Қарор ижросини таъминлаш фақат давлат идоларининг иши эмас...

23.05.2018, 10:15

Қарор ижросини таъминлаш фақат давлат идоларининг иши эмас...

Статистик маълумотларга қараганда, дунё бўйича бир йилда  6 миллиард килограммга яқин чиқинди ташланади. Эътиборлиси, унинг фақат  30 фоизигина қайта ишланади. Қолгани аста-секин она сайёрамизга ёйилиб бормоқда.

Шундай бўлиши табиий. Чунки йилдан-йилга ер юзида аҳоли сони кўпайиб бормоқда. Табиийки уларнинг эҳтиёжини қондириш учун миллионлаб турдаги товарлар ишлаб чиқарилаяпти. Бу эса чиқиндиларни қайта ишлаш ва уларнинг утилизацияси масаласини энг катта экологик муаммолардан бирига айлантираяпти.

Шундан келиб чиққан ҳолда мамлакатимизда маиший чиқиндилар билан боғлиқ ишларни амалга ошириш тизимини янада ривожлантириш, аҳолининг сифатли санитария жиҳатидан тозалаш хизматлари билан таъминланганлиги даражасини ошириш, шунингдек, экологик муаммоларни ҳал этишдаги мавжуд имкониятларни ишга солиш мақсадида “Маиший чиқиндилар билан боғлиқ ишларни амалга ошириш тизимини янада такомиллаштириш чора-тадбирлари тўғрисида”ги Президент қарори қабул қилинди.

Таъкидлаш жоизки, қарорда соҳани тубдан такомиллаштиришга қаратилган долзарб масалалар ўрин олган. Аҳамиятли жиҳати 2018 йил 1 августдан маиший чиқиндиларни тўплаш ва олиб чиқиш фаолиятини амалга ошириш учун ҳудудлар тадбиркорлик субъектларига давлат-хусусий шериклик асосида бириктириб берилади. Ҳудудларни тадбиркорлик субъектларига бириктириб бериш электрон аукцион йўли билан “E-IJRO AUKSION” ягона электрон савдо майдончаси орқали амалга оширилади, жисмоний шахсларга маиший чиқиндиларни тўплаш ва олиб чиқиш хизматлари оммавий шартномалар асосида кўрсатилади.

Қарорнинг яна бир муҳим жиҳати, унда чиқиндиларни қайта ишлаш масаласига устувор аҳамият қаратилганидадир. Бу жуда тўғри ва долзарб масала. Боиси, чиқиндини қайта ишлаш металлни қазиб олиш ёхуд қоғоз тайёрлашдан кўра анчагина арзонга тушиши амалиётда исботланган. Қолаверса, бунинг натижасида атроф-муҳит тозаланиши, инсон саломатлиги яхшиланиши, табиий ресурслар тежалиши, сайёранинг “ўпка”си бўлмиш ўрмонлар кесилишига оз бўлсада, ҳисса қўшилган бўлади.

Қарор билан мамлакатимизда чиқинди муаммосини бартараф этиш учун, биринчи навбатда, тадбиркорларимиз эътибори мана шу соҳага қаратилаётгани жуда катта амалий қадам бўлди, дейиш мумкин. Тўғри чиқинди муаммоси бир қараганда жуда майда ва кўзга унча ташланмайдиган муаммодек бўлиб туюлиши мумкин. Лекин, бу борада тегишли чора-тадбирлар ўз вақтида амалга оширилмаса, муаммо глобал тус олиши турган гап. Шу боис қарорда чиқиндини қайта ишлайдиган корхоналар сонини кўпайтириш билан бирга, ривожланган мамлакатлардаги каби уни саралаш бўйича аҳоли ўртасида тушунтириш-тарғибот ишларини олиб боришга эътибор қаратилаяпти.

Бундан ташқари, соҳага инновацион технологияларни жорий этиш назарда тутилаяпти. Хусусан, 2018 йил 1 сентябрига қадар аҳолига атроф-муҳит ҳолати устидан жамоатчилик назоратини амалга ошириш имконини берувчи, мазкур соҳадаги ҳуқуқбузарликлар тўғрисидаги фото ва видео материалларни жойлаштириш имкониятига эга бўлган махсус веб-портални яратиш ҳамда ҳар бир хабар берилган ҳолат бўйича тезкор чоралар кўриш тизими жорий қилинади. Шунингдек, қарор билан ҳудудларни ифлослантирганлик учун шахсларни жавобгарликка тортишнинг таъсирчан механизмларини ишлаб чиқилади, чиқиндилар билан боғлиқ ишларни амалга ошириш соҳасида фуқаролар ва мансабдор шахсларнинг жавобгарлиги кучайтирилади.

Хўш, бу борада чет эл тажрибаси қандай? Мисол учун Германияда кўчага ўрнатилган видеокамера орқали махсус қутига ташланмаган ахлат учун 100 еврогача жарима белгиланган. Швецияда ерга ташланган қоғоз эгасига 90 евро, Сингапурда эса ана шундай эътиборсизлик 300 дан 1000 долларга жарима қўлланилишига сабаб бўлади.

Бир сўз билан айтганда, янги қарор ижросини таъминлаш фақат давлат идораларининг иши эмас. Она табиатни асраш, уни кераксиз чиқиндилардан тозалар ҳар биримизнинг инсоний бурчимиздир. Зеро, тоза ҳаводан нафас олишимиз, ям-яшил кенгликларда хордиқ чиқаришимиз, ҳеч қандай кимёвий моддалар аралашмаган меваларни истеъмол қилишимиз ва бошқа шу каби масалалар табиатга қандай муносабатда бўлишимизга бевосита боғлиқ. Шу боис экологик маданиятга риоя қилиш, айниқса ўсиб келаётган ёш авлодни табиатга, унинг неъматлари, ўсимлигу ҳайвонларга, қушларга нисбатан меҳр-муҳаббат руҳида тарбиялаш борасида бефарқ бўлмайлик.  

 Раҳматулло Камолов

O‘zLiDeP Фарғона вилоят

Кенгаши раиси

O‘zLiDePнинг Facebook ва Instagramдаги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!

  • Кўрилди
    353
  • Чоп этиш
  • Дўстлар билан улашиш
← Рўйҳатга ўтиш

Билдирилган фикрлар

Шухрат Рахмонов Узун туман Кенгаши аппарат рахбари2018-06-04 12:10:18

Президентимизнинг “Маиший чиқиндилар билан боғлиқ ишларни амалга ошириш тизимини янада такомиллаштириш чора-тадбирлари тўғрисида”ги қарори бу она табиатимизни асрашга хизмат қилади.


O’zLiDeP Ўзбекистон туман Кенгаши депутатлик гуруҳининг ижрочи котиби Н.Турсунова2018-05-30 11:19:39

Табиатимизни тоза асраш Мамлакатимиздаги барча фуқароларнинг бурчи хисобланади. Фарғона вилояти Кенгашимиз раиси томонидан ёндошган ушбу масала жуда ўринлидир. Президентимизнинг тушбу қарорлари Ўзбекистон тадбиркорлари учун яна бир қулайликлар ва имкониятлар эшикларини очади.


А.Рахмонов- O`zLiDeP Ўзбекистон туман Кенгаши аппарат рахбари2018-05-30 10:15:52

Хозирги кун учун жуда хам мухим мавзу кўтарилган. Она табиатни авайлаб асраш ва уни мухофаза қилиш хар бир ИНСОНнинг бурчидир.


А.Рахмонов- O`zLiDeP Ўзбекистон туман Кенгаши аппарат рахбари2018-05-30 10:15:52

Хозирги кун учун жуда хам мухим мавзу кўтарилган. Она табиатни авайлаб асраш ва уни мухофаза қилиш хар бир ИНСОНнинг бурчидир.


Рахманқулов Шерзод2018-05-30 09:52:05

Ватанимизда истиқомат қилаётган ҳар бир фуқаронинг бурчи БУ МАСЪУЛЛИК ХИССИ. Кенгашимиз раиси томонидан ёндошган ушбу масала жуда ўринлидир. “Маиший чиқиндилар билан боғлиқ ишларни амалга ошириш тизимини янада такомиллаштириш чора-тадбирлари тўғрисида”ги қарор ижроси юзасидан қайта ишлаш жараёнлари учун тадбиркорлик субъектларимизга кенг имкониятлар яратилиши бугунги куннинг талабидир. Уларни саралашда ва қайта ишлаш учун ҳар бир инсон ўз ҳиссасини қўшиши ва Она табиатимизни асраш келажак авлод учун нақадар муҳим эканини ҳис этишимиз даркор.


Юнус Салимов O'zLiDeP Косон туман Кенгаши ижрочи котиби2018-05-29 16:10:15

Маиший чиқиндилар экология ва атроф-муҳит муҳофазасига жиддий зиён етказмоқда. Йилдан-йилга миллион тонналаб чиқинди флора ва фаунамизга зарар етказиб, турли хилдаги касалликлар кўпайишига олиб келмоқда. Президентимизнинг мазкур қарорлари маиший чиқиндилар билан боғлиқ тўпланиб қолган муаммоларни ижобий ҳал қилишига муҳим дастуруламал бўлиб хизмат қилади. Соҳани диверсификация қилиш иқтисодий тармоқ интеграциясига ҳам туртки бўлди.


Маҳкамов Абдубанноб2018-05-29 15:46:45

Бир сўз билан айтганда, ҳам масъулиятни ҳам мажбуриятни ўзимиз ўзимизга олиб фидокорона бажарсак, нур устига аъло нур бўлади.


Элёржон2018-05-29 15:00:11

Толипов Элёржон Риштон туман БПТ Биз ҳар бир қарор ижроси учун масъулмиз. айниқса Р.Камолов эътибор қаратган мавзу бугунги кунимиз учун жуда долзарб масаладир. "Эътиборлиси, унинг фақат 30 фоизигина қайта ишланади. Қолгани аста-секин она сайёрамизга ёйилиб бормоқда." Ана шу маълумотни ўзида инсониятни зийракликка ва масъулиятга ундовчи хақиқат бор. Президентимизнинг “Маиший чиқиндилар билан боғлиқ ишларни амалга ошириш тизимини янада такомиллаштириш чора-тадбирлари тўғрисида”ги қарори она сайёрамизнинг софлиги, ахоли саломатлиги ва ободлик учун хизмат қилиши шубхасиз. Мазкур қарор ижроси учун эса барчамиз ким бўлишимиздан қатъий назар масъулмиз!


Шоҳиста2018-05-29 14:51:34

O‘zLiDeP Фарғона вилоят Кенгаши матбуот котиби Ш. Толипова Кўп холларда халқнинг - бутун бир мамлакатнинг тақдири ва фаровон ҳаётини кўзлаб чиқарилган қарорлар ижорсини таъминлаш кўпчилик наздида фақат мутасаддиларнинг зиммасида. Лекин шу ўлкада яшаётган ҳар бир фуқаро билиш керак бўлган яна бир томони борки БУ МАСЪУЛЛИК ХИССИ. O‘zLiDeP Фарғона вилоят Кенгаши раиси Раҳматулло Камолов кенг ва атрофлича ёндошган ушбу масала ўта муҳимдир. “Маиший чиқиндилар билан боғлиқ ишларни амалга ошириш тизимини янада такомиллаштириш чора-тадбирлари тўғрисида”ги қарор нафақат бугунги кунимизнинг ободлиги, атроф-мухит учун балки келажак учун ҳам катта хизмат қилади. Р. Камолов аъкидлаганидек "экологик маданиятга риоя қилиш, айниқса ўсиб келаётган ёш авлодни табиатга, унинг неъматлари, ўсимлигу ҳайвонларга, қушларга нисбатан меҳр-муҳаббат руҳида тарбиялаш борасида бефарқ бўлмайлик. "


Дехконов Аброржон Анварович Учкуприк туман Кенгаши БПТ раиси2018-05-28 13:10:01

Она табиатимизни асраш бизнинг асосий вазифаларимиздан бири. Чунки келажак фарзандларимизники, фарзандлар эса бизники. Ёшларимизга бу туғрисида тушунтириш ишлари олиб бориш бизнинг зиммамизда эканлигини унутмайлик.


Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг. ЭСЛАТМА! ЖЎНАТИШ ТУГМАСИНИ БОСГАНИНГИЗДАН СЎНГ БИЛДИРГАН ФИКРИНГИЗ ШУ ЗАҲОТИ КЎРИНИШИ УЧУН САҲИФАНИ ҚАЙТА ЯНГИЛАНГ (ОБНОВИТЬ).

+