Ўзбекистон ва Тожикистон: Ҳамкорликнинг барча йўналишлари бўйича келишувлар

12.03.2018, 15:10

Ўзбекистон ва Тожикистон: Ҳамкорликнинг барча йўналишлари бўйича келишувлар

Фурқат Хатамов,

O‘zLiDeP Сиёсий Кенгаши Ижроия қўмитаси аппарат раҳбари:

Президентимиз Шавкат Мирзиёев БМТ Бош Ассамблеясининг юксак минбаридан бугунги кунда минтақани тинч ва иқтисодий фаровонлигига эришиш мақсадида мамлакат ташқи сиёсатининг бош устувор йўналиши сифатида Марказий Осиёни танлади. Бунда Ўзбекистон мулоқот, конструктив ўзаро ҳамкорлик ва яхши қўшничиликни мустаҳкамлашни қатъий қўллаб-қувватлайди. Буларнинг барчаси Ўзбекистон Республикаси Президентининг Тожикистон Республикасига тарихий ташрифи асносида ўз ифодасини тўлиқ топди.

Авваламбор, бу икки давлат раҳбарлари музокаралари якунлари бўйича имзоланган Ўзбекистон Республикаси билан Тожикистон Республикаси ўртасида Дўстлик ва яхши қўшниликни мустаҳкамлаш тўғрисидаги Қўшма баёнот, Ўзбекистон – Тожикистон давлат чегарасининг алоҳида участкалари тўғрисидаги шартномасидир. Шунингдек, савдо, иқтисодиёт, инвестиция, молия, транспорт ва транзит, қишлоқ хўжалиги, сув-энергетика, солиқ, божхона, туризм, фан-таълим, соғлиқни сақлаш, маданият, хавфсизлик ва жиноятчиликка қарши курашиш соҳаларидаги ҳамкорлик ҳамда ҳудудлараро алоқаларни ривожлантиришга доир 27 ҳужжат имзоланди. 

Бу билан ушбу салмоқли ҳужжатлар тўплами мамлакатларимиз ва қардош халқларимиз ўртасидаги ўзаро манфаатли ҳамкорликни ҳар томонлама ривожлантириш учун янги ҳуқуқий асос яратади. Шу билан бирга, минтақа мамлакатлари манфаатлари, умумэътироф этилган халқаро меъёрлар ва стандартларга риоя этган ҳолда сув-энергетика ресурсларидан оқилона ва адолатли фойдаланиш зарурлиги таъкидланганлигини алоҳида қайд этамиз.

Бу билан Ўзбекистон ва Тожикистон хавфсизлик ва барқарорликни таъминлаш, халқаро муаммоларни ҳал этиш, терроризм, экстремизм ва трансмиллий жиноятларнинг бошқа турларига қарши курашиш соҳасидаги давлатлараро ўзаро ҳамкорлигини мустаҳкамлашда муштарак интилишни намоён этдилар. O‘zLiDeP фикрича, бўлиб ўтган давлат ташрифи давомида имзоланган кўплаб ҳужжатлар Ўзбекистон ва Тожикистон ўртасидаги ҳамкорликнинг барча йўналишлари бўйича мавжуд улкан салоҳиятни тўлиқ ишга солиш ва узоқ муддатли ўзаро ҳамкорликни янада ривожлантиришга хизмат қилади.

Хабибулло Ёрматов,

Тадбиркор, O‘zLiDeP фаоли:

Ўзбекистон Республикаси Президенти Шавкат Мирзиёев Тожикистон Республикаси Президенти Имомали Раҳмон  таклифига кўра ушбу мамлакатга давлат ташрифи билан борди, унинг доирасида очиқлик ва ўзаро англашув руҳида икки томонлама муносабатларнинг энг муҳим масалалари муҳокама этилди. Учрашувлар давомида Ўзбекистон билан Тожикистоннинг сиёсий, савдо-иқтисодий, транспорт-коммуникация, энергетика ва бошқа устувор соҳалардаги муносабатларини мустаҳкамлашга доир долзарб масалалар муҳокама қилинди.

Хусусий тадбиркорлик соҳаси вакили ва O‘zLiDeP фаоли сифатида мамлакатлар ўртасида ҳамкорликни янада кенгайтириш, ишбилармонларнинг бевосита мулоқотларини қўллаб-қувватлаш ва рағбатлантириш муҳимлигини алоҳида таъкидлаб ўтмоқчиман. Дарҳақиқат, 2017 йил якунларига кўра, бугунги кунда савдо-иқтисодий алоқалар борасида ўзаро товар айирбошлаш ҳажми 240 миллион долларни ташкил этди. Лекин бизнинг ишончимиз комилки, бу мамлакатларимиз бизнес-доираларининг салоҳиятига мос эмас. Хусусан, мамлакатимизда тожикистонлик сармоядорлар иштирокида тузилган 25 корхона фаолият кўрсатмоқда, бу эса икки мамлакат ишбилармон доиралари ўртасида тўғридан-тўғри алоқаларни янада кенгайтириш муҳимлигидан далолат беради.

Жумладан, бу O‘zLiDeP фикрича, енгил саноат, озиқ-овқат маҳсулотлари, қурилиш материалларини ишлаб чиқариш, мева-сабзавот маҳсулотларини қайта ишлаш ва бошқа соҳалардаги ҳамкорликка доир масалалардир. Бу, ўз навбатида, янги қўшма корхоналар ва савдо уйларини ташкил этиш, ташқи савдо инфратузилмалар ва экспорт-импорт операцияларни қўллаб-қувватлаш, икки томонлама бизнес-форумлар ва саноат маҳсулотлари кўргазмаларини ташкил этишни давом эттиришни талаб этади.

Олий даражада бўлиб ўтган музокараларнинг муҳим якуни бу транзит, минтақалараро ҳамкорликни кенгайтириш учун қулай шароитлар яратиш тўғрисида эришилган келишувлардир. Томонлар алоҳида эътибор қаратган умумий транспорт-коммуникация имкониятлари ва икки мамлакат транзит салоҳиятини тўлиқ ишга солиш зарурати Ўзбекистон ишбилармон доиралари ўртасида ижобий баҳоланди. Партиямиз фикрича, илгари мавжуд бўлган ва янги автомобил, темир йўл ва ҳаво йўлларини тиклаш ва ташкил этиш борасида ҳамкорликни кенгайтириш масалалари ҳам долзарб аҳамият касб этади.

Умуман олганда, ўзаро ҳурмат, ишонч ва фикрлар алмашуви руҳида ўтган музокаралар, O‘zLiDeP фикрича, томонлар манфаатларига мос бўлган келишувларга эришиш учун муҳим қадам бўлиб, Ўзбекистон-Тожикистон ҳамкорлигини сифат жиҳатдан янги босқичга олиб чиқади. Бунда эришилган келишувлар нафақат икки мамлакат, балки бутун минтақа халқлари учун катта аҳамият касб этади.

O‘zLiDePнинг Facebook ва Instagramдаги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!

  • Кўрилди
    1500
  • Чоп этиш
  • Дўстлар билан улашиш
← Рўйҳатга ўтиш

Билдирилган фикрлар

«Inobot Savdo» МЧЖ БПТ Мирзо улуғбек туман2018-07-12 17:18:28

Яна бир имконят


Toshkent shahar Yoshlik talabalar shaharchasi kengashi a'zosi Sherbek Ramazonov2018-07-11 10:37:00

Juda ham ahamiyati katta bo'lgan yangilik. Bu Universitetning tashkil etilishi yurtimizda ta'lim sifatini yaxshilash bilan birga mamlakatimizda yuqori malakali kadrlar ko'payishi va yurtimizning jahon hamjamiyatiga ilmiy jihatdan integratsiyalashuvini ta'minlaydi...


Кадиров Жасурбек-O`zLiDeP Олмазор туман Кенгаши раисининг биринчи ўринбосари-аппарат раҳбари2018-07-10 10:52:53

Тошкент шаҳрида Пучон университетининг ташкил этилиши ҳамда таълим тизимида малакали кадрларни тайёрлашга йўналтирилганлиги, 2021 йилнинг 1 июлигача университет барча турдаги солиқлардан озод этилганлиги, мақсадли давлат жамғармаларига мажбурий ажратмалардан озод этилганлиги мамлакатимизнинг ривожланиши йўлида яна бир янги қадам бўлганлиги билан эътиборлидир. Таълим тизимида олиб борилаётан бу каби ҳаётий ислоҳотлар мамлакатимизда таълим сифатини оширишга, мамлакатни модернизация қилиш ҳамда замонавий жамиятни барпо этиш билан боғлиқ вазифаларни ҳал этишга қодир бўлган кадрларнинг янги авлодини тайёрлашга замин яратади.


Замира Сафарова-Халқ депутатлари Бухоро вилоят Кенгаши депутати, "Ғиждувон Машҳураси" х/к раҳбари, БПТ раиси2018-07-04 16:31:31

Мамлакатимиз пойтахти Тошкент шаҳрида Пучон университетининг ташкил этилиши ва унинг айнан таълим тизимида малакали кадрларни тайёрлашга йўналтирилганлиги, иккинчи жиҳатдан 2021 йилнинг 1 июлигача университет барча турдаги солиқларни тўлашдан ва мақсадли давлат жамғармаларига мажбурий ажратмалардан озод этилганлиги жонажон Ватанимизнинг янада ривожланишига янги қадам бўлганлигини барча корхонамиз ходимлари ва ЎзЛиДеП БПТ аъзолари билан эъроф этамиз.


Норпўлатова Маърифат-Ғиждувон туман мактабгача таълим бўлими бошлиғи ўринбосари, ЎзЛиДеП БПТ раиси2018-07-04 16:20:31

Президентимиз қарорлари билан ташкил этилган бу Университет мамлакатимизнинг мактабгача таълим муассасаларида кўп йиллар давомида етишмай келаётган педагог ва тарбиячилар ўрнини тўлдириш, инновацион муҳитни шакллантириш, ривожланган хорижий мамлакатларнинг етакчи олий таълим муассасалари билан узоқ муддатли муносабатларни янада ривожлантириш мақсадида ташкил этилаётганлиги билан аҳамиятлидир.


Шоназар Ғайбуллаев-Ғиждувон туман ҳокими ўриннбосари, ЎзЛиДеП фаоли 2018-07-04 16:15:19

Ўзбекистон Республикаси Президентининг “Тошкент шаҳрида Пучон университетини ташкил этиш тўғрисида”ги қарори айни вақтда қабул қилинган қарор бўлди. Чунки ҳозирги кунда таълим тизимидаги ислоҳотларни янада самарали боришида бизга юқори малакали кадрларга бўлган эҳтиёж сезилмоқда.


Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+