Бугун матбуотда Президентимизнинг “Фермер, деҳқон хўжаликлари ва томорқа ер эгалари фаолиятини такомиллаштириш бўйича қўшимча чора-тадбирлар тўғрисида”ги қарорини ўқиб, беихтиёр шу сўзларни айтиб юбордим.

 Боиси, қарорда 2018 йилнинг 1 июлидан эътиборан деҳқон хўжалиги ва 4 сотихдан кам бўлмаган томорқа ерида банд бўлган ёки ушбу участкада қорамол ёхуд 50 бошдан кам бўлмаган парранда парваришлаётган жисмоний шахслар томонидан Ўзбекистон Республикаси Молия вазирлиги ҳузуридаги Бюджетдан ташқари пенсия жамғармасига йилига энг кам ойлик иш ҳақининг бир баробари миқдорида суғурта бадали тўланган йил меҳнат стажига киритилиши белгиланди. Айтиш керакки мазкур норма пенсия ғамини еб юрган уй бекалари ва ўз томорқасида меҳнат қилаётган юртдошларимиз учун Президентимиз томонидан ажойиб туҳфа бўлди,  десак сира янглишмаймиз. Ҳақиқатан ҳам бунақа имконият ва имтиёзлар жаҳоннинг бошқа мамлакатларида ҳам камдан-кам кузатилади, десак адашмаймиз.

Биламиз-ки O‘zLiDeP томонидан ҳудудларда  “Томорқа — қўшимча даромад манбаи” шиори остида ташвиқот-тарғибот ишлари ҳамда “O‘zLiDeP бошланғич ташкилотлари ўз томорқасида фаолият бошлаганларга кўмакдош”  лойиҳаси орқали аҳоли орасига янада чуқурроқ киришга интилаяпти. Мақсад томорқа хўжаликларига ўзини тўла тиклаб олишига, хонадонларнинг моддий фаровонлигини, шунингдек, маънавий ва ҳуқуқий саводхонлигини оширишга ёрдамлашишдан иборатдир. Лойиҳа доирасида аҳоли билан учрашганда мазкур қарорнинг шу жиҳатини уларга алоҳида тушунтиришимиз зарур. Зеро, бу саъй-ҳаракатимиз одамларнинг томорқадан унумли фодаланишга бўлган иштиёқини янада ортишига хизмат қилади, албатта.

Рустам ҲАКИМОВ,

O‘zLiDeP Наманган вилоят Кенгаши

Мафкуравий тарғибот-ташвиқот

Корхонамиз мева-сабзавот, полиз маҳсулотлари ва резаворлар етиштириш, уларни сақлаш ҳамда чуқур қайта ишлаш, буюртмачиларга кафолатли равишда етказиб бериш билан шуғулланади.

Кўриниб турганидек, фаолиятимиз бевосита қишлоқ хўжалиги соҳаси билан чамбарчас боғлиқ. Арзон, сифатли, сара мева-савзавотларга доимий эҳтиёжимиз бор. Шу маънода Президентимизнинг “Фермер, деҳқон хўжаликлари ва томорқа ер эгалари фаолиятини такомиллаштириш бўйича қўшимча чора-тадбирлар тўғрисида”ги қарори фаолиятимизни янада кенгайтиришга қаратилган муҳим қарор бўлганлигини алоҳида таъкидламоқчиман.

Қарорга биноан ишлаб чиқарилган маҳсулотлар ва қишлоқ хўжалиги экинларини ички ва ташқи бозорларда сотиш, шу жумладан, уларни тайёрлаш, сақлаш, қайта ишлаш ва экспорт қилиш бўйича аниқ вазифалар белгилаб берилди. Бу эса мен каби тадбиркорларнинг нафақат ички, балки ташқи бозордаги фаолиятини янада кенгайтириш учун жуда яхши имкониятдир.

Италиялик ўсимликшунос олимлар билан иқлим шароитимизга мос  гилос ва бошқа данакли мевалар (ўрик, шафтоли ва олхўри) навларини яратиш бўйича ҳамкорликни йўлга қўйганмиз, Улар билан биргаликда ўзимизда етиштириладиган гилоснинг ҳажмини бироз катталаштириш ва энг асосийси унинг маълум муддатга сақлаш учун зичлигини оширишга ҳам муваффақ бўлдик. Шу асосда Наманган вилоятининг Тўрақўрғон туманида 500 гектар ерга ана шундай ҳосил берувчи гилос кўчатларини экдик. Негаки, экспортнинг ўзига хос тартиблари бор. Маҳсулот вақтида йиғиб олиниши, яхши сақланиши, қадоқланиши ва харидорга сифатли етказилиши керак. Очиғини айтиш керак, мамлакатимизда етиштирилаётган аксарият мева-сабзавотлар хорижлик ҳамкорларга етиб боргунча бироз сифати бузилаяпти.

Эндиликда биз мазкур фаолиятимизни кенгайтириш бўйича “Томорқа хизмати” МЧЖга бемалол мурожаат қилишимиз, зарур маслаҳат ва кўрсатмалар олишимиз мумкин. Бу ҳам айни шу йўналишда фаолият юритаётган тадбиркорлар учун жуда катта имкониятдир.

Муроджон ВАЛИЕВ,

“Gold Dried Fruits” масъулияти

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!