Бундан 8 йил олдин ёпиб қўйилган Ўзбекистон-Тожикистон чегара-божхона пости очилди

12.02.2018, 09:20

Бундан 8 йил олдин ёпиб қўйилган Ўзбекистон-Тожикистон чегара-божхона пости очилди
Фарғона вилояти Бешариқ туманидаги “Андархон” халқаро мақомга эга бўлган чегара-божхона пости очилди. Бу эса ўзбек ва тожик халқлари дўстлиги жипслиги ҳамда ҳамжиҳатлиги йўлидаги навбатдаги муҳим қадам бўлди.
 
Бундан саккиз йил олдин ёпилган Ўзбекистон —Тожикистон чегарасида жойлашган “Андархон” чегара-божхона постининг очилиши аҳоли учун катта қулайликларни яратмоқда. Бу ерда чегара олди ҳудуд аҳолиси соддалаштирилган тартибда чегарадан ўтиш тизими жорий қилинди. Чегара пости хушхабарни эшитган икки қардош давлат фуқаролари билан гавжум бўлди. Дўстлик ришталари ҳамда ҳамкорликнинг янада мустаҳкамланиши, ўзаро бориш-келишдаги тўсиқлар, ортиқча расмиятчиликларга барҳам берилаётгани, айниқса, асрлар давомида елкадош яшаётган, тили, дили, дини бир икки халқ аҳолисини беҳад қувонтирди. Эндиликда бу ерда телеграмма ва таклиф хатисиз бемалол ҳаракатланиш мумкин. 
 
— Ҳақиқатдан ҳам икки қўшни халқ ўртасидаги тўсиқлар сабабли қариндош-уруғларимиз билан борди-келди узилиб қолган эди, – дейди Бешариқ туманидаги “Қияли” маҳалла фуқаролар йиғини раиси Улуғбек Қўчқоров. – Ҳатто тўй ёки маъракаларда ҳам қатнаша олмасдик. Ахир биз асрлар давомида қўшни бўлиб яшаганмиз, борди-келдиларимиз мустаҳкам бўлган. Мана бу постнинг очилиши ҳам аҳоли учун катта имконият бўлди. Бу кунни барчамиз интиқлик билан кутганмиз. Барчамиз яқинларимиз билан дийдорлашдик. 
 
Бу ерда бир кунда 650 нафар фуқароларнинг ҳаракатланганини ўзи ҳам барча учун катта қулайлик бўлганидан далолатдир.
 
 

O‘zLiDePнинг Facebook’даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!

  • Кўрилди
    1161
  • Чоп этиш
  • Дўстлар билан улашиш
← Орқага қайтиш

Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг. ЭСЛАТМА! ЖЎНАТИШ ТУГМАСИНИ БОСГАНИНГИЗДАН СЎНГ БИЛДИРГАН ФИКРИНГИЗ ШУ ЗАҲОТИ КЎРИНИШИ УЧУН САҲИФАНИ ҚАЙТА ЯНГИЛАНГ (ОБНОВИТЬ).

+