28 noyabr kuni Farg‘ona davlat universitetida O‘zLiDeP Siyosiy Kengashi Oliy Majlis Qonunchilik palatasi Agrar va suv xo‘jaligi masalalari qo‘mitasi, O‘zbekiston Qishloq xo‘jaligi ilmiy ishlab chiqarish markazi bilan hamkorlikda “Markaziy Farg‘onada qishloq xo‘jaligi mahsulotlari yetishtirish istiqbollari” mavzusida respublika ilmiy-amaliy konferensiyasini o‘tkazish rejalashtirilgan.

Unda olimlar, tadqiqotchi-izlanuvchilar, magistrantlar hamda davlat va xo‘jalik boshqaruv organlari, nodavlat notijorat tashkilotlar vakillari ishtirok etadi.

Konferensiya “O‘zbekiston Respublikasini yanada rivojlantirish bo‘yicha Harakatlar strategiyasini amalga oshirishga oid “Xalq bilan muloqot va inson manfaatlari yili” davlat dasturi va Prezidentimizning “Fermer, dehqon xo‘jaliklari va tomorqa yer egalarining huquqlari va qonuniy manfaatlarini himoya qilish, qishloq xo‘jaligi ekin maydonlaridan samarali foydalanish tizimini tubdan takomillashtirish chora-tadbirlari to‘g‘risida”gi farmoni ijrosi, shuningdek, Yurtboshimizning 2017 yil 22 iyundagi Farg‘ona viloyatiga tashrifi chog‘ida belgilab bergan ustuvor vazifalarni izchil amalga oshirishga qaratilgan.

Konferensiyada qishloq xo‘jaligi yerlarining irrigatsiya va melioratsiyasida tejamkor texnologiyalardan foydalanish, qishloq xo‘jalik ekinlari yetishtirishdagi muammolar, markaziy Farg‘ona yerlarida qishloq xo‘jalik ekinlarini joylashtirish va uni takomillashtirish masalalari, oziq-ovqat dasturining holati va istiqbollari muhokama etiladi.

Konferensiya ishida o‘zbek, rus va ingliz tillaridagi ma’ruzalar bilan ishtirok etish mumkin.

TASHKILIY QO‘MITA

Toshkent sh. Mirobod tumani Nukus ko‘chasi, 73a-uy.

O‘zLiDeP, Tadbirkor va fermerlarni qo‘llab-quvvatlash markazi.

Tel: +99871-2555353; +99871-2392651

O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!