KIAнинг энг янги моделлари Ўзбекистондаги заводда ишлаб чиқарилади

10.09.2020, 17:10

KIAнинг энг янги моделлари Ўзбекистондаги заводда ишлаб чиқарилади

Жиззах эркин иқтисодиёт зонасидаги ADM-Jizzakh заводи ноябрь ойидан бошлаб энг янги моделлардан бўлган — KIA Seltos ва KIA К5 автомобилларини йиғишни бошлайди, дея хабар қилди Roodell компанияси матбуот хизмати «Газета.uz»га.

Завод аввал-бошданоқ мультибрендли хусусиятга эга бўлиши кўзда тутилган — келгусида у ерда жаҳонга машҳур қатор брендлар автомобилларини ишлаб чиқариш йўлга қўйилади. Ўзбекистонда ишлаб чиқарилган автомобиллар ҳамкор дилерлик тармоқлари орқали МДҲ давлатларига экспорт қилинади.

KIA Seltos. Фото: KIA Motors.

«Мутлақо янги бўлган хусусий авто ишлаб чиқаришнинг йўлга қўйилиши — Ўзбекистон бозори учун шунчаки тижорат янгилиги эмас, балки олиб борилаётган янги ислоҳотлар, ҳам инвесторлар, ҳам истеъмолчилар учун янги шароитларнинг яратилиши натижасидир, — таъкидлади Roodell бош директори Данияр Давлетияров. — Ишонч билан айтишимиз мумкинки, мамлакатда ҳақиқатан ҳам автомобиль тарихининг янги даври бошланмоқда, у биратўласи бир нечта глобал автомобиль брендларининг ишлаб чиқарила бошлаши, яъни ўзбек бозорига кириб келиши билан боғлиқ. Биз янги инвесторлар учун макон, бутловчи қисмларни ишлаб чиқариш ва дистрибуциялаш бозорини шакллантириш, дилерлик ва логистика марказларини қуриш учун шароит яратмоқдамиз. Фаолиятимизнинг дастлатки йилида турли учта машҳур автобрендларнинг автомобилларини ишлаб чиқаришни йўлга қўйишни режалаштирганмиз».

Айни пайтда Жиззах ЭИЗда завод қурилишининг якуний босқичи давом этмоқда ва турли конфигурацияга эга бўлган автомобилларни ишлаб чикариш учун мўлжалланган иккита технологик линиясини ўрнатиш бўйича тайёргарлик ишлари олиб борилмоқда.

Биринчи босқичда заводнинг ишлаб чиқариш қуввати йилига 25 минг донани ташкил этади. Иккинчисида — 2022 йил якунига қадар пайвандлаш, кузовни бўёқлашва йиғув цехлари ишга туширилганидан кейин ушбу кўрсаткич 100 мингтага кўпаяди.

Aвтомобиль бутловчи қисмларини ишлаб чиқаришни маҳаллийлаштириш ҳамда маҳаллий, хорижий корхоналар учун янги истиқболларни яратиш ва ишлаб чиқарилган автомобилларни экспортини таъминлаш ҳам Roodellкомпаниясининг асосий вазифаларидан бири ҳисобланади.

Автомобилларни ишлаб чиқаришга мўлжалланган технологик линияси, KIAMotorsнинг Россиядаги минтақавий бош ваколатхонаси иштирокида яратилди. Компания ўз тажрибаси ва экспертизасини Roodell раҳбарияти билан ўртоқлашди ва ҳамкорликни муваффақиятли давом эттиришни кутмоқда.

«МДҲ бозори катта салоҳиятга эга, KIA автомобилларига қизиқиш тобора ортаётганини кўриб турибиз, - деди KIA Motors Rus & CIS HQ президенти жаноб Чжин-Ха Ким. — Бу KIA Motors Russia & CISнинг минтақавий ваколатхонасини бош рахбари сифатида дастлабки йирик лойиҳаларидан биридир. Янги заводда KIAнинг энг сўнгги ва юқори технологик моделлари ишлаб чиқарилади, чунки биз Ўзбекистонга ва ҳамкорларимизга ишонамиз. Янги завод раҳбарияти ва бутун жамоасига муваффақиятлар тилаймиз».

2020 йил ноябрь ойида «Жиззах» ЭИЗда бизнес-класс седанининг янги глобал номига айланган KIA К5 автомобили ва дунёда сенсация ҳисобланган ҳамда кўплаб бозорларда эътибор қозонган KIA Seltos ихчам кроссовери ишлаб чиқарила бошланади. Иккала модель ҳам ўз сегментларида юқори рақобатбардошлиги, ажойиб дизайни, динамик хусусиятлари ва қулай юқори технологик функциялари билан ажралиб туради.

Маълумот учун, Roodell — 2014 йилдан буён автомобиль бозорида фаолият кўрсатиб келаётган миллий компаниялардан биридир.

  • Кўрилди
    1225
  • Чоп этиш
  • Дўстлар билан улашиш
← Орқага қайтиш

Билдирилган фикрлар

Озод2020-09-10 22:59:50

Бизни бахоси кизиктиради


Muhiddin2020-09-10 21:16:11

Chevrolet ni o'rniga Kia olamiz. Inshallah


Abror2020-09-10 19:46:45

Oddiy xalq uchnxam arzon mashina chiqararmikin kiya.


Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+