Душанбе шаҳрида Алишер Навоий ва Абдураҳмон Жомий ҳайкали очилди (+фото)
27.09.2018, 12:24
Президент Шавкат Мирзиёев ва Президент Эмомали Раҳмон Душанбе шаҳрида ташкил этилган Низомиддин Алишер Навоий номидаги истироҳат боғига ташриф буюрди.
Мазкур парк Тожикистон Республикаси Президентининг 2018 йил 5 мартдаги фармойишига мувофиқ ташкил этилган. Фармойишда тожик ва ўзбек халқларининг дўстлиги рамзи сифатида боғ марказига Нуриддин Абдураҳмон Жомий ва Низомиддин Алишер Навоий ҳайкали ўрнатилиши белгиланган. Ҳайкал лойиҳасини яратиш бўйича танлов ўтказилган.
Давлатимиз раҳбарининг ташрифи арафасида паркка буюк мутафаккир шоирлар ҳайкали ўрнатилди. 27 сентябрь куни бу ерга давлат ва ҳукумат вакиллари, адиблар, ёшлар жам бўлди.
Шавкат Мирзиёев ва Эмомали Раҳмон мазкур истироҳат боғи ва ҳайкални тантанали равишда очди. Алишер Навоий ва Абдураҳмон Жомий ҳайкали пойига гуллар қўйди.
Тожикистонда шундай боғ ва ёдгорлик мажмуаси очилишини бу борада мамлакатимизда қилинаётган ишларнинг мантиқий давоми дейиш мумкин. Маълумки, жорий йил 7 март куни Самарқанд шаҳрининг Алишер Навоий номидаги марказий истироҳат боғида Навоий ва Жомий ҳайкали ўрнатилган эди. Яна бир эътиборли жиҳати, бу парк ёнидаги кўча ҳам Абдураҳмон Жомий номи билан аталган, Навоий боғи бошқа бир форс-тожик шоири Абу Абдулло Рудакий майдони билан туташиб кетган.
O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!
Фикрингизни қолдиринг
Ўхшаш янгиликлар
-
Ўзбекистон Республикаси Президенти Шавкат Мирзиёевнинг Коррупцияга қарши курашиш соҳасида юксак халқаро мукофотни топшириш маросимидаги нутқи
20.12.2023, 15:38
-
Ўзбекистон Президенти иқлим соҳасидаги глобал кун тартиби доирасида қатор муҳим ташаббусларни илгари сурди
04.12.2023, 10:20
-
Марказий Осиё иқтисодиёти – глобал аҳамиятга молик ўзаро боғлиқлик маркази
27.11.2023, 09:21
-
Ўзбекистон Президенти Туркий давлатлар ташкилоти саммитида муҳим ташаббусларни илгари сурди
06.11.2023, 10:27
-
Ўзбекистон – Франция: қатъий ишонч ва азалий дўстликка асосланган муносабатлар стратегик шериклик даражасида давом этади
03.11.2023, 15:38
Билдирилган фикрлар
Акбар Якубов, Жиззах вилояти2018-10-03 10:38:11
Икки давлат ўртасидаги дўстона муносабатлар янада мустахкам бўлсин!