Ўзбекистон — National Geographic Traveler Awards 2018 мукофотлари рейтингида пешқадамлар қаторида
12.10.2018, 16:08
Дунёга машҳур National Geographic Traveler журнали туризм йўналишидаги анъанавий мукофотларининг жорий йилги рейтингида Ўзбекистон етакчилар қаторида боряпти. Бу ҳақда "Халқ сўзи" хабар бермоқда.
Мазкур нашр ўз сайтида ҳар йили 25 та номинация бўйича энг оммабоп ҳордиқ турлари бўйича энг яхши сайёҳлик йўналишларини эълон қилиб келади. Мазкур рейтинг онлайн овоз бериш асосида аниқланади. Жорий йилги овоз бериш жараёни 22 июнда бошланиб, бугун якунланади.
Эътиборлиси, рейтингнинг “Гастрономик туризм” йўналишида Ўзбекистон биринчи ўринда бормоқда. Диёримиз унда 34 фоиз овоз тўплаган. Италия (21 фоиз), Озарбайжон (17 фоиз), Франция (13 фоиз), Арманистон (7 фоиз), Жанубий Корея (5 фоиз) ва Швеция (3 фоиз) эса кейинги поғоналарда кетмоқда.
Маълумот учун, Американинг дунёга машҳур мазкур журнали Миллий география уюшмаси томонидан 1984 йилда асос солинган. Саёҳат, экзотик мамлакатлар, энг оммабоп туризм йўналишлари ҳақида туркум мақолалар, сайёҳларга маслаҳатлар бериб бориладиган мазкур нашр бугунги кунга келиб дунёнинг 20 та давлатида 10 та тилда чоп этилади.
Ўхшаш янгиликлар
-
Ўзбекистон Республикаси Президенти Шавкат Мирзиёевнинг Коррупцияга қарши курашиш соҳасида юксак халқаро мукофотни топшириш маросимидаги нутқи
20.12.2023, 15:38
-
Ўзбекистон Президенти иқлим соҳасидаги глобал кун тартиби доирасида қатор муҳим ташаббусларни илгари сурди
04.12.2023, 10:20
-
Ўзбекистон Президенти Туркий давлатлар ташкилоти саммитида муҳим ташаббусларни илгари сурди
06.11.2023, 10:27
-
Ўзбекистон – Франция: қатъий ишонч ва азалий дўстликка асосланган муносабатлар стратегик шериклик даражасида давом этади
03.11.2023, 15:38
-
“Яшил ипак йўли”ни барпо этиш йўлидаги муҳим ташаббуслар ва самарали мулоқотлар
20.10.2023, 10:02
Фикрингизни қолдиринг