиғилишда ғўзани суғориш масаласига ҳам тўхталиб ўтилди. Сувдан мақсадли фойдаланиш, ғўза майдонларини суғориш жадвалини ишлаб чиқиш, узоқдаги фермер хўжалиги даласигача сув етиб боришини таъминлаш, “шарбат” усулида суғоришни ташкил қилиш бўйича топшириқлар берилди. 

Ғалладан бўшаган майдонларга такрорий экинлар экиш, шартнома тузиш ва бўнак маблағлари бериш масалаларига алоҳида эътибор қаратилди. 

Бугунги кунда дунёда озиқ-овқат маҳсулотларига талаб ва уларнинг нарх-навоси ошиб бормоқда. Бундай шароитда қишлоқ хўжалиги маҳсулотлари етиштиришни кўпайтириб, ички бозорни арзон озиқ-овқат билан тўлдириш ва экспорт ҳажмини ошириш жуда муҳим ҳисобланади.

Шу мақсадда жорий йилда ғалладан бўшаган 680 минг гектар майдонга такрорий экин экиш белгиланган. Лекин орадан бир ойдан кўпроқ вақт ўтган бўлса-да, жойларда экиш ишлари тизимли ташкил қилинмаган, тўлиқ якунига етказилмаган.

“Такрорий экин бу – биринчи навбатда экспорт, иккинчидан озиқ-овқат маҳсулотларининг захираси, яъни ички бозордаги тўкинлик ва барқарор нарх-наво дегани”, деди Шавкат Мирзиёев.

Мутасадди раҳбарларга такрорий экинлар учун зарур бўлган моддий-техник ресурсларни тўлиқ етказиб бериш ва агротехник тадбирларни ўз вақтида ўтказиш, маҳсулотларни харид қилиш бўйича қайта ишлаш корхоналари, экспортёр ва тайёрлов ташкилотлари билан шартномалар тузиш, фермерларга бўнак пулларини тўлаш юзасидан топшириқлар берилди. 

Аҳоли томорқаларидан самарали фойдаланиш, “Томорқа хизмати” корхоналари фаолиятини жонлантириш, хонадонларга уруғлик, минерал ўғит ва бошқа зарур нарсаларни етказиб бериш бўйича вазифалар белгиланди. 

Маҳаллий бюджетга қўшимча даромад тушириш захираларини сафарбар қилиш, маҳсулот ва хизматларни экспорт қилиш бўйича прогноз кўрсаткичларни бажариш масалалари ҳам атрофлича муҳокама қилиниб, мутасаддиларга тегишли топшириқлар берилди. 

O‘zLiDePнинг Facebook ва Instagramдаги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!

  • Кўрилди
    701
  • Чоп этиш
  • Дўстлар билан улашиш
← Орқага қайтиш

Билдирилган фикрлар

Рустамжон Хакимов Наманган вилоят Кенгаши2018-08-01 14:04:05

Об-ҳавонинг ноқулай келиши фермерларимизнинг ишини оғирлаштирмоқда. Деҳқон фермерларимизга биз камарбаста бўлайлик


Чилонзор туман Кенгаши Мўминова Нигора 2018-08-01 10:07:08

Ўзбекистон Республикаси Президенти Шавкат Мирзиёев раислигида 31 июль куни ғўза ривожини жадаллаштириш, ғалла ўримидан бўшаган майдонларга такрорий экинлар экиш, аҳоли томорқаларидан самарали фойдаланиш ва қишлоқ хўжалиги маҳсулотларини экспорт қилиш масалаларига бағишланган видеоселектор йиғилиши ўтказилиши мамлакатимизда хосилни кўпаши ва ердан унумли фойдаланишга эришишга сабаб бўлади.


Шовот туман Кенгаши 2018-08-01 09:53:46

Ўзбекистон Республикаси Президенти Шавкат Мирзиёев раислигида 31 июль куни ғўза ривожини жадаллаштириш, ғалла ўримидан бўшаган майдонларга такрорий экинлар экиш, аҳоли томорқаларидан самарали фойдаланиш ва қишлоқ хўжалиги маҳсулотларини экспорт қилиш масалаларига бағишланган видеоселектор йиғилиши айни мақсадга мувофиқ бўлган. ер битмас туганмас хазина , қанча мехр берсанг сенга шунча мукофотини хадя қилади, аммо бу ишларни вақтида кечиктирмасдан олиб бориш лозим.


Рахманова Гульнара УзЛиДеП тахтакупир туман Кенгаши ижрочи котиб 2018-08-01 09:30:51

Ўзбекистон Республикаси Президенти Шавкат Мирзиёев раислигидаги шу йилнинг 31 июль куни утказилган видеоселекторда ғўза ривожини жадаллаштириш, ғалла ўримидан бўшаган майдонларга такрорий экинлар экиш, аҳоли томорқаларидан самарали фойдаланиш ва қишлоқ хўжалиги маҳсулотларини экспорт қилиш ишларини жонлантириш тугрисида масалалар олга сурилди. Хакикатдан хам хар бир фермер кузланган дармодга эга булиш учун тинмай мехнат килиши хар бир кундан унимли фойланиши лозимлиги айтилди. Уларнинг дехкончилиги мул булса демак халкимизнинг тукин сочинлигини таъминлайди. Хорманг, маъсулиятли ишларингизда омад тилаймиз


Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг. ЭСЛАТМА! ЖЎНАТИШ ТУГМАСИНИ БОСГАНИНГИЗДАН СЎНГ БИЛДИРГАН ФИКРИНГИЗ ШУ ЗАҲОТИ КЎРИНИШИ УЧУН САҲИФАНИ ҚАЙТА ЯНГИЛАНГ (ОБНОВИТЬ).

+