Президентимиз ташрифи наманганликлар кучига куч, ғайратига ғайрат қўшди

04.05.2018, 12:04

Президентимиз ташрифи наманганликлар кучига куч, ғайратига ғайрат қўшди

Наманган вилояти мамлакатимизнинг иқтисодий салоҳияти юқори, бой тарих ва маданиятга эга ҳудудларидан бири ҳисобланади. Республикамизда барча соҳаларда амалга оширилаётган кенг кўламли ислоҳотлар вилоят ижтимоий-иқтисодий ҳаёти, шаҳар ва қишлоқларининг кун сайин ўзгариб, обод бўлиб бораётгани, аҳоли турмуш фаровонлиги юксалаётганида ҳам ўз аксини топмоқда.Бу ҳақда юртбошимиз куни-кеча вилоятга ташрифлари чоғида ҳам алоҳида таъкидлаб ўтдилар. 

Бундан салкам бир йил аввал Президентимиз вилоятимизга бўлганларида вилоятда бунёдкорлик ишларини амалга ошириш, янги корхоналар, саноат ва тадбиркорлик субъектлари ташкил этиш, янги иш ўринлари яратиш бўйича зарур кўрсатмалар берган эдилар. Ўтган давр мобайнида мазкур топшириқлар изчил амалга оширилиши натижасида вилоятимиз иқтисодий салоҳияти янада юксалиб, маҳсулот ишлаб чиқариш ва экспорт ҳажми ошди.

Шу боис давлатимиз раҳбари бу галги ташрифи давомида мазкур топшириқлар ижроси билан танишиб, янги саноат корхоналари ва тадбиркорлик субъектлари ташкил этиш, аҳоли, айниқса, ёшлар бандлигини таъминлаш бўйича таклиф ва тавсиялар, кўрсатмалар берди.

Президентимиз дастлаб Чуст туманидаги “Барака мевасаноат сервис” масъулияти чекланган жамияти фаолияти билан танишди.

Мазкур масъулияти чекланган жамияти 2015 йилда фаолиятини ёнғоқ, майиз ва ковул экспортидан бошлаган. Жамият тасарруфидаги экин майдонларида ғалла, кунгабоқар, ловия, картошка, маккажўхори, иссиқхонада помидор парваришланмоқда. 17 сотихли участкада қишлоқ хўжалиги маҳсулотлари тажрибадан ўтказиляпти.

Шу ернинг ўзида давлатимиз раҳбарига 2018-2019 йилларда балиқчилик, паррандачилик, чорвачилик, пиллачиликни йўлга қўйиш, томорқачиликни янада ривожлантириш, иссиқхонада лимон етиштириш, тутзорлар ташкил этиш, оғир ҳудудлардаги майдонларнинг сув таъминотини яхшилаш, пахтадан бўшаган ерларга турли экинлар экиш ва экспортбоп маҳсулотлар етиштириш, вилоят экспорт салоҳиятини янада ошириш бўйича лойиҳалар тақдим этилди. Давлатимиз раҳбари лойиҳани мақуллаб ёнғоқзорларни кўпайтириш, балиқчилик бўйича мутахассислар тайёрлаш, картошка уруғчилигини ривожлантириш бўйича мутасаддиларга топшириқлар берди.

Шунингдек, Президентимиз Наманган шаҳридаги “Орзу” кичик саноат зонасида амалга оширилаётган лойиҳалар билан танишди. Салкам ўн гектарни ташкил этадиган мазкур саноат зонасида енгил саноат, озиқ-овқат, тиббий техника, полиграфия, полиэтилен пакетлар ва плёнкалар, энергия тежайдиган лампалар ишлаб чиқаришга оид умумий қиймати 142 миллиард сўмдан зиёд 22 лойиҳани амалга ошириш мўлжалланган. Лойиҳалар ҳаётга тўлиқ татбиқ этилгач, йилига 82,2 миллиард сўмлик маҳсулот ишлаб чиқарилади, 4 мингга яқин кишининг бандлиги таъминланади. Эътиборлиси, ишлаб чиқарилаётган маҳсулотларнинг асосий қисми экспортга йўналтирилади. 

Ташриф чоғида давлатимиз раҳбари тадбиркорларнинг муаммоларини ҳал этиш, хом ашё етказиб бериш ва маҳсулотини сотишга кўмаклашиш бўйича мутасаддиларга топшириқлар берди. Хорижий технологияларни олиб келиш учун маблағ ажратиш, экспортни кенгайтириш учун корхоналарга халқаро мақом бериш зарурлигини таъкидлади. 

Бир сўз билан айтганда, Юртбошимизнинг ташрифи давомида ҳеч бир соҳа ёки йўналиш эътибордан четда қолмади. Минглаб хайрли амалларга, эзгу ғоя ва ташаббусларга кенг ўрин берган икки кунлик ташриф давомида белгиланган вазифа ва топшириқлар биз депутатлар зиммасига ҳам катта масъулият юклайди. Демак, энди белгиланган топшириқлар ижросини таъминлаш учун белни маҳкам боғлаб, юртимиз ривожи учун жиддий ишга киришиш лозим.

 Бахтиёр ЖЎРАЕВ,

Халқ депутатлари Наманган вилоят Кенгашидаги

O‘zLiDeP  депутатлик гуруҳи аъзоси

O‘zLiDePнинг Facebook ва Instagramдаги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!

  • Кўрилди
    1708
  • Чоп этиш
  • Дўстлар билан улашиш
← Рўйҳатга ўтиш

Билдирилган фикрлар

Танирбергенов Байрамбай Аскербаевич O’zLiDeP Қорақалпоғистон Республикаси Кенгаши Бошланғич партия ташкилотлари билан ишлаш гуруҳи раҳбари2018-05-15 12:18:25

9 май Хотира ва қадрлаш куни юртимизда кенг миқёсида белгиланмоқда. Президентимиз ташаббуси билан байрам тадбирини мана шундай кўринишда нишонлаш бўйича берган таклифи халқимизга жуда маъқул бўлмоқда.


Жиззах вилояти Давр -М корхонаси БПТ раиси Азимов Бутинбой 2018-05-08 17:23:59

Президентимизнинг тадбиркорларга берган имкониятлари Наманган ҳалқини янада руҳлантирди.


Турдиев Юсуп Ғузор туман кенгаши O`zLiDeP депутатлик гуруҳининг ижрочи котиби2018-05-08 16:25:35

Юртбошимиз барча вилоятга ташрифи давомида ҳеч бир соҳа ёки йўналиш эътибордан четда қолмаяпди. Тадбиркорлар бой булса халкни бокади, Президентимиз вилоятларга қилган ташрифлари давомида тадбиркорларнинг муаммоларини ҳал этиш, хом ашё етказиб бериш ва маҳсулотини сотишга кўмаклашишда масулларга керакли кутсатма ва тавсиялани бермокда.


O`zLiDeP Қизилтепа туман депутатлик гуруҳи раҳбари Ў.Сайфиев2018-05-08 16:06:42

Ш.Мирзиёевнинг ҳар бир вилоятга ташрифи чоғида янги саноат корхоналари ва тадбиркорлик субъектлари ташкил этиш, аҳоли, айниқса, ёшлар бандлигини таъминлаш бўйича таклиф ва тавсиялар, кўрсатмалар бериб, уларни амалга ошириш юзасидан бажарилган ишлар мониторингини юритиш орқали кучли назорат ўтказиб, юртимиз равнақи учун жон куйдирмоқдалар. Ҳар бир вилоятга ташриф чоғида давлатимиз раҳбари тадбиркорларнинг муаммоларини ҳал этиш, хом ашё етказиб бериш ва маҳсулотини сотишга кўмаклашиш бўйича ҳам ўз ёрдам ва маслаҳатларини аямайдилар. Шундай экан мен каби депутатлар ҳам ватан равнақи йўлида янада шижоатли ишлашга ва халқимиз ишончини оқлашга ҳаракат қиламиз.


O`zLiDeP депутатлик гурухи депутати ва "Кубаро Диёр" кўп тармоқли фнрмер хўжалиги раиси Х.Рахмонов2018-05-08 16:02:26

Юртбошимиз томонларидан ҳар бир ҳудудга шахсан ўзлари боришлари ва ҳар бир тадбиркор бўладими ёки фермер билан учрашишлари ва улрнинг фаолияти ҳамда муаммоларини жойида ҳал этишлари улкан эътибордир.


Қўшработ тумани ижрочи котиби Бойпўлатов Шухратжон2018-05-08 15:37:34

Президентимиз Қарори билан вилоят ва туманларда ишлаб чиқариш учун янги техналогияларни чет эл мамлакатлари билан шартнома имзолаш ва Ўзбекистонда хам сифатли махсулот ишлаб чиқарилишини таъминлаш ва Ҳалқ манфатини кўзлаб тадбиркорларга кенг имкониятлар яратилмоқда ўтган икки йил давомида жуда катта ўзгаришлар бўлиб ҳалқимиз бу ўзгаришлардан минаддор.


O'zLiDeP Боғот туман Кенгаши депутати Г.Рахимова2018-05-08 15:34:37

Президентимиз томонидан олиб борилаётган ишлардан миннатдормиз.


Гўзал Ҳайитова-Навбаҳор тумани "Агробанк" БПТ раиси2018-05-08 14:45:46

Юртбошимиз томонидан яратиб берилаётган имкониятлардан унумли фойдаланишимиз керак.


С.Рахимова-Навбаҳор туман Кенгаши раиси2018-05-08 14:13:07

Ўзим қишлоқ хўжалигида бир неча йиллар фаолият олиб борганлигим сабабли шуни айтаманки, яратиб берилаётган шароитлар ҳар бир тадбиркор ва фермерни руҳлантириб, юқори натижаларга эришишига ўз ҳиссасини қўшади.


АТБ "Агорбангк" Қўшработ филиали қошидаги БПТ раиси В. Савурова2018-05-08 13:49:12

Президентимиз вилоятларга ташрифлари давомида ички ва ташқи туризимни ривожлантиршка катта этибор қаратмоқда. Хозирда Самарқанд шахридаги мехмонхоналар, зиёратгохлар ва диққатга сазавор жойлар сайохлар билан тўлиб тошмоқда бу еса Республикамиз ялпи ички махсулотидаги туризим улушининг ўсиб боришига асос бўлмоқда.


Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+