Тадбиркорларимиз қанчалик фаол ва ташаббускор бўлса, кўзланган мақсадларга эришамиз

10.08.2018, 18:07

Тадбиркорларимиз қанчалик фаол ва ташаббускор бўлса, кўзланган мақсадларга эришамиз

Кейинги йилларда мамлакатимизда йўл ҳаракати хавфсизлигини таъминлаш, тирбандликларнинг олдини олиш, пиёдалар учун шароит яратиш мақсадида кўплаб кўприк ва йўл ўтказгичлар бунёд этилмоқда. Пойтахтимиздаги Бунёдкор ва Чўпонота кўчалари кесишмасида қурилган замонавий кўприк шулардан биридир. 

Айтиш жоиз, Президентимиз ғояси ва ташаббуси билан бунёд этилган ушбу иншоот қадим Тошкентнинг тарихий жозибасини сақлаган ҳолда, уни янгилаш, замонавий мегаполисга айлантириш, пировардида аҳолининг узоғини яқин қилишда жуда муҳим аҳамиятга эга. 

Шу боис, жорий йилнинг 10 август куни давлатимиз раҳбари Тошкент шаҳрида амалга оширилган бунёдкорлик ишлари билан танишиш мақсадида Чилонзор туманидаги Бунёдкор ва Муқимий кўчалари кесишган чорраҳада қурилган кўприкни бориб кўрди.

Ташриф чоғида Президентимиз янги кўприкнинг моҳиятига алоҳида тўхталди. Бу каби бунёдкорлик ишлари аҳолига янада қулайлик яратиш, турмуш фаровонлигини оширишда катта аҳамиятга эгалигини таъкидлади.

“Ўзбекистон темир йўллари” акциядорлик жамиятига қарашли “Кўприк қурилиш трести” унитар корхонаси қурувчилари томонидан қуриб битказилган кўприкнинг икки томонида пиёдалар учун ер усти ўтиш йўлаги барпо этилгани ҳамда ёғин-сочинли кунларда ҳимояланиш мосламалари ўрнатилгани ҳайдовчилар ва йўловчилар учун кенг қулайликлар яратади. 

Ташриф давомида Президентимиз шунингдек, Шайхонтоҳур туманини ижтимоий-иқтисодий ривожлантиришга оид лойиҳалар билан ҳам танишди.

Туманнинг Оқлон маҳалласида бўш турган жойда технопарк ташкил этиш лойиҳаси улардан бири. Тижорат банклари иштирокида бу ерда тўқимачлик маҳсулотлари, тайёр кийим-кечак ва спорт товарлари ишлаб чиқарадиган корхоналар ташкил этиш режалаштирилган. Бу маҳалладаги хотин-қизлар ва туман ёшларини иш билан таъминлашда муҳим омил бўлади.

Шу ерда енгил саноат тармоғига инвестициялар жалб этиш, замонавий уй-жойлар қуриш, тиббий диагностика маркази ва мактабгача таълим муассасалари ташкил этиш, асални қайта ишлаш ва қадоқлашни йўлга қўйиш бўйича режалаштирилган лойиҳалар намойиш этилди.

Давлатимиз раҳбари саноатни инновацион ривожлантириш, хорижий тажрибани ўрганиб, маҳсулдорлик ва рақобатдошликни ошириш бўйича кўрсатмалар берди. Тадбиркорларнинг инновацион лойиҳаларини қўллаб-қувватлади.

Таъкидлаш керак, ташриф чоғида Президентимиз томонидан берилган топшириқларни масъулият билан бажариш нафақат O‘zLiDeP фаолларига, балки партия электорати бўлган тадбиркор ва ишбилармонлар зиммасига ҳам катта масъулият юклайди. Зотан, тадбиркорларимиз қанчалик масъулиятли, фаол, ташаббускор бўлса, кўзланган мақсадларга тезроқ эришамиз.

Улуғбек ИШАНХОДЖАЕВ,

O`zLiDeP Тошкент шаҳар

Кенгаши  бўлим мудири

O‘zLiDePнинг Facebook ва Instagramдаги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!

  • Кўрилди
    182
  • Чоп этиш
  • Дўстлар билан улашиш
← Рўйҳатга ўтиш

Билдирилган фикрлар

Фарғона вилоят Кенгаши Бизнес тузилмалар ва фермерлар билан ишлаш бўлими Рахмонов Халимжон Хокимович2018-08-13 14:01:09

Бугунги кунда республикамизнинг барча вилоятлари туман ва шаҳарларидан улкан бунедкорлик ишлари олиб брилаётган бир пайтда олиб борилаётган хар бир бино ва иншоатлар аҳолининг турмуш тарзини яхшилаш ҳамда тадбиркорлик сохасини ривожи учун хизмат қилмоқда. Давлатимиз раҳбари томонидан хар бир соҳа бугунги кунда хорижий тажрибаларга асосланган холда ва бу тажрибалар ўз натижаси ва самарасини беришлиги билан ахамиятлидир. Ишлаб чиқарилган махсулотларнинг рақобатдошликни ошириш бўйича берган алохида кўрсатмалари замирида инновацион ишланмаларни купрок жалб этиш бугунги кунда кечиктириб бўлмас масала эканлиги алохида такидланди. Яна бир бор такидлаш жойизки инаватцион ғояларни кўллаб қувватлаш тадбиркорлик йўналишининг асосий бўғинидир.


Даврон Темиров O‘zLiDeP Бўка туман Кенгаши ижрочи котиби2018-08-11 09:18:29

Тадбиркор юрт таянчи иқтисодиёт суянчи.Улар қанчалик фаол ва ташаббускор бўлишса, анниқ мақсад сари рақобатдан қўрқмай баланд чўққиларни эгаллаш учун интилишса,кўзланган мақсадларига эришадилар.Сабаби бунинг учун юртимизда барча имкониятлар яратилган. Фуқароларимизнинг бундай имкониятлардан тўлиқ фойдаланишларига ёрдам бериш нафақат O‘zLiDeP фаолларига, балки партия электорати бўлган тадбиркор ва ишбилармонлар зиммасига ҳам катта масъулият юклайди. Ҳамммамиз бу маъсулиятни доимо ҳис қилиб яшашимиз керак.


Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг. ЭСЛАТМА! ЖЎНАТИШ ТУГМАСИНИ БОСГАНИНГИЗДАН СЎНГ БИЛДИРГАН ФИКРИНГИЗ ШУ ЗАҲОТИ КЎРИНИШИ УЧУН САҲИФАНИ ҚАЙТА ЯНГИЛАНГ (ОБНОВИТЬ).

+