Ўзбекистонда қанча эҳтиёжманд хонадон бор?
19.06.2020, 11:18
Пандемия сабабли мамлакатимиз иқтисодий қийинчиликларни бошидан кечираётганлигига қарамасдан аҳолини ижтимоий қўллаб-қувватлашни устувор йўналишларидан бири сифатида белгиланди. Кам таъминланган эҳтиёжманд аҳоли рўйхати шакллантирилиб, уларни камбағалликдан чиқариш бўйича амалий чоралар кўрилмоқда. Бу ҳақда Ўзбекистон Республикаси Олий Мажлиси Сенати Раиси Танзила Нарбаева маълум қилди.
Республика бўйича 7 млн. 192 мингдан ортиқ хонадоннинг 300 мингга яқини (4,1 фоиз) эҳтиёжманд хонадон ҳисобланади. Ушбу хонадонларнинг рўйхатлари маҳаллий Кенгашларнинг қарорлари билан тасдиқланган.
Тадбиркорлик билан шуғулланиш имкониятлари янада кенгайтирилмоқда. Амалдаги кўплаб талаб ва чекловлар қайта кўриб чиқилиб, соддалаштирилмоқда, катта имтиёзлар берилмоқда, тадбиркорлик қўллаб-қувватланмоқда. Бунинг натижасида эса 500 мингдан зиёд тадбиркорлик субъекти ва 8 миллиондан ортиқ фуқарога қарийб 30 триллион сўмлик имтиёз ва преференциялар берилди.
Умуман олганда, мамлакатимизда COVID-19 инфекцияси тарқалишини жиловлаш, аҳолининг энг эҳтиёжманд қатламлари учун пандемиянинг ижтимоий-иқтисодий оқибатларини юмшатиш бўйича кўрилган чоралар Бирлашган Миллатлар Ташкилоти Бош котиби Антониу Гутерриш томонидан юксак баҳоланди.
Карантин талабларига қатъий риоя этилишини таъминлаш борасидаги саъй-ҳаракатларимиз ва эришган натижаларимиз Жаҳон Соғлиқни Сақлаш Ташкилоти томонидан ҳам эътироф этилди.
Фикрингизни қолдиринг
Ўхшаш янгиликлар
-
Ўзбекистон Республикаси Президенти Шавкат Мирзиёевнинг Коррупцияга қарши курашиш соҳасида юксак халқаро мукофотни топшириш маросимидаги нутқи
20.12.2023, 15:38
-
Ўзбекистон Президенти иқлим соҳасидаги глобал кун тартиби доирасида қатор муҳим ташаббусларни илгари сурди
04.12.2023, 10:20
-
Ўзбекистон Президенти Туркий давлатлар ташкилоти саммитида муҳим ташаббусларни илгари сурди
06.11.2023, 10:27
-
Ўзбекистон – Франция: қатъий ишонч ва азалий дўстликка асосланган муносабатлар стратегик шериклик даражасида давом этади
03.11.2023, 15:38
-
“Яшил ипак йўли”ни барпо этиш йўлидаги муҳим ташаббуслар ва самарали мулоқотлар
20.10.2023, 10:02
Билдирилган фикрлар
Авазметов Комилжон Алимович2020-06-19 23:43:42
Кам таъминланган, эхтиёжманд оилалар сони махаллий хокимиятлар томонидан жуда камайтириб курсатилган! Хакикатда ахолининг ночор кисми 4% эмас- 40 фоизлар атрофида булиши керак.
Muzaffar2020-06-19 15:12:59
Bu masala va muommolarni yechishda mahalla raislarining o'rni qay darajada ekan? Keltirilayotgan raqamlarda ularning xissasi sezilarli...