Ўзбекистон жаҳон ҳамжамиятидан муносиб ўрин эгалламоқда

22.08.2019, 11:13

Тоир Салимов
Тоир Салимов

Олий Мажлис Қонунчилик палатасидаги O‘zLiDeP фракциясининг ижрочи котиби

Мамлакатимиз тарихида ўчмас саҳифа очган буюк истиқлол туфайли Ўзбекистон ўтган давр мобайнида жаҳон ҳамжамиятидан муносиб ўрин эгаллаб, барча соҳаларда дадил илгарилаб бормоқда.

Бугунги кунда юртимизда тинчлик ва барқарорликни мустаҳкамлаш, инсон ҳуқуқлари, эркинликлари ва манфаатларини таъминлаш, Ватанимизни ҳар томонлама тараққий эттириш, унинг халқаро майдондаги обрў-эътиборини юксалтириш борасида кенг кўламли ислоҳотлар амалга оширилмоқда.

Аҳолининг ҳаёт даражаси ва сифатини яхшилаш, тадбиркорлик ва хусусий мулк ривожига кенг имконият очиб бериш, ёшлар, хотин-қизлар, кекса авлод вакиллари, ижтимоий ҳимояга муҳтож инсонларга доимий эътибор ва ғамхўрлик кўрсатиш каби эзгу амаллар Тадбиркорлар ва ишбилармонлар ҳаракати – Ўзбекистон Либерал-демократик партияси дастурида ўз аксини топган.

Бундай ижобий натижалар нафақат мамлакатимиз, балки халқаро жамоатчилик томонидан ҳам эътироф этилмоқда. Биргина мисол, куни кеча АҚШнинг Ўзбекистондаги Фавқулодда ва мухтор элчиси Дэниел Розенблюмнинг эътироф этишича, Ўзбекистон ўзининг ижтимоий-сиёсий ислоҳотлар дастурида, хусусан иқтисодий соҳада муҳим натижаларни қўлга киритди, оммавий ахборот воситалари эркинлиги, меҳнат ҳуқуқлари ва суд-ҳуқуқ соҳасида жиддий ютуқларга эришди. Пул-кредит сиёсати, солиқ сиёсати ва бизнесни тартибга солиш шулар жумласидандир.

Ҳар йили юртимизда мустақиллик куни ўзгача шодиёна билан нишонланади. Бу йил халқимиз учун энг улуғ, энг азиз айём, эркин, обод ва фаровон ҳаёт қуриш йўлидаги барча ютуқ ва муваффақиятларимизнинг асосий манбаи бўлган Ватанимиз мустақиллигининг йигирма саккиз йиллиги “Жонажон Ўзбекистоним, мангу бўл омон!” шиори остида кенг нишонланмоқда.

Олий Мажлис Қонунчилик палатасидаги ЎзЛиДеП фракцияси аъзолари ҳам энг чекка ҳудудларга ташриф буюриб байрам олдидан жойларда мустақилликнинг халқимиз ҳаётида нечоғлик аҳамият касб этиши, ортда қолган йиллар давомида қўлга киритилган ютуқлар, олиб борилган ислоҳотлар сарҳисобига бағишланган туркум тадбирларда иштирок этмоқда.

Учрашувларда, юртимизда охирги йилларда сиёсий-ижтимоий, иқтисодий муносабатларнинг мазмун-моҳияти, жамиятимиз қиёфаси бутунлай ўзгаргани, бу ижобий ўзгаришлар юртдошларимиз ҳаётида ўз ифодасини топаётгани, халқимизнинг турмуш даражасини, онгу тафаккури, билим ва маданиятини ошириш бўйича қилинган ишларни конкрет далил ва мисоллар, чуқур илмий таҳлиллар орқали аҳолига етказилмоқда.

Тарғибот тадбирларида 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси, шунингдек, “Фаол инвестициялар ва ижтимоий ривожланиш йили” давлат дастури, “Обод қишлоқ”, “Обод маҳалла”, “Ҳар бир оила – тадбиркор”, “Ёшлар – келажагимиз”, “Беш ижобий ташаббус” каби муҳим дастур ва режалар доирасида олиб борилаётган туб ислоҳотларнинг маъно-мазмуни ва руҳи мужассам этилишига алоҳида эътибор қаратилмоқда.

Халқ билан бевосита учрашувлар давомида ушбу дастурлар доирасида эришилган улкан ютуқларимиз ва натижаларимиз билан бир қаторда аҳолининг мамлакатимизда бўлаётган ўзгаришларга бефарқ эмаслиги, кейинги йилларда яна нималарга эътибор қаратишимиз лозимлиги борасида ўз таклифлари ва фикрларини билдириб ўтишмоқда.

Хулоса ўрнида таъкидлаш керакки, бугун ҳар бир юртдошларимиз қалбида юртимизнинг улуғ байрамига ўзининг муносиб ҳиссасини қўшишга қаратилган эзгу ҳаракат бор десак тўғри бўлар эди ва бунга кундалик ҳаётимизда кўплаб гувоҳ бўлишимиз ва ишонч ҳосил қилишимиз мумкин. Чунки, бизнинг олдимизга қўйган мақсадларимиз аниқ, у ҳам бўлса юртимизда халқимиз учун порлоқ келажак яратиш, халқаро майдонда мавқеимизни янада мустаҳкамлашга қаратилган.


  • Кўрилди
    86
  • Чоп этиш
  • Дўстлар билан улашиш
← Орқага қайтиш

Билдирилган фикрлар

Уразгалиева Нургул Сайыновна2018-09-16 23:16:15

Президентимиз Шавкат Мирзиёев ташаббуси билан ишлаб чиқилган "Тараққиёт" Республика курик танлови мамлакатимиздаги ёш кадрларга кенг имкониятлар эшиги очилади ва рахбарлик қобилиятига эга ёшлар Узбекистонни янада ривожланишига аянмай мехнат ва хизмат килади мен хам қатнашиб курмоқчиман.


O`zLiDeP Сурхондарё вилоят Кенгаши бизнес тузилмалар ва фермерлар билан ишлаш булими мудири Т.Абдуллаев2018-06-07 14:23:59

Президентимиз Шавкат Мирзиёев ташаббуси билан ишлаб чиқилган “Истиқболли бошқарув кадрларини танлов асосида танлаб олишнинг замонавий тизимини яратиш чора-тадбирлари тўғрисида”ги қарорлари келажагимиз учун жуда катта ахамиятга эга қарор.


Сарвар Бекмуродов Депутатлик гуруҳлари билан ишлаш бўлим мудири2018-06-05 19:46:16

Президентимиз Шавкат Мирзиёев ташаббуси билан “Истиқболли бошқарув кадрларини танлов асосида танлаб олишнинг замонавий тизимини яратиш чора-тадбирлари тўғрисида”ги қарори бу ёшлар учун ўз имкониятларини кенграқ намоён этиш бўйича яна бир очиқ танловдир.


Ойтуганов Абдуҳамид Термиз шаҳар кенгаши аппарат раҳбари 2018-06-05 18:27:09

Мамлакатимиздаги энг яхши кадрларни раҳбарлик лавозимларига тайинланишига,бу эса ўз навбатида Ўзбекистонни янада ривожланишига хизмат қилади.


Элмуродов Фарход Бойманович-Кашкадарё вилоят Чироқчи туман кенгаши2018-06-05 17:42:10

Академия ҳузурида мамлакатимизнинг истиқболли ёш мутахассисларини қайта тайёрлайдиган ва малакасини оширадиган Ёшлар муаммоларини ўрганиш ва истиқболли кадрларни тайёрлаш институти ташкил этилганлиги айни мудао бўлди.


Сафаров Фаррух Қарши шаҳар2018-06-05 16:04:28

Президентимиз Шавкат Мирзиёев ташаббуси билан ишлаб чиқилган “Истиқболли бошқарув кадрларини танлов асосида танлаб олишнинг замонавий тизимини яратиш чора-тадбирлари тўғрисида”ги қарор жуда кўплаб иқтидорли ва раҳбарлик қобилиятига эга ёшлар учун имконият яратиб берди. Эндиликда кўплаб ташкилотлардаги раҳбарлар ёшлардан иборат бўлиши жуда яхши. Биз бу йўлда Президентимизни қўллаб-қувватлаймиз.


Хива туман Кенгаши ижрочи котиби Я.Хожаниязова2018-06-05 12:41:32

Муҳтарам, Президентимиз Шавкат Мирзиёев ташаббуси билан “Истиқболли бошқарув кадрларини танлов асосида танлаб олишнинг замонавий тизимини яратиш чора-тадбирлари тўғрисида”ги қарори орқали мамлакатимиздаги кўпгина иқтидорли ёшларга кенг имкониятлар эшиги очилади.


Рахмонов Шухрат Узун туман Кенгаши аппарат рахбари2018-06-05 11:11:06

Жамиятни модернизация қилиш ва замонавий жамиятни барпо этиш билан боғлиқ мураккаб вазифаларни ҳал этишга қодир бўлган кадрларнинг янги авлодини тайёрлаш масаласи келгусида ҳам партия фаолиятининг энг муҳим вазифасидир.


Д.Рахманова-УзЛиДеП Сурхондарё вилояти Кенгаши 2018-06-04 18:29:13

мамлакатни модернизация қилиш ва замонавий жамиятни барпо этиш билан боғлиқ мураккаб вазифаларни ҳал этишга қодир бўлган кадрларнинг янги авлодини тайёрлаш масаласи партия фаолиятининг энг муҳим йўналишидир.


Абдурахмонов Азамат Остонақулович Сурхондарё вилояти Ташкилий-партиявий ишлар бўлими мудири2018-06-04 16:10:36

“Истиқболли бошқарув кадрларини танлов асосида танлаб олишнинг замонавий тизимини яратиш чора-тадбирлари тўғрисида”ги қарори ёш кадрларни ўқитиш ва уларни тизимли равишда жой-жойига йўналтиришга асос бўлиб хазмат қилади.


Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+