Хотин-қизлар манфаатлари ҳимоясига қаратилган фармон фаолиятимизда таянч бўлишига ишонамиз

03.02.2018, 18:46

Хотин-қизлар манфаатлари ҳимоясига қаратилган фармон фаолиятимизда таянч бўлишига ишонамиз

Ўзбекистон Республикаси Президентининг “Хотин-қизларни қўллаб-қувватлаш ва оила институтини мустаҳкамлаш соҳасидаги фаолиятни тубдан такомиллаштириш чора-тадбирлари тўғрисида”ги Фармони мамлакатимизда хотин-қизларга қаратилаётган юксак эътиборнинг ёрқин намунаси бўлди. Очиғи, мазкур йўналишда айни кунга қадар йўл қўйилган мавжуд камчиликлар фармонда алоҳида эътиборга олиниб, уларнинг барчасини бартараф этишда қатор чора-тадбирлар белгиланлиги айни муддаодир.

Хусусан, Фармонга мувофиқ жамият ва давлат ҳаётида фаоллик ва ташаббускорлик кўрсатган, ўзининг самарали меҳнати билан оиланинг шаклланиши ва фаровонлиги мустаҳкамланишига, оналик ва болалик муҳофазасига муносиб ҳисса қўшган хотин-қизларга бериладиган “Мўътабар аёл” кўкрак нишони таъсис этилиши, оилавий поликлиникалар ва қишлоқ врачлик пунктлари тузилмаларида ўсмир қизлар ва фертиль ёшидаги аёлларга зарур маслаҳатларни беришга ихтисослашган “аёллар маслаҳатхоналари”ни ташкил этилиши, жорий йилнинг 1 апрелидан фуқаролар йиғинларининг диний маърифат ва маънавий-ахлоқий тарбия масалалари бўйича маслаҳатчиси лавозими ўрнига ҳар бир фуқаролар йиғинида 1 тадан, оилалар сони 2000 ва ундан ортиқ бўлган фуқаролар йиғинларида эса 2 тадан хотин-қизлар билан ишлаш ва оилаларда маънавий-ахлоқий қадриятларни мустаҳкамлаш бўйича мутахассис лавозимининг жорий этилиши каби эзгу ва долзарб вазифалар ижроси юртимизда бу борада амалга оширилаётган ишларни янда юқори чўққига кўтаришага ишонамиз.

O‘zLiDeP Андижон вилоят Кенгаши “Аёллар қаноти” фаоллари билан иш режамизга мувофиқ туманларнинг чекка қишлоқларига хотин-қизлар муаммоларини ўрганиш учун борганимизда, қийналган аёлларнинг уй-жой масаласидаги мурожаатларига жуда кўплаб дуч келамиз. Ушбу мурожаатларни партиямиз депутатлик гуруҳлари орқали ҳал этишга ҳаракат қилиб келяпмиз. Маълумки, 2017 йилда уй-жойга муҳтож, ногиронлиги бўлган 1207 нафар аёлга арзон уй-жойлар ажратилди. Эндиликда мана шундай кенг кўламли ишларнинг изчил давоми сифатида мазкур Фармонга мувофиқ Вазирлар Маҳкамасига ижтимоий қўллаб-қувватлашга муҳтож оилаларга қулай шароитларга эга арзон уйларни қуриш ва бериш тартиби тўғрисидаги низомни ишлаб чиқиш ва тасдиқлаш вазифаси юклатилганлиги кўнглимиздаги иш бўлди.  

Қувончлиси, Фармон ижросини амалда таъминлаш мақсадида 5 та бўлим ва 56 та банддан иборат “Хотин-қизларни қўллаб-қувватлаш ва оила институтини мустаҳкамлаш бўйича комплекс чора-тадбирлар дастури” тасдиқланди. Энди мана шу Дастур асосида иш фаолиятимизни янада тўғри, изчил ва тизимли ташкил қиламизки, бу мезон жойларда хотин-қизлар муаммоларини ўрганишимизда катта таянч бўлади.

Хуршидахон ХАЛИЛОВА,

O‘zLiDeP Андижон вилоят Кенгаши раисининг

аёллар масалалари бўйича ўрнибосари

O‘zLiDePнинг Facebook’даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!

  • Кўрилди
    664
  • Чоп этиш
  • Дўстлар билан улашиш
← Рўйҳатга ўтиш

Билдирилган фикрлар

Хумоюн Мусажонов O'zLiDeP Сух туман ижрочи котиби2018-06-28 15:54:32

“Маиший чиқиндилар билан боғлиқ ишларни амалга ошириш тизимини янада такомиллаштириш чора-тадбирлари тўғрисида”ги Президент қарорини ижроси албатта факат давлат идораларин ишига кирмайди,она табиатимизни озодалигини саклашда барча факаролар маъсул.


А.Раҳбаров-O‘zLiDeP Марғилон шаҳар Кенгаши раисининг биринчи ўринбосари-аппарат раҳбари2018-06-21 09:40:31

“Маиший чиқиндилар билан боғлиқ ишларни амалга ошириш тизимини янада такомиллаштириш чора-тадбирлари тўғрисида”ги Президент қарорини қабул қилиниши нафақат тегишлий ташкалотлар балки хар бир фуқарога катта масъулят юклайди


А.Аминов Тошлоқ тумани кенгаши раиси2018-06-13 09:02:04

Хусусан, 2018 йил 1 сентябрига қадар аҳолига атроф-муҳит ҳолати устидан жамоатчилик назоратини амалга ошириш имконини берувчи, мазкур соҳадаги ҳуқуқбузарликлар тўғрисидаги фото ва видео материалларни жойлаштириш имкониятига эга бўлган махсус веб-портални яратиш ҳамда ҳар бир хабар берилган ҳолат бўйича тезкор чоралар кўриш тизими жорий қилинади. Шунингдек, қарор билан ҳудудларни ифлослантирганлик учун шахсларни жавобгарликка тортишнинг таъсирчан механизмларини ишлаб чиқилади, чиқиндилар билан боғлиқ ишларни амалга ошириш соҳасида фуқаролар ва мансабдор шахсларнинг жавобгарлиги кучайтирилади.мамлакатимизда маиший чиқиндилар билан боғлиқ ишларни амалга ошириш тизимини янада ривожлантириш, аҳолининг сифатли санитария жиҳатидан тозалаш хизматлари билан таъминланганлиги даражасини ошириш, шунингдек, экологик муаммоларни ҳал этишдаги мавжуд имкониятларни ишга солиш мақсадида “Маиший чиқиндилар билан боғлиқ ишларни амалга ошириш тизимини янада такомиллаштириш чора-тадбирлари тўғрисида”ги Президент қарори қабул қилинди. Бу қарор Мамалакатимизнинг ривожланишига хисса қўшади.Тоза ҳаводан нафас олишимиз, ям-яшил кенгликларда хордиқ чиқаришимиз, ҳеч қандай кимёвий моддалар аралашмаган меваларни истеъмол қилишимиз ва бошқа шу каби масалалар табиатга қандай муносабатда бўлишимиз керак.


Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг. ЭСЛАТМА! ЖЎНАТИШ ТУГМАСИНИ БОСГАНИНГИЗДАН СЎНГ БИЛДИРГАН ФИКРИНГИЗ ШУ ЗАҲОТИ КЎРИНИШИ УЧУН САҲИФАНИ ҚАЙТА ЯНГИЛАНГ (ОБНОВИТЬ).

+