Президентимиз “Бек кластер” илмий-амалий маркази фаолиятини такомиллаштириш юзасидан тавсиялар берди

14.04.2018, 09:37

Президентимиз “Бек кластер” илмий-амалий маркази фаолиятини такомиллаштириш юзасидан тавсиялар берди

Президентимиз Шавкат Мирзиёев жойларда амалга оширилаётган бунёдкорлик ва ободонлаштириш ишлари, ижтимоий-иқтисодий ислоҳотларнинг бориши, йирик лойиҳалар билан яқиндан танишиш, халқ билан мулоқот қилиш мақсадида 13 апрель куни Сирдарё вилоятида бўлди.  Давлатимиз раҳбарининг вилоятимизга ташрифи давомида халқ билан ўтказган учрашувлари, янги лойиҳалар тақдимотлари чоғида билдирган фикрлари, ҳудудни янада ривожлантириш бўйича берган тавсиялари одамлар қалбида дахлдорлик туйғусини кучайтириб, эртанги кунга ишончини янада мустаҳкамлади. Чунки Юртбошимизнинг Сирдарёга ташрифи чоғида ҳеч бир масала эътибордан четда қолмади.

Давлатимиз раҳбари 2017 йилда вилоятимизга ташрифи чоғида “Бек кластер” корхонасини ташкил этиш лойиҳаси билан танишган эди. Ушбу лойиҳа маъқулланиб, юртбошимизнинг тегишли қарори қабул қилинган эди. Қисқа вақт ичида 18 минг гектар майдонда корхона ташкил этилди. Ушбу ерда пахта, ғалла ва бошқа донли экинлар парваришланмоқда. 

Юртбошимиз бу галги ташрифи  давомида мазкур топшириқлар ижроси билан таниш мақсадида корхонамизга ташриф буюриб, иссиқхона конструкциялари ишлаб чиқаришни маҳаллийлаштириш, мева-сабзавотчилик бўйича мутахассис тайёрлаш, кластер қошида ташкил этиладиган илмий-амалий марказ фаолиятини такомиллаштириш юзасидан кўрсатмалар берди.  Шунингдек, қишлоқ хўжалиги маҳсулотларини илмий асосда етиштириш ва сақлаш, харидор топиш зарурлигини таъкидлади. 

Президентимиз қишлоқ хўжалигига илмий ёндашмай қўйганимиз сабабли, айрим экинлардан кутилган ҳосил ололмаётганлигимизни эътироф этди ва бу камчиликларни ўз вақтида бартараф этиш мақсадида корхонамиз қошида иш бошлайдиган илмий-амалий марказ фаолиятини тўлиқ қўллаб-қувватлади. Очиғи давлат раҳбарининг корхонамизга келиб, биз билан яқиндан мулоқот қилгани, фаолиятимизни ривожлантириш бўйича тавсиялар бергани, айниқса, бизга билдирётган катта ишонч зиммамиздаги масъулиятни икки карра оширди. Энди белни маҳкам боғлаб, белгиланган вазифалар ижросини бажаришга бор куч иқтидоримизни сарфлашимиз керак.   

Улуғбек СОТИБОЛДИЕВ,

O‘zLiDeP Сирдарё вилоят Кенгаши раиси,

“Бек кластер” МЧЖ директори

O‘zLiDePнинг Facebook ва Instagramдаги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!

  • Кўрилди
    622
  • Чоп этиш
  • Дўстлар билан улашиш
← Рўйҳатга ўтиш

Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг. ЭСЛАТМА! ЖЎНАТИШ ТУГМАСИНИ БОСГАНИНГИЗДАН СЎНГ БИЛДИРГАН ФИКРИНГИЗ ШУ ЗАҲОТИ КЎРИНИШИ УЧУН САҲИФАНИ ҚАЙТА ЯНГИЛАНГ (ОБНОВИТЬ).

+