Нотариат тизимидаги мавжуд тўсиқ ва ғовлар тизимли бартараф этилади

29.05.2018, 16:14

Нотариат тизимидаги мавжуд тўсиқ ва ғовлар тизимли бартараф этилади

Сир эмас нотариат институти жисмоний ва юридик шахсларнинг конституциявий ҳуқуқлари бўйича малакали юридик ёрдам олиш, ҳуқуқ ва қонуний манфаатларини ҳимоя қилиш, ҳуқуқий низоларнинг олдини олиш, шунингдек, ҳуқуқий муносабатларни ишончли ва тинч йўл билан ҳал этилишини таъминловчи муҳим институт ҳисобланади. Бу Нотариал идораларнинг ўзига хос бўлган, бошқа ҳуқуқни муҳофаза қи­лувчи идоралардан фарқ қилувчи жи­ҳат­ларидан биридир.

Умуман олганда ушбу институт бевосита аҳоли билан ишлайдиган тузилма. Зеро барчамиз шарт­нома ва битимлар тузишда, олди-сотди ишларини амалга оширишда, мерос ва бошқа шунга ўхшаш ҳужжатларни расмийлаштириш жараёнида албатта нотариал идораларга мурожаат қиламиз. Шундай экан ушбу институт ишлаш тизими халққа яқин ва замон билан ҳамнафас бўлиши лозим.

Шу маънода давлатимиз раҳбарининг шу йил 25 май куни қабул қилинган “Низоларнинг олдини олишга қаратилган институт сифатида нотариат тизимини янада такомиллаштириш чора-тадбирлари тўғрисида”ги қарори соҳани янада такомиллаштириш, уни замон талабига мослаштиришга қаратилган десак, муболаға бўлмайди.

Аввало мазкур қарор Ҳаракатлар стратегиясига мувофиқ ҳамда жисмоний ва юридик шахсларнинг ҳуқуқ ва қонуний манфаатларини ҳимоя қилишда нотариат институтининг роли ва аҳамиятини ошириш, шунингдек, аҳолига кўрсатилаётган нотариал хизматларнинг сифатини яхшилаш, ортиқча сансалорликни бартараф этиш мақсадида қабул қилинганини таъкидлаш жоиз.

Қарор билан киритилаётган муҳим воқеликлардан бири 2019 йилнинг 1 январидан бошлаб ижара шартномаларини давлат солиқ хизмати органларида мажбурий ҳисобга қўйиш тартибини ўрнатиш орқали кўчмас мулкни ижарага бериш ва текин фойдаланиш шартномаларини мажбурий нотариал тасдиқлаш бўйича талаб бекор қилинаётгандир. Белгиланган муддатдан бошлаб, кўчмас мулк билан боғлиқ битимларни нотариал тасдиқлаш фақат “Давлат белгиси” давлат ишлаб чиқариш бирлашмаси томонидан тайёрланадиган, ҳимоя даражасига, серияга, тартиб рақамига ва ҳудудий кодга эга бўлган қатъий ҳисобот бериладиган гербли (махсус) бланкаларда амалга оширилади.

Қарор билан киритилган янгиликлардан яна бири нотариал ҳаракатларни амалга ошириш учун мурожаат қилган шахсларнинг шахсини аниқлаш бармоқ изларини сканер қилиш ва уларни паспортдаги биометрик маълумотлар билан солиштириш орқали, қолаверса, мурожаат этувчиларнинг нотариал ҳаракатлар бажарганлигини тасдиқлаш нотариал тасдиқланаётган ҳужжатларга улар томонидан имзо қўйиш ва махсус мосламаларда уларнинг бармоқ изларини сканер қилиш йўли билан амалга оширилади. 

Қарорда Ўзбекистон Республикаси Марказий банки тижорат банклари билан биргаликда бир ой муддатда барча нотариал идораларни уларда белгиланган иш вақтига мувофиқ фаолият кўрсатувчи махсус кассалар, шунингдек, махсус кассаларни банк пластик карточкаларидан тўловни қабул қилиш бўйича ҳисоб терминаллари билан таъминлаш чораларини кўриш қатъий белгиланди. Бу эса илгари мавжуд бўлган муаммоларни тизимли бартараф этиб, тадбиркорлик субъектлари ва халқимизга қўшимча қулайлик яратади.

Ўз навбатида нотариат институтига қаратилаётган эътибор жисмоний ва юридик шахслар ўртасида тузиладиган ҳар қандай битим ва шартноманинг қонуний асосларга эга бўлишига, юридик жиҳатдан мустаҳкамланишига, шунингдек, мамлакатимизда инсон ҳуқуқ ва манфаатлари муҳофазасини янада кучайтиришга қаратилган мазкур қарор мазмун-моҳиятини халқимизга атрофлича тушунтириш асосий вазифаларимиздан биридир.

Сағиндиқ Турманов,

O‘zLiDeP Қорақалпоғистон Республикаси

Кенгаши раиси

O‘zLiDePнинг Facebook ва Instagramдаги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!

  • Кўрилди
    167
  • Чоп этиш
  • Дўстлар билан улашиш
← Рўйҳатга ўтиш

Билдирилган фикрлар

Сафаров Фаррух Қарши шаҳар2018-06-05 16:12:11

Мухтарам Президентимиз томонидан қабул қилинган "Низоларнинг олдини олишга қаратилган институт сифатида нотариат тизимини янада такомиллаштириш чора-тадбирлари тўғрисида”ги қарори орқали энди барчаси одилона ва адолатли бўлади. Бундан хурсандмиз ва қўллаб-қувватлаймиз.


Фаррух Сафаров O’zLiDeP Қарши шаҳар кенгаши раис ўринбосари2018-06-04 12:04:36

Муҳтарам Президентимизнинг “Низоларнинг олдини олишга қаратилган институт сифатида нотариат тизимини янада такомиллаштириш чора-тадбирлари тўғрисида”ги қарори нотариат тизимини тартибга солиш, қонун устуворлигини таъминлаш, фуқароларнинг ҳақ-ҳуқуқларини ҳимоя қилишда дастуриламал бўлиб хизмат қилади. Ўтган даврда айрим нотариуслар томонидан қлинган қинғирликлар, қонунбузарликлариюзлаб кишиларни юрак касал қилди. Адолат устувор давлатдагина тараққиёт ва фаровонлик бўлиши аниқ. Ишонаманки, энди барча нотариуслар зиммаларидаги вазифаларни масъулият сезган ҳолда амалга оширадилар.


Зайнутдинова Дилбар Юсуповна O'zLiDeP Юнусобод туман Кенгаши раисининг биринчи ўринбосари-аппарат раҳбари2018-06-01 15:59:38

Ўзбекистон Республикаси Марказий банки тижорат банклари билан биргаликда бир ой муддатда барча нотариал идораларни уларда белгиланган иш вақтига мувофиқ фаолият кўрсатувчи махсус кассалар, шунингдек, махсус кассаларни банк пластик карточкаларидан тўловни қабул қилиш бўйича ҳисоб терминаллари билан таъминланиши фуқаролар учун қулай шарт шароит яратиб, ушбу институт фаолияти янада такомиллашади.


O`zLiDeP Томди туман бўлими аппарат рахбари М.Абдазимов2018-06-01 15:05:48

Президентимизнинг мазкур қарори жисмоний ва юридик шахслар ўртасида тузиладиган ҳар қандай хужжатларни қонуний асосларга эга бўлишини, инсон ҳуқуқ ва манфаатлари муҳофазасини янада кучайтирилишини таъминлайди.


Азамат Холиков O'zLiDeP Тўрткўл туман Кенгаши ижрочи котиби2018-05-31 16:41:02

Қабул қилинган ушбу қарор нотариат тизимидаги мавжуд муаммоларни бартараф этишга ва соҳани янада ривожлантиришга, шунингдек фуқароларнинг ҳуқуқ ва манфаатини ҳимоя қилишга хизмат қилади.


Элмуродов Фарход Бойманович-Кашкадарё вилоят Чироқчи туман кенгаши2018-05-30 16:16:06

Ушбу қарор асосида бўш турган нотариус лавозимлари малакали кадрлар билан ўз вақтида тўлдирилади.


O‘zLiDeP Косон тумани "Ривож текцтил" БПТ раиси Л.Қурбонова2018-05-30 10:59:26

Нотариал институтига қаратилаётган эътибор жисмоний ва юридик шахслар ўртасида тузиладиган ҳар қандай битим ва шартноманинг қонуний асосларга эга бўлишига, юридик жиҳатдан мустаҳкамланишига, шунингдек, мамлакатимизда инсон ҳуқуқ ва манфаатлари муҳофазасини янада кучайтиришни таъминлайди.


O‘zLiDeP Каттақўрғон туман Кенгаши ижрочи котиби А.Шобеков2018-05-30 10:27:26

Жуда яхши Қарор қабул қилинибди. Ушбу сохани ислох эитишни давом эттириш керак масалан банкдан кредит олганда шартномани расмийлаштириш учун туланадиган туловни 10 баровар камайтирилса яхши буларди


O’zLiDeP Жиззах вилоят Кенгаши Олим Норжигитов2018-05-29 19:04:56

Президентимизнинг мазкур қарори соҳани янада такомиллаштирилишини, ушбу институт ишлаш тизими халққа яқин ва замон билан ҳамнафас бўлишини, жисмоний ва юридик шахслар ўртасида тузиладиган ҳар қандай битим ва шартноманинг қонуний асосларга эга бўлишини, инсон ҳуқуқ ва манфаатлари муҳофазасини янада кучайтирилишини таъминлайди.


O'zLiDeP Сайхунобод туман Кенгаши "Гўзал" хусусий корхонаси БПТ раиси С. Асатуллаева2018-05-29 17:57:30

Ортиқча вақтлар йўқотилишига йўл қўйилмайди. Биз тадбиркорлар учун яна бир янгилик бўлди.


Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг. ЭСЛАТМА! ЖЎНАТИШ ТУГМАСИНИ БОСГАНИНГИЗДАН СЎНГ БИЛДИРГАН ФИКРИНГИЗ ШУ ЗАҲОТИ КЎРИНИШИ УЧУН САҲИФАНИ ҚАЙТА ЯНГИЛАНГ (ОБНОВИТЬ).

+