Ёшлар - ШҲТ диққат марказида

12.06.2018, 18:52

Ёшлар - ШҲТ диққат марказида

Сардор МАРИПОВ,

O‘zLiDeP “Ёшлар қаноти” вакили:

Маълумки, Шанхай ҳамкорлик ташкилоти нуфузли халқаро ташкилот ҳисобланади. Бугунги кунга келиб, у кўп томонлама ҳамкорликнинг самарали механизмига айланган. Ташкилот хавфсиз ва барқарор келажакни мақсад қилган, шу боис ёшлар масаласига жиддий эътиборни таъминлаш муҳим, чунки Ўзбекистонда улар аҳолининг 60 фоиздан зиёдини ташкил этади.

O‘zLiDeP нуқтаи назарига кўра, Хитойнинг Циндао шаҳрида бўлиб ўтган ШҲТга аъзо давлатлар раҳбарлари Кенгашининг ўн саккизинчи мажлиси муҳим якунларидан бири бу – Ўзбекистон Республикаси Президенти Шавкат Мирзиёевнинг ШҲТ давлатлари раҳбарларининг Қўшма мурожаати ҳамда уни амалга ошириш бўйича Ҳаракатлар дастурини қабул қилиш тўғрисидаги ташаббуси қўллаб-қувватланганидир. Бунда ушбу Дастурни амалга ошириш бўйича алоҳида масъулият ШҲТ Ёшлар кенгаши зиммасига юкланади, Ўзбекистон эса унинг фаолиятида кенг кўламда иштирок этади. ШҲТ мамлакатлари БМТнинг Ёшлар ҳуқуқлари бўйича халқаро конвенцияни ишлаб чиқиши ва қабул қилинишини илгари суриши бу борадаги ишларнинг муҳим натижаларидан бири бўлиши керак.

O‘zLiDeP Ўзбекистоннинг ШҲТдаги мазкур ташаббусини ёш авлодда терроризм ва экстремизм мафкурасига қарши барқарор иммунитетни шакллантириш борасидаги навбатдаги қадам сифатида қабул қилади. Афсуски, ёшлар бугун  турли бузғунчи ва террористик кучлар учун объект бўлиб қолиб, улар ўз усуллари орқали йигит-қизларнинг ҳали шаклланмаган онгига таъсир кўрсатган ҳолда ўзининг жаҳолат гирдобига тортиб кетиш мақсадини кўзда тутади. Партиямиз ШҲТ доирасидаги давлатлараро ҳамкорликда ёшларни турли бузғунчи ғоялардан улар замонавий билимлар олиши учун шароитлар яратиш, мамлакатлар ўртасида миллатлараро ва маданиятлараро муносабатларни мустаҳкамлаш орқали ҳимоя қилиш учун муҳим механизмни кўради.

Ўз навбатида, O‘zLiDeP “Ёшлар қаноти” мустақил фикрловчи, замонавий билимлар ва касбларни эгаллаган ёшларни миллий ва умуминсоний қадриятлар, йигит-қизлар қалбида ўз Ватани ва халқига садоқат руҳида тарбиялашга муносиб ҳисса қўшиш, улар ўртасида соғлом турмуш тарзини тарғиб этиш борасидаги ишларни изчил давом эттиради. Ишончимиз комилки, мазкур вазифалар барча ШҲТга аъзо мамлакатлар ғояларига ҳамоҳангдир.

Буларнинг барчаси бугунги глобаллашув шароитида нафақат ёшларни экстремистик ва террористик оқимлар, жиноятчилик, гиёҳвандлик каби иллатларга жалб қилишга, балки “оммавий маданият”, боқимандалик кайфияти, одоб-аҳлоқ қоидаларини бузиш каби янги таҳдидларга қарши мустаҳкам қалқон бўлади.

Умуман олганда, ШҲТда ёшлар мавзуси, партия фикрича, давлатлараро мулоқотнинг устувор йўналишларидан бири сифатида кўриб чиқилиши мумкин. Ўз навбатида, таълим ва маориф тизимини такомиллаштириш, ёшларни энг замонавий билимларга ошно этиш самарали тизимини яратиш масалаларига эътибор қаратиш лозим. Шанхай ҳамкорлик ташкилоти аъзо давлатлар ёш авлоди вакиллари ўртасида турли соҳаларда ҳар томонлама ҳамкорликни кенгайтиришга қаратилган. Ташкилот экстремизм ва терроризмнинг турли кўринишларига қарши курашга тайёр бўлган ёшлар ташкилотлари ўртасида мулоқотни йўлга қўйишга ҳам ўз ҳиссасини қўшиши мумкин.

Алишер РЎЗИЕВ,

O‘zLiDeP Сурхондарё вилоят кенгаши раиси вазифасини бажарувчи:

Бугун барчамиз ШҲТнинг минтақавий ва глобал сиёсатни шакллантириш, Евроосиё минтақасида хавфсизлик ва барқарор ривожланишни таъминлашнинг муҳим механизми сифатидаги роли кучайишининг гувоҳи бўлиб турибмиз. Нуфузли анжуман, яъни Шанхай ҳамкорлик ташкилотига аъзо давлатлар Кенгашининг ўн саккизинчи мажлиси ХХРда бўлиб ўтди ва унда Ўзбекистон Президенти Шавкат Мирзиёев қатнашди. Мазкур ташкилотнинг аҳамияти шу билан таъкидланадики, Циндао шаҳрида бўлиб ўтган Саммит бир ярим миллиард аҳолини бирлаштирган саккизта мамлакат етакчиларининг биринчи учрашуви сифатида тарихга муҳрланди. Буларнинг барчасини ШҲТнинг иқтисодий ва интеллектуал салоҳияти салмоқли равишда кенгайтирди.

Бу яна шу билан аҳамиятлики, Афғонистоннинг ижтимоий-иқтисодий ривожланишига кўмаклашиш ва унда узоқ кутилган тинчликка эришиш ШҲТ минтақавий хавфсизликни таъминлашнинг шартларидан бири сифатида қайд этилади. O‘zLiDeP фикрича, Тошкентда бўлиб ўтган Афғонистон бўйича халқаро конференция низони тинчлик йўли билан ҳал этиш бўйича фикр алмашиш учун муҳим майдонча бўлди.

ШҲТга аъзо давлатлар раҳбарлари Кенгашининг кенгайтирилган таркибдаги мажлисида Ўзбекистон Республикаси Президенти Шавкат Мирзиёев ўз маърузасида минтақада мутлақо янги сиёсий муҳит шакллангани, унда ташкилотнинг асосий мақсадларига эришиш ва унинг олдида турган вазифаларни бажаришнинг муҳим омили Марказий Осиёда барқарорлик ва фаровонлик эканлигини таъкидлади. 

Партиямизнинг савдо-иқтисодий ҳамкорликни кенгайтириш ва кооперацияни кучайтириш билан боғлиқ эришилган келишувларнинг ўз вақтида амалга оширилишидаги манфаатдорлигини ҳам алоҳида қайд этиш лозим. Бу улар Ўзбекистоннинг ШҲТ давлатлари билан савдо хажмларини оширишга хизмат қилиши билан боғлиқ. Биз O‘zLiDePда экспорт-импорт операциялари тартиб-таомилларини янада соддалаштириш, давлат-хусусий шерикчилик принциплари асосида агросаноат кластерларининг шакллантириш муҳимлиги тарафдоримиз.

Хулоса ўрнида таъкидлаш зарурки, бўлиб ўтган мажлисда қабул қилинган ШҲТга аъзо давлатлар узоқ муддатли яхши қўшничилик, дўстлик ва ҳамкорлик тўғрисидаги Шартномани амалга ошириш юзасидан Ҳаракатлар режаси бу йўналишда келгуси фаолият учун асос бўлади. Жумладан, улар ижтимоий-иқтисодий ҳамкорликни ривожлантириш, минтақанинг транспорт ва логистика салоҳиятини ошириш, маданий-гуманитар алоқаларни мустаҳкамлаш, ёшларни экстремизм ғояларидан ҳимоя қилиш каби долзарб масалаларга алоқадор.

O‘zLiDePнинг Facebook ва Instagramдаги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!

  • Кўрилди
    214
  • Чоп этиш
  • Дўстлар билан улашиш
← Рўйҳатга ўтиш

Билдирилган фикрлар

:Ж.Тошкулов O`zLiDeP Ширин.ш. Кенгаши аппарат рахбари2018-06-18 11:13:07

ШҲТга аъзо давлатлар раҳбарлари Кенгашининг мажлисида қабул қилинган узоқ муддатли яхши қўшничилик, дўстлик ва ҳамкорлик тўғрисидаги Шартнома юзасидан ижтимоий-иқтисодий ҳамкорликни ривожлантириш, минтақавий транспорт ва логистика салоҳиятини ошириш, маданий-гуманитар алоқаларни мустаҳкамлаш, Ватан қадр-қимматини қадрига етиш, ҳамдўстлик давлатларнинг урф-одат дастури, тилларини урганиб бориш ҳамда қўшни хамдўстлик мамлакатларига тажриба иш ўрганиш борди-келди тизимини жорий этиш, келгусида Божхона хамкорлиги иттифоқи (Единний томожний союз) га аъзо бўлишимиз лозим деб ўз таклифимни бераман.


Даврон Темиров O'zLiDeP Бўка туман Кенгаши ДГ ижрочи котиби2018-06-16 11:41:48

ШҲТга аъзо давлатлар раҳбарлари Кенгашининг ўн саккизинчи мажлиси муҳим якунларидан бири бу – Ўзбекистон Республикаси Президенти Шавкат Мирзиёевнинг ШҲТ давлатлари раҳбарларининг Қўшма мурожаати ҳамда уни амалга ошириш бўйича Ҳаракатлар дастурини қабул қилиш тўғрисидаги ташаббуси қўллаб-қувватланганидир. Бунда ушбу Дастурни амалга ошириш бўйича алоҳида масъулият ШҲТ Ёшлар кенгаши зиммасига юкланади,ўйлайманки ШҲТ мамлакатлари БМТнинг Ёшлар ҳуқуқлари бўйича халқаро конвенцияни ишлаб чиқади ва қабул қилинади. Ташкилот ёшлар масаласига жиддий эътиборни таъминлаган ҳолда хавфсиз ва барқарор келажакни таъминлашга эришади,муҳими , Президентимиз раҳнамолигида Ўзбекистонда аҳолининг 60 фоиздан зиёдини ташкил этадиган ёшларимиз бундай ташаббусни доимо қўллаб-қувватлайдилар.


O'zLiDeP Ғузор туман Кенгаши депутатлик гуруҳининг ижрочи котиби Ю.Турдиев2018-06-14 15:49:44

Шанхай ҳамкорлик ташкилоти саммитида ёшларга қаратилган этибор ёшларни миллий ва умуминсоний қадриятлар, йигит-қизлар қалбида ўз Ватани ва халқига садоқат руҳида тарбиялашга муносиб ҳисса қўшиш, улар ўртасида соғлом турмуш тарзини тарғиб этиш борасидаги ишларни изчиллигини таъминлайди.


Toshkent shahar Yoshlik talabalar shaharchasi kengashi a'zosi Ramazonov Sherbek2018-06-14 14:59:06

Yoshlarni har jihatdan qo'llab quvvatlanishi ularda o'zgacha bir ishonch, qiziqish va mas'uliyat hissini oshiradi. Bunday xayrli ishlar kelgusida o'z samarasini beradi albatta. Yoshlarga bunday keng imkoniyatlar yaratib berayotgan tinchlikparvar prezidentimizga raxmat!!!


А.Тожиев O`zLiDeP Шеробод туман Кенгаши БПТ раиси.2018-06-14 09:16:12

Ёшларга жаҳолатни эмас, балки Ватан қадр-қимматини, ҳамдўстлик давлатларнинг урф-одат дастури, тилларини ўрганишни, уларни қадрлашни ўргатиш керак деб ўйлайман.


Ш. Хўжаназаров O`zLiDeP Шеробод туман Кенгаши аппарат рахбари 2018-06-14 09:12:08

Ёшлар билан тенг бўлиб, улар қалбидаги, юрагидаги ўй-фикрлар, мақсад-муддаолар, керак бўлса, ушалмай турган ниятлар билан яқиндан танишишни ўз фаолиятлари учун муҳим деб ҳисоблаган Президентимиз Ш.М.Мирзиёевга ўз миннатдорлигимизни билдирамиз. Ёшлар эртанги кунимиз эгалари, шундай экан, ёшларимиз хеч бир эътибордан четда қолмайдилар!


O'zLiDeP Сайхунобод туман Кенгаши аппарат рахбари Исматуллаев Мухриддин 2018-06-13 16:40:10

Ёшлар эртанги кунимиз эгалари, шундай экан, ёшларимиз хеч бир эътибордан четда қолмайдилар!


Қудратжон Хожиматов Риштон туман Кенгаши аппарат раҳбари, туман депутати2018-06-13 12:52:15

ШҲТга аъзо давлатлар раҳбарлари Кенгашининг кенгайтирилган таркибдаги мажлисида қабул қилинган узоқ муддатли яхши қўшничилик, дўстлик ва ҳамкорлик тўғрисидаги Шартномани амалга ошириш юзасидан Ҳаракатлар режаси бу йўналишда келгуси фаолият учун асос бўлади. Жумладан, улар ижтимоий-иқтисодий ҳамкорликни ривожлантириш, минтақанинг транспорт ва логистика салоҳиятини ошириш, маданий-гуманитар алоқаларни мустаҳкамлаш, ёшларни экстремизм ғояларидан ҳимоя қилиш каби долзарб масалаларга алоқадорлиги билан ахамиятлидир.


А.Бабажанова- O'zLiDeP Канликул тумани Кенгаши аппарат рахбари2018-06-13 12:04:04

Партиямиз ШХТ нинг давлатлар ўртасидаги хавфсизликни таъминлаш, ёшлар масаласига жиддий эътибор қаратиш ташаббусини, ушбу масалада ҳаракатлар дастурини ишлаб чиқилишини қўллаб-қувватлайди. Ёшларга жаҳолатни эмас, Ватан қадр-қимматини, ҳамдустлик давлатларнинг урф-одат дастури, тилларини уйрганишни, ўларни қадрлашни ургатиш керак деб уйлаймиз.


Носирова Шоира Кармана туман кенгаши депутати2018-06-13 11:57:18

ШҲТ мамлакатлари БМТнинг Ёшлар ҳуқуқлари бўйича халқаро конвенцияни ишлаб чиқиши ва қабул қилинишини илгари суриши замонавий билимлар ва касбларни эгаллаган ёшларни миллий ва умуминсоний қадриятлар, йигит-қизлар қалбида ўз Ватани ва халқига садоқат руҳида тарбиялашга муносиб ҳисса қўшиш, улар ўртасида соғлом турмуш тарзини тарғиб этиш борасидаги ишларни изчиллигини таъминлайди.


Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг. ЭСЛАТМА! ЖЎНАТИШ ТУГМАСИНИ БОСГАНИНГИЗДАН СЎНГ БИЛДИРГАН ФИКРИНГИЗ ШУ ЗАҲОТИ КЎРИНИШИ УЧУН САҲИФАНИ ҚАЙТА ЯНГИЛАНГ (ОБНОВИТЬ).

+